1 REYES 13:6 - Biblia Guarani Tumpa Iñee

⁶ Jayave mburuvicha guasu Jeroboam jei Tumpa iñeemombeúa pe: —Romoñera reyerure vaerä cheré ndeYa Tumpa pe, chepo okuera vaerä. Tumpa iñeemombeúa oyerure yandeYa pe, jare mburuvicha guasu ipo okuera, opɨta tenonde rami.

1 REYES 13:6 ပူးပေါင်းရင်းမြစ်များ

1 REYES 13:5

Jare ikäti kavi vae incienso oyeapɨ jese vae opa oyeka yeka, jare tanimbu oï jese vae opa oyepɨyere, Tumpa iñeemombeúa omoërakua yandeYa iñee, mɨakañɨ oikota vae rami.

SALMOS 119:58

Ayerure opaete chepɨa ndive ndeve, cheparareko nde reñererökuavee rami.

ÉXODO 10:17

Ërei pomoñera peɨ̈ro ye vaerä chembaeyoa re cheve añave yepe, jare peyerure peYa Tumpa pe ombosɨrɨ vaerä chegüi kuae mbae pɨ̈chɨi yae vae.

ÉXODO 12:32

Peraja vi pevecha jare peguaka reta peipota rami, pekua jare peyerure vi cheré.

ÉXODO 8:28

Jare Faraón jei: —Amaeñota peo pemee vaerä mɨmba oyeyukagüe peYa Tumpa pe ñuu kotɨ, ërei agüɨyeta peo mombɨrɨ ete; jare peyerure cheré.

ÉXODO 8:4

Jare pïte reta oyeupita nderé, nerëta pegua reta re jare opaete nderembiokuai reta re.”

ÉXODO 8:8

Jayave Faraón oenɨi Moisés jare Aarón, jare jei chupe reta: —Peyerure peYa kotɨ oekɨ vaerä chegüi pïte reta jare cherëta güi, javoi amaeñota yogüɨraja nerëtaɨgua reta, omee reta vaerä mɨmba oyeyukagüe peYa pe.

ÉXODO 9:28

Peyerure peYa pe kuae ararɨapu jare amandau osondo vaerä, jare che amaeñota ma peo, jare ngaraa ye ma omombɨta.

JEREMÍAS 37:3

Mburuvicha guasu Sedequías omondo Jucal, Selemías taɨ, jare sacerdote Sofonías, Maasías taɨ jei reta vaerä Jeremías pe: “Eyerure oreré yandeYa Tumpa pe.”

ZACARÍAS 7:2

Bet-el pegua reta omondo Sarezer, Regem-melec ndive jare jupiegua kuimbae reta, oiporu vaerä yandeYa ipɨakavi.

NÚMEROS 12:13

Jayave Moisés oyerure yandeYa pe, jei reve: “Romoñera añave cheTumpa, rembogüera vaerä.”

NÚMEROS 21:7

Jayave opaete vae yogüeru Moisés oïa pe, jare jei reta chupe: —¡Oreyoa, romoë ramo oreñee yandeYa kotɨ jare nde kotɨ! ¡Eyerure yandeYa pe oekɨ vaerä oregüi kuae mboi reta! Moisés oyerure opaete vae re,

San Mateo 5:44

Ërei che jae peve, peaɨu perovaicho reta. Peñee kavi oyepopeyu peré vae reta kotɨ. Peyapo ikavi vae pemotareɨ vae reta pe. Peyerure Tumpa pe ikavimbae vae oyapo peve vae reta re.

San Lucas 23:34

Jayave Jesús jei: —¡CheRu, neɨ̈ro chupe reta. Echa mbaetɨ oikuaa reta oyapo ñogüɨnoi vae! Jayave sundaro reta omboyao oyoupe Jesús jemimondegüe, oyombosuerte reta jese.

Hechos 7:60

Jayave oyetavatɨka, jare iñeeäta reve jei: “CheYa, agüɨye eiporarauka chupe reta kuae mbaeyoa re.” Jare kuae jei yave, omano.

Hechos 8:24

Jayave Simón jei chupe reta: —Peyerure cheré yandeYa pe, agüɨye vaerä kuae pere cheve vae oyeapo cheve.

Romanos 12:14

Peñee kavi, ikavimbae oyapo peve vae reta kotɨ. Peñee kavi, agüɨye peyepopeyu jese reta.

Romanos 12:21

Agüɨye eñemoamɨriuka ikavimbae pe. Jaeño ikavimbae emoamɨri ikavi vae rupi.

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.

1 SAMUEL 12:19

Jayave opaete vae jei Samuel pe: —Eyerure yandeYa pe ore nderembiokuai reta re agüɨye vaerä romano; echa romoïru yé oreyoa reta roiporu kuae mburuvicha guasu vae pe.

1 SAMUEL 12:23

YandeYa tachemborɨ agüɨye vaerä ayerure poi peré, pomboe aveita peguata kavi vaerä jupi rupi.