1 REYES 12:16 - Biblia Guarani Tumpa Iñee

¹⁶ Jare opaete tëta pegua reta oecha mburuvicha guasu mbaetɨ oendu chupe reta yave, jei reta chupe kuae ñee: “¡Mbaetɨ etei ko mbae rogüɨnoi David re! ¡Mbaetɨ etei ko rogüɨnoi mbae ave Isaí taɨ re! ¡Israel iñemuña reta, pekua pero ae ae kotɨ! ¡David iñemuña reta, toyangareko iyé aeño!” Jayave Israel iñemuña reta ñavo yogüɨraja jo ae ae kotɨ.

1 REYES 12:16 ပူးပေါင်းရင်းမြစ်များ

2 SAMUEL 15:13

Jare ou metei imiari David pe, jei reve: “Opaete Israel iñemuña reta ipɨa oï ma Absalón kotɨ.”

2 SAMUEL 16:11

Jayave David jei Abisai jare opaete isundaro ruvicha reta pe: —Mase, cheraɨ chegüi oë vae viña pa chemomburu oiko, ¡vɨtei pa kuae Benjamín iñemuña pegua! ¡Pemaeño tei cheve ñee jasɨ katu vae, güɨramoi yandeYa ko oyókuai!

2 SAMUEL 20:1

Jare oï joko pe metei kuimbae ipɨapochɨ yae vae, jee Seba, Bicri taɨ, Benjamín iñemuña pegua. Jae omoñeeuka mimbɨguasu jare jei: “¡Yande mbaetɨ ko ñanoi yekou David, Isaí taɨ re! ¡Pekua pero ae ae kotɨ, Israel pegua reta!”

1 REYES 11:11

Jáeramo yandeYa jei Salomón pe: “Kuae oyekuaa nderé ramo, jare mbaetɨ reyapo cheporogüɨrökuavee päve jare cheporookuai reta, che royókuai vae ramo, apɨ̈rota ndegüi ndeporookuaía, jare ameeta ndegüi ndeɨvɨrigua pe.

1 REYES 11:13

Ërei ngaraa apɨ̈ro opaete mborookuaía, ameeta metei ñemuña nderaɨ pe, aaɨu ramo nderu David, jare Jerusalén, che aiparavo vae.”

1 REYES 11:34

Ërei mbaetɨ eteita mbae apɨ̈ro voi chugüi iporookuaía güi, amaeñota oiko mburuvicha guasurä opaete ara oikove oiko ramboeve, cherembiokuai David aaɨu jeko pegua, jae che aiparavo vae, jae oñovatu cheporookuai reta.

1 REYES 11:35

Ërei apɨ̈rota mborookuaía Salomón taɨ ipo güi, jare ameeta ndeve payandepo ñemuña reta.

1 REYES 11:36

Jare Salomón taɨ pe ameeta metei ñemuña, cherembiokuai David iñemuña reta güi oime avei vaerä mburuvicha, oiko vaerä tembipe rami opaete ara rupi cheróvai Jerusalén pe, tëta guasu che aiparavo vae, pɨpe añono vaerä cheree.

1 REYES 11:39

Jare che ambopɨatɨtɨta David iñemuña reta kuae jeko pegua, ërei ngaraa jekuae avei pegua.’ ”

1 REYES 22:17

Jayave Micaías jei: “Aecha opaete Israel iñemuña reta oñemoai ɨvɨtɨ rupi, vecha reta iyangarekoambae rami. Jare yandeYa jei: ‘Kuae reta mbaetɨ iya; metei vae ñavo toyerova ye ipɨakatu reve jo kotɨ.’ ”

1 REYES 22:36

Kuaraɨ oike ma yave, ou ñee opaete sundaro reta pe, jei: “¡Metei vae ñavo tojo jëta kotɨ jare iɨvɨ pe,

2 CRÓNICAS 10:16

Jare opaete Israel iñemuña reta oecha yave mburuvicha guasu mbaetɨ oendu jae reta jei vae, jei reta körai mburuvicha guasu pe: “¡Mbaetɨ etei ko mbae rogüɨnoi David re! ¡Mbaetɨ etei mbae ave rogüɨnoi Isaí taɨ re! ¡Metei ñavo Israel iñemuña reta pekua pero ae ae kotɨ! ¡David iñemuña reta toyangareko iyé aeño!” Jökorai yogüɨraja Israel iñemuña reta jo ñavo rupi.

SALMOS 132:17

Joko pe amboyepotata David imbaepuere, amee ma cherembiparavo pe oiko vaerä tembipe rami.

SALMOS 76:10

Kuimbae iyarasɨ ndemboeteukata; ¡michi yae iyarasɨ vae ave ndemboeteukata!

PROVERBIOS 15:1

Ñee yeaeä, omoröɨsa arasɨ; ërei ñeeasɨ katu, ombojeiete arasɨ.

ISAÍAS 7:17

YandeYa güeruta nderé, nerëta re jare mburuvicha guasu jo pegua reta re, ara reta mbaetɨi jökorai vae, arakae Efraín oyemboyao Judá güi güive vae.” (Jókuae jae ko mburuvicha guasu Asiria pegua oporepeñata vae.)

ISAÍAS 7:2

Jare omombeu reta Acaz, David iñemuña pe körai: “Siriaɨgua reta oñemoïru Efraín pegua reta ndive.” Jayave mburuvicha guasu jare opaete vae orɨrɨi ipɨa okɨɨye güi, kaa pe ɨvɨra reta okana ɨvɨtu yave rami.

JEREMÍAS 33:21

jökorai ko mbaetɨ kia ipuere oipoepɨ cheporogüɨrökuavee päve cherembiokuai David ndive ayapo vae, oime avei vaerä taɨ oguapɨ jae iporookuaía pe, jare cheporogüɨrökuavee päve cherembiokuai levita reta jare sacerdote reta ndive vae.

EZEQUIEL 37:16

“Nde kuimbae, eipɨɨ metei ɨvɨra jare eikuatía jese: ‘Judá pegua reta peguarä.’ Jaɨkue rupi eipɨɨ ïru ɨvɨra jare eikuatía jese: ‘Israel pegua reta peguarä.’

San Marcos 3:24

Metei mborookuaía pegua reta oyovaicho oyoupii yave, oyemboaita ko.

San Lucas 19:14

Ërei jëtaɨgua reta omotareɨ jókuae mburuvicha, jare omondo reta jaɨkue jei reta vaerä: ‘Mbaetɨ roipota kuae kuimbae oiko vaerä oreruvicha guasurä.’

San Lucas 19:27

Ërei peru kuae pe cherovaicho reta, jókuae mbaetɨ oipota juvicharä aiko vae reta. Peñäka-sɨa cheróvai.’ ”

San Juan 13:8

Pedro jei chupe: —Ngaraa etei amaeño reyoe vaerä chepɨ. Jesús jei chupe: —Mbaetɨ ayoe ndepɨ yave, nde mbaetɨ ko reï che ndive.

JUECES 8:35

mbaetɨ vi omboyekuaa reta ipɨakavi Jerobaal jo pegua reta re, jae ko Gedeón, jókuae ikavi vae oyapo Israel iñemuña reta vae re.

JUECES 9:28

Jare Gaal, Ebed taɨ jei: “¿Mbae mbatee pa Abimelec, Jerobaal taɨñoä pa ko, Zebul jaeä pa imborɨa? ¿Kia pa Siquem oiko vaerä Abimelec jeia re? Yayeokuai Hamor pe, jae ko kuae tëta omboɨpɨ vae, jare agüɨye yaiko Abimelec, Jerobaal taɨ jeia re.