1 REYES 11:36 - Biblia Guarani Tumpa Iñee

³⁶ Jare Salomón taɨ pe ameeta metei ñemuña, cherembiokuai David iñemuña reta güi oime avei vaerä mburuvicha, oiko vaerä tembipe rami opaete ara rupi cheróvai Jerusalén pe, tëta guasu che aiparavo vae, pɨpe añono vaerä cheree.

1 REYES 11:36 ပူးပေါင်းရင်းမြစ်များ

2 SAMUEL 21:17

Ërei Abisai, Sarvia imembɨraɨe ou omborɨ, ombopere jare oyuka jókuae filisteo. Jayave isundaro reta jeiuka chupe Tumpa jee re mbaetɨ yeta ma oë jae reta ndive ñeraroa pe vae, agüɨye vaerä ogüe rami Israel pe jërakua yae vae.

2 SAMUEL 22:29

CheYa, nde ko jae remboesape cheve vae; nde cheTumpa remboesape cheve pɨtumimbi.

2 SAMUEL 7:16

Neñemuña reta jare ndeporookuaía amomɨ̈rata añono, ndeporookuaía oikota jekuae avei pegua.’ ”

2 SAMUEL 7:29

Ndeporerekua jayave cheve cheñemuña reta re, yogüɨreko avei vaerä nderóvai rupi, echa jökorai ko rere cheYa Tumpa, ndeporerekua rupi ko cheñemuña reta oyekouta jekuae avei rupi.”

1 REYES 11:13

Ërei ngaraa apɨ̈ro opaete mborookuaía, ameeta metei ñemuña nderaɨ pe, aaɨu ramo nderu David, jare Jerusalén, che aiparavo vae.”

1 REYES 11:32

jare jae güɨnoita metei ñemuña, aaɨu ramo cherembiokuai David, jare Jerusalén, echa kuae tëta guasu che aiparavo opaete ñemuña Israel pegua ipɨte güi;

1 REYES 11:37

Che roñonota, reporookuai vaerä opaete reipota vae re jare eiko Israel juvicha guasurä.

1 REYES 12:17

Roboam oï mburuvicha guasurä Israel iñemuña reta yogüɨreko tëta guasu reta Judá pegua pe vae reta re.

1 REYES 14:21

Roboam, Salomón taɨ oiko mburuvicha guasurä Judá pe. Cuarenta y un año güɨnoi yave omboɨpɨ oï, jare diecisiete año oiko mburuvicha guasurä Jerusalén pe, tëta yandeYa oiparavo opaete Israel iñemuña reta güi vae, joko pe oñono vaerä jee. Ichɨ jee Naama, Amón iñemuña pegua.

1 REYES 15:4

Ërei David re ipɨakatu ramo iYa Tumpa, omee chupe oime avei vaerä iñemuña güi mburuvicha Jerusalén pe, oiko vaerä tembipe rami opaete ara rupi, oguapɨ ramboeve taɨ jekovia pe, omomɨ̈rata vaerä Jerusalén.

1 REYES 2:4

Oyeapo vaerä yandeYa iñee oñererökuavee cheve yave jei vae, echa jei: “Nderaɨ reta oyapo yave cheremimbota, oiko reve jupi rupi cheróvai opaete ipɨa ndive jare opaete jekove ndive, ngaraa oata kuimbae neñemuña güi oguapɨ vaerä mborookuaía Israel pegua pe.”

1 REYES 8:29

emae avei pɨ̈tu yave jare ara pe kuae o re, kuae: ‘Cheree oïta pɨpe’ rere chupe vae re; jare eendu nderembiokuai yerure oyapo yave kuae o pe.

1 REYES 9:3

Jare yandeYa jei chupe: “Che aendu ndeyerure jare neporomoñera reyapo cheróvai vae. Che añono tee kuae o nde remopüa vae, añono vaerä cheree pɨpe jekuae avei pegua; jare opaete ara rupi ayangarekota jese.

2 REYES 8:19

Kuaekuae reta reve yandeYa mbaetɨ oipota omboai ɨvɨ Judá, jembiokuai David oaɨu jeko pegua, echa chupe jare iñemuña reta pe güɨrökuavee yogüɨreko avei vaerä tembipe rami.

2 CRÓNICAS 12:13

Roboam oñemopɨ̈rata mburuvicha guasurä Jerusalén pe; cuarenta y un año ma güɨnoi yave omboɨpɨ oiko mburuvicha guasurä, jare diecisiete año oiko mburuvicharä Jerusalén pe, tëta guasu yandeYa oiparavo opaete ñemuña reta güi vae pe, jae jee oiko vaerä joko pe. Roboam ichɨ jee Naama jae ko Amón iñemuña.

2 CRÓNICAS 21:7

Ërei yandeYa mbaetɨ oipota opa omboai David iñemuña reta, echa oyapo morogüɨrökuavee päve David ndive jare iñemuña reta ndive yogüɨreko avei vaerä tembipe rami.

SALMOS 132:17

Joko pe amboyepotata David imbaepuere, amee ma cherembiparavo pe oiko vaerä tembipe rami.

Hebreos 12:22

Ërei pe reta peya ma ɨvɨtɨ guasu Sión re, Tumpa oikove vae jëta guasu re. Jae ko Jerusalén ara pegua, araɨgua reta jeta yae ñogüɨnoia re,

Apocalipsis 21:10

Jayave araɨgua chereraja Espíritu Santo imbaepuere pe metei ɨvɨtɨ guasu ɨvate vae re, jare oechauka cheve tëta guasu Jerusalén oñeñono tee Tumpa peguarä vae ogüeyɨ ou ara güi Tumpa oïa güi.