1 REYES 14:10 - Biblia Guarani Tumpa Iñee

¹⁰ jáeramo, ko che aru Jeroboam jo pegua reta re mbae ikavimbae, jare amboaita Jeroboam güi opaete kuimbae reta, tembiokuai reta ani tembiokuaimbae reta Israel pegua; atupeita Jeroboam iñemuña re tepoti oyetupei rami, opa regua.

1 REYES 14:10 ပူးပေါင်းရင်းမြစ်များ

1 REYES 13:34

Kuae oyapo vae rupi Jeroboam jare iñemuña reta oa mbaeyoa pe, kuae jeko pegua oñemokañɨteiuka ɨvɨ iárambo güi.

1 REYES 16:11

Zimri oguapɨ rupive, opa oyuka Baasa iñemuña reta, oeyambae reve metei ave kuimbae ani ivɨa-ïru yepe, oyepɨ vaerä chupe.

1 REYES 16:3

Jáeramo, Baasa, toromokañɨtei opaete ñemuña ndive; Jeroboam, Nabat taɨ pe ayapo rami tayapo vi ndeve.

1 REYES 21:21

Jáeramo yandeYa jei: “Ambouta nderé mbaesusere tuichagüe, jare opata amboai neñemuña reta, neñemuña tembiokuai reta ani tembiokuaimbae vae reta Israel pe.

2 REYES 14:26

Echa yandeYa oecha Israel iñemuña reta oiporara yae ete vae; mbaetɨ etei kia ave ojoyepe, mbaetɨ kia omborɨ reta vaerä.

2 REYES 21:13

Ajäata Jerusalén, Samaria ajäa rami etei, jare Acab iñemuña reta ajäa rami; aeyata ikɨambae, metei ñae oyeyoe yave oyembovapɨ oñeñono rami.

2 REYES 9:37

jare Jezabel jetegüe opɨtata mbaerepoti rami ɨvɨ iárambo rupi, ɨvɨ Jezreel pe, mbaetɨ eteita kia oikuaa Jezabel jetegüe ko vae.”

JOB 20:7

Jepoti rami, opata ko jekuae avei pegua, oecha vae reta jeita: “¿Ketɨ pa oime?”

SALMOS 83:10

Endor pe opa okañɨtei reta, jare jetegüe opa oyea ɨvɨ ndive tepoti rami.

ISAÍAS 14:19

ërei nde, ndemombo reta ikatu pe tɨvɨa güi, mbae yavaete yae vae rami, kɨse pe omano vae jemimondegüe rami, tëogüe ɨvɨkua pe oyemombogüe rami, tëogüe re oñepɨ̈rogüe rami.

ISAÍAS 14:23

Mɨmba küi jee vae oiko vaeräño ikavita, ɨvɨ yasuru vaerä, opata atupei, tupeicha kañɨtei pegua pe.” YandeYa Imbaepuere yae ete vae ko jökorai jei.

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

JEREMÍAS 32:18

Ndeporoparareko avei, ërei reinupa vi kuimbae reta tu reta iyoa jeko pegua. ¡CheYa, Tumpa tuicha ete vae jare imbaepuere yae vae, nderee jae ko yandeYa Imbaepuere yae ete vae!

JEREMÍAS 8:2

jare omoai retata ikatu rupi kuaraɨ pe, yasɨ pe jare opaete yasɨtata jae reta omboetese jare oyeokuaise chupe vae pe. Mbaetɨ eteita kia omonoo oñotɨ vaerä. Oñemoaita ñogüɨnoi ɨvɨ re tepoti rami.

EZEQUIEL 26:4

Omboai retata oguambɨ perëta guasu ikësea, ombosururuta maeka ɨvate vae reta. Ndekuigüe ave opata atupei ndegüi, jare aeyata itape güɨraiño.

AMÓS 3:6

¿Mimbɨguasu oñemoñee tëta guasu pe yave, ngaraa pa oiämondo tëta guasu ipo reta? ¿Oimeta pa tëta guasu pe mbaesusere, yandeYa omboumbae reve?

SOFONÍAS 1:17

YandeYa jei: “Aiporaraukata kuimbae reta pe, jare oguata retata jesambae rami, echa iyoa reta chekotɨ. Jugüɨ oyepɨyereta ɨvɨkúi rami, jare isoo oyemboatɨta tepoti rami.”

MALAQUÍAS 2:3

“Añave che arokomeguata peremitɨ reta, perɨmba oyeyukagüe jepoti pe poovarapita jare peyemomboukata jae ndive.

DEUTERONOMIO 32:36

Echa yandeYa oepɨta imbae vae reta, jembiokuai oaɨu jeko pegua oipoepɨta iyemongeta; oecha mbaetɨ ma ipɨ̈rata yave, mbaetɨ ma yave tembipɨɨ ani tembipɨɨmbae.

1 SAMUEL 2:30

Jáeramo, Israel iTumpa jei tëi tenonde yave neñemuñagüe reta pe, ndeve jare neñemuña reta oyeokuai vaerä chupe jekuae avei, ërei añave jei: ‘Ngaraa ma ayapo jökorai, amboeteukata chemboete vae reta, ërei chereröɨro vae reta aröɨrota vi.

1 SAMUEL 25:22

¡Tumpa täta toiporarauka cheve pɨareve oime yave aeya kia nunga kuimbae jekove reve Nabal jëtara güi!”

1 SAMUEL 25:34

Ërei yandeYa Israel iTumpa jee re, jae ko mbaetɨ omaeño ayapo vaerä ikavimbae vae peve, echa mbaetɨ yave mona nderangai reyu cherövaiti, pɨareve mbaetɨta tëi opɨta metei ave kuimbae jekove reve Nabal jo pegua reta.