1 REYES 12:29 - Biblia Guarani Tumpa Iñee

²⁹ Jare metei oñono tëta Bet-el pe, jare ïru tëta Dan pe.

1 REYES 12:29 ပူးပေါင်းရင်းမြစ်များ

GÉNESIS 12:8

Joko güi ojo oñemoëta vaerä metei kaa pe, Bet-el güi kuaraɨ oëa kotɨ, jare joko pe omopüa jo guakapi pegua; güɨnoi Bet-el kuaraɨ oikea kotɨ jare tëta Hai jee vae kuaraɨ oëa kotɨ; joko pe omopüa mɨmba oyeyuka oyeapɨ jese vae yandeYa peguarä, jare oyerure yandeYa jee re.

GÉNESIS 14:14

Abram oendu jiɨ oï tembipɨɨrä yave, omboatɨ opaete jemimbokuakuaa reta, jo pe oa vae reta, jare omee chupe reta tembiporu ñeraro pegua; opaete reve tresciento dieciocho kuimbae reta, jare oaɨkuemoña jiɨ ipɨɨa reta. Jare tëta Dan jee vae pe oupitɨ reta,

GÉNESIS 28:19

Jare jókuae opɨtaa ombojee Bet-el, tenonde yave jókuae tëta jee yepi Luz.

GÉNESIS 35:1

Tumpa jei Jacob pe: “Epüa jare ekua eiko Bet-el pe. Jare joko pe eyapo mɨmba oyeyuka oyeapɨ jese vae Tumpa peguarä nderɨkeɨ Esaú güi resɨi yave oyekuaa ndeve vae.”

1 REYES 13:4

Jeroboam oendu yave Tumpa iñeemombeúa jei ikäti kavi vae incienso oyeapɨ jese vae Bet-el pegua kotɨ yave, jókuae ikäti kavi vae incienso oyeapɨ jese vae güi omopüa ipo jei: “¡Peipɨɨ!” Ërei jókuae ipo opövee pɨpe vae oyepokuaa, täta opɨta chugüi, mbaetɨ ma ipuere omomɨi.

1 REYES 15:20

Ben-adad omokɨ̈reɨ, jókuae mburuvicha guasu Asa jei chupe vae, jayave omondo isundaro itenondegua reta oporepeña Israel pegua tëta guasu reta re. Jökorai opɨ̈ro Ijón, Dan, Abel-bet-maaca, jare opaete Cineret, jare opaete ɨvɨ Neftalí.

2 REYES 10:29

Ërei ngatu Jehú mbaetɨ oyembosɨrɨ amogüe Jeroboam Nabat taɨ iyoa reta güi, Israel iñemuña reta pe oyapouka mbaeyoa vae güi, echa jekuaeñoi omboete toro taɨrusu vae iägüe oro pegua, Bet-el pe jare Dan pe oï reta vae.

2 REYES 2:2

Elías jei Eliseo pe: —Epɨta kuae pe, echa yandeYa chemondo Bet-el kotɨ. Ërei Eliseo jei chupe: —YandeYa jee re jare nderee re, ¡ngaraa roeya! Jayave yogüɨraja päve reta Bet-el kotɨ.

2 CRÓNICAS 13:8

Añave pe reta peipota peñemopüa yandeYa iporookuaía David taɨ reta ipo pe oï vae re, echa pe reta jeta peï jare penoi toro taɨrusu vae iä oro pegua Jeroboam oyapo itumparä vae.

JEREMÍAS 48:13

Jayave Moab imarata itumpa-raanga Quemos jeko pegua, Israel iñemuña reta imara Bet-el re oyerovia tëi yave vae rami.

JEREMÍAS 8:16

¡Ou ma tovaicho! ¡Dan peve oyeendu ma ikavayu reta iñäpɨgua omoñee vae! Ikavayu reta iñee pe, omokana opaete ɨvɨ. Yogüeru omboai vaerä ɨvɨ jare opaete pɨpegua, tëta guasu reta jare opaete yogüɨreko pɨpe vae.”

OSEAS 10:5

Guaka taɨrusu vae iä Bet-avén pegua oyemboai jeko pegua okɨɨyeta Samaria pegua reta. Jae reta jare isacerdote reta jäse retata toro taɨrusu vae iä oyemboai vae re, echa iyemboetea oyekou jese vae opata okañɨtei.

OSEAS 4:15

Pe Israel pegua reta, peyoa ko yave, pe Judá pegua reta, agüɨye peyoa. ¡Agüɨye pekua Gilgal pe ani Bet-avén pe, agüɨye peñererökuavee mbae peyapo vaerä yandeYa jee re!

AMÓS 5:5

Agüɨye pekua Bet-el kotɨ ani Gilgal kotɨ, agüɨye pekua Beerseba kotɨ, echa Gilgal oyererajaukata ɨvɨ ambuae pe tembipɨɨrä jare Bet-el opata oyemboai.”

AMÓS 7:13

ërei agüɨye ye mo emombeu Tumpa iñee kuae Bet-el pe, echa tëta mburuvicha guasu ombaemboete pɨpe vae ko, echa kuae tëta güi ko mburuvicha guasu reta oporookuai.

AMÓS 8:14

Samaria pegua tumpa-raanga reta omboete reta vae jei: ‘Dan iñemuña reta, oikove ko netumpa’, jare ‘Beerseba pegua tumpa-raanga reta’, jókuae reta ogüɨapita, ngaraa ye ma opüa reta.”

DEUTERONOMIO 34:1

Moisés oyeupi ñuu Moab güi, ɨvɨtɨ guasu Nebo jee vae kotɨ ɨvɨtɨ Pisga jee vae iyapɨte re, Jericó jóvai oï vae; jare yandeYa oechauka chupe opaete ɨvɨ Galaad güive Dan iɨvɨ kotɨ,

JOSUÉ 7:2

Jaɨkue rupi Josué omondo kuimbae reta Jericó güi tëta Hai, Bet-avén iyɨpɨ pe oï vae pe, Bet-el güi kuaraɨ oëa kotɨ; jei chupe reta yogüɨraja vaerä omae jókuae ɨvɨ re. Jare jae reta opa yogüɨraja omae tëta Hai re.

JUECES 18:26

Micaía oecha jae reta jeta yae yave, oyerova ye ojo jëta kotɨ; jare Dan iñemuña reta yogüɨraja vi joko güi

JUECES 20:1

Jayave opaete Israel iñemuña reta ñogüɨnoe, Dan güive Beerseba jare Galaad kotɨ güi, oyomboatɨ reta metei rami Mizpa pe, yandeYa jóvai.