1 REYES 13:21 - Biblia Guarani Tumpa Iñee

²¹ Jare indechi vae iñeeäta reve jei chupe: —YandeYa jei mbaetɨ reyapo ndeokuai rami,

1 REYES 13:21 ပူးပေါင်းရင်းမြစ်များ

GÉNESIS 3:7

Jayave jesa reta oyepea, jare oikuaa reta inandi yepe yogüɨreko vae; jayave ombovɨvɨ reta ɨva joogüe oñeova reta pɨpe vaerä.

2 SAMUEL 24:13

Gad ojo David pɨri jare oikuaauka chupe, jare oparandu chupe: —¿Mbae pa reipota oyeapo ndeve: Chiu año karuai vae, ani mboapɨ yasɨ retekuaraita reiko nderovaicho reta güi vae, ani mboapɨ ara oimeta mbaerasɨ ovakatu vae ndeɨvɨ pe vae? Eyemongeta jare ere cheve mbae ra jaeta chembou vae pe.

2 SAMUEL 6:7

Jayave yandeYa iyarasɨ Uza kotɨ jókuae oyapo vae re, omano voi Uza jókuae Tumpa ikäjou iyɨpɨ peño.

1 REYES 13:17

echa Tumpa jei cheve: “Agüɨye ekaru, ɨ ave agüɨye jeu joko pe, tape reo jupi vae rupi ave agüɨye eyerova ye.”

1 REYES 13:20

Jare oimeño oguapɨ ñogüɨnoi mesa iyɨ́vɨri ramboeve, yandeYa iñee ou ñeemombeúa indechi vae pe, jókuae güeru jëta pe Judá pegua Tumpa iñeemombeúa vae pe.

1 REYES 13:22

echa reyerova ye rekaru vaerä jare reɨu, yandeYa ndeokuai agüɨyeta tëi reyapo vae pe, jáeramo mbaetɨta reñeotɨ neñemuñagüe reta jɨvɨa oïa pe.

1 REYES 20:36

Jayave ñeemombeúa jei chupe: —Mbaetɨ reipota reyapo yandeYa jeigüe jeko pegua, resɨrɨ chegüi yave ndeyukata yaguapope. Jare osɨrɨ ñeemombeúa güi yave oë chupe yaguapope jare oyuka.

ESTER 6:13

Jare Amán omombeu jembireko Zeres pe jare opaete ivɨa-ïru reta pe, mbae oasa jae ndive vae. Jayave imborɨa yarakuaa vae reta jare jembireko Zeres jei chupe: —Kuae Mardoqueo jóvai remboɨpɨ neamɨri vae Judáɨgua reta iñemuña ko yave, ngaraa ndepuere remoamɨri.

JEREMÍAS 2:19

Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

LEVÍTICO 10:3

Jayave Moisés jei Aarón pe: —Körai voi ko yandeYa jei: “Chekotɨ yogüeru vae pe aechaukata che ko jae iyoambae, jare Israel iñemuña reta jóvai ayemboeteukata.” Jare Aarón kïrii opɨta.

NÚMEROS 20:12

Jare yandeYa jei Moisés jare Aarón pe: —Mbaetɨ ramo perovia cheré, mbaetɨ chemboete Israel iñemuña reta jóvai, jáeramo, mbaetɨta pe reta peroike kuae tëta ɨvɨ che amee chupe retaa pe.

NÚMEROS 20:24

“Aarón omanota ma, ngaraa oike Israel iñemuña reta pe ɨvɨ amee vae pe, peyembopɨapochɨ cheporookuai kotɨ Meriba pe jeko pegua.

Apocalipsis 3:19

Che amboete jare aiporarauka aaɨu vae pe; jáeramo, eñemoäta ngatu jare eeya ndeyemongeta ikavimbae vae ndepɨa pe oï vae.

1 SAMUEL 15:19

¿Maera pa reenduä yandeYa iñee? Nderovaicho reta imbaembae re reyemombae, reyapo ikavimbae yandeYa jesa róvai.

1 SAMUEL 4:18

Jare Elí oendu yave Tumpa ikäjou regua, oyatuaka jenda güi öke iyɨpɨ pe, jare iñatuäti oso jare omano, echa indechi yae jare ikɨra yae vi. Jae oiko mburuvicharä Israel iñemuña reta pe cuarenta año.