1 REYES 12:20 - Biblia Guarani Tumpa Iñee

²⁰ Jare opaete Israel iñemuña reta oikuaa Jeroboam ou ye ma yave, omondo reta oenɨiuka ipɨte pe, jare oñono mburuvicha guasurä opaete Israel iñemuña reta re, opɨtambae reve metei ave ñemuña David iñemuña reta ndive, jaeño Judá iñemuña reta.

1 REYES 12:20 ပူးပေါင်းရင်းမြစ်များ

2 SAMUEL 20:2

Jökorai opaete kuimbae reta Israel pegua oeya David, jare oyemboya reta Seba, Bicri taɨ re. Ërei opaete Judá pegua reta mbaetɨ oyembosɨrɨ mburuvicha guasu David güi, jae ko Jordán güive Jerusalén kotɨ.

1 REYES 11:13

Ërei ngaraa apɨ̈ro opaete mborookuaía, ameeta metei ñemuña nderaɨ pe, aaɨu ramo nderu David, jare Jerusalén, che aiparavo vae.”

1 REYES 11:26

Jare vi Jeroboam, Nabat taɨ, Efraín iñemuña, tëta Sereda pegua, Salomón iyɨvɨrigua oyemboyovaicho mburuvicha guasu kotɨ, ichɨ jee Zerúa, jae ko imemano vae.

1 REYES 11:32

jare jae güɨnoita metei ñemuña, aaɨu ramo cherembiokuai David, jare Jerusalén, echa kuae tëta guasu che aiparavo opaete ñemuña Israel pegua ipɨte güi;

1 REYES 11:35

Ërei apɨ̈rota mborookuaía Salomón taɨ ipo güi, jare ameeta ndeve payandepo ñemuña reta.

1 REYES 11:36

Jare Salomón taɨ pe ameeta metei ñemuña, cherembiokuai David iñemuña reta güi oime avei vaerä mburuvicha, oiko vaerä tembipe rami opaete ara rupi cheróvai Jerusalén pe, tëta guasu che aiparavo vae, pɨpe añono vaerä cheree.

1 REYES 11:37

Che roñonota, reporookuai vaerä opaete reipota vae re jare eiko Israel juvicha guasurä.

1 REYES 12:17

Roboam oï mburuvicha guasurä Israel iñemuña reta yogüɨreko tëta guasu reta Judá pegua pe vae reta re.

2 REYES 17:21

Güɨnoe Israel pegua reta David iporookuaía güi yave, Israel pegua reta omboguapɨ juvicha guasurä Jeroboam, Nabat taɨ; kuae mburuvicha guasu omombiauka iYa güi jare oyapouka chupe reta mbaeyoa ikavimbae yae vae.

OSEAS 11:12

Efraín pegua reta jeta iyapu cheve; Israel pegua reta jeta chembotavɨ. Judá pegua reta mbaetɨ oyembosɨrɨ chegüi, ërei añave omboete reta tumpa-raanga.

OSEAS 8:4

Pemboguapɨ peruvicha guasu retarä, ërei mbaetɨ che aiparavogüe; peñono peruvicha retarä, ërei che mbaetɨ aikuaa. Pekorepoti jare peoro peyapo petumpa-raangarä, pe reta aeño peñemokañɨtei.

1 SAMUEL 10:24

Jare Samuel jei opaete vae pe: —¿Peecha pa yandeYa oiparavogüe, kërai mbaetɨ kia jae rami opaete kuae tëta pe vae? Jayave opaete vae osapúkai oyerovia reve oyepopete reta jese.