1 REYES 12:13 - Biblia Guarani Tumpa Iñee

¹³ Jare mburuvicha guasu jei iyarasɨ reve tëta pegua reta pe, osɨrɨ tenondegua reta yemboarakuaa omee tëi chupe vae güi;

1 REYES 12:13 ပူးပေါင်းရင်းမြစ်များ

GÉNESIS 16:6

Abram jei Sarai pe: —Mase, ko nderembiokuai ndepo pe ko oï, eyapo chupe nde reipota vae. Jare Sarai güɨreko kaviä vae jeko pegua, Agar otekuarai chugüi.

GÉNESIS 42:30

—Jókuae kuimbae ɨvɨ iya oremomiari iyarasɨ reve, tëta re oporopïaro vae reta rami omae oreré.

GÉNESIS 42:7

José oecha tɨkeɨ reta rupive oikuaa; ërei ngatu jae oikuaambae rami oyeapo, jare omomiari iyarasɨ reve, jei chupe reta: —¿Ketɨ güi pa peyu? Jare jae reta jei: —Ɨvɨ Canaán kotɨ güi ko royu rogua vaerä tembíu.

2 SAMUEL 19:43

Jayave Israel pegua reta jei Judá pegua reta pe: —Ore oime rogüɨnoi pegüi mburuvicha guasu David re payandepo ye yekou, jare oreñemuñagüe reta ko tenondegua peñemuñagüe reta güi, ¿maera pa mbaetɨ oremboete? ¿Ore räriä pa royemongeta tëi rogüeru ye vaerä oreruvicha guasu? Ërei Judá pegua reta iñee oasa jasɨ katu yae Israel pegua reta güi.

1 REYES 12:12

Mboapɨa ara pe ou Jeroboam opaete tëta pegua reta ndive Roboam jóvai: “Peyu ye chekotɨ mboapɨa ara pe”, jei chupe reta rami.

1 REYES 12:14

jare imiari chupe reta, taɨrusu vae reta omboarakuaa rami, jei reve: Cheru ombojeiete yae ko peve iporookuai, ërei che jeieteta amoïru peve mborookuai. Cheru oiporarauka peve tɨmasa pe, ërei che aiporaraukata peve mbae jasɨ yae ete vae pe.

ÉXODO 10:28

Jayave Faraón jei chupe: —Esɨrɨ chegüi; eyeandu jare agüɨye mo eyu cheróvai, echa oipotagüe ara rupi reyu ye cheróvai yave remanota.

ÉXODO 5:2

Ërei Faraón jei: —¿Kia pa jókuae “peYa”, ayeapɨsaka vaerä iñee re jare amaeño vaerä yogüɨraja Israel iñemuña reta? Che mbaetɨ ko aikuaa peYa, ngaraa vi amaeño yogüɨraja Israel iñemuña reta.

PROVERBIOS 10:11

Jupi vae iñee reta, tekove katu ko, ërei iyoa vae, oñemokïriiukata jeko pɨ̈chɨi pe.

PROVERBIOS 10:32

Jupi vae iyuru güi oë ñee pöra; ërei iyoa vae reta iyuru ikɨa.

PROVERBIOS 13:20

Yarakuaa vae reta ndive oñemoïru vae, yarakuaata; ërei yarakuaambae reta ndive oñemoïru vae, oiporarata.

PROVERBIOS 15:1

Ñee yeaeä, omoröɨsa arasɨ; ërei ñeeasɨ katu, ombojeiete arasɨ.

PROVERBIOS 18:23

Paravete vae, imiari oporomoñera reve, ërei oikokatu vae, omboyevɨ iñeeasɨ katu reve.

ECLESIASTÉS 10:12

Yarakuaa vae iñee reta rupi oyemboeteuka, ërei yarakuaambae, iñee rupi aeño oyemboai;

ECLESIASTÉS 2:19

Jare mbaetɨ yaikuaa, yarakuaa ra ani yarakuaambae ra oyemboiyata cheparavɨkɨ chearakuaa katu reve ayapo kuae ɨvɨ pe vae re, ayemoambeko jese vae re. Kuae mbaeä etei vi ko.

Santiago 3:17

Ërei arakuaa Tumpa güi ou vae, ikɨambae ko, ipɨakatuta ko, iporoaɨu ko, ipɨakavi ko, iporoparareko ko jare oyapo ikavigüe. Oporombotavɨmbae jare mbaetɨ jova mókoi.

1 SAMUEL 20:10

Jare David jei Jonatán pe: —¿Kia pa omombeuta cheve nderu oyemongeta kaviä cheré vae?