1 REYES 13:23 - Biblia Guarani Tumpa Iñee

²³ Tumpa iñeemombeúa Judá pegua opa okaru jare jou ɨ yave, jókuae ndechi oporogüeru vae oyokua mburika chupe,

1 REYES 13:23 ပူးပေါင်းရင်းမြစ်များ

GÉNESIS 22:3

Jayave, pɨareve pe ndeimboveasɨ Abraham opüa oyupavo, oyokua imburika jare güɨraja vi mókoi jembiokuai reta jupíe jare vi taɨ Isaac; jare oyasɨa yepea mɨmba oyeyukagüe opaetei oyeapɨ vae oapɨ vaerä, jare opüa ojo Tumpa jei chupea kotɨ.

1 REYES 13:22

echa reyerova ye rekaru vaerä jare reɨu, yandeYa ndeokuai agüɨyeta tëi reyapo vae pe, jáeramo mbaetɨta reñeotɨ neñemuñagüe reta jɨvɨa oïa pe.

1 REYES 13:24

jare Tumpa iñeemombeúa Judá pegua ojo. Ërei tape rupi oë chupe yaguapope jare oyuka, jare jetegüe oyepɨso oï tape rupi. Imburika jare yaguapope joko pe vi ñogüɨnoi jëogüegüe iyɨpɨ pe.

2 REYES 4:24

Javoi oyokuaauka chupe mburika jare jei tembiokuai pe: —Yaja, eguata tenonde jare agüɨye epɨta che jaeä ndeve reve.