1 REYES 11:32 - Biblia Guarani Tumpa Iñee

³² jare jae güɨnoita metei ñemuña, aaɨu ramo cherembiokuai David, jare Jerusalén, echa kuae tëta guasu che aiparavo opaete ñemuña Israel pegua ipɨte güi;

1 REYES 11:32 ပူးပေါင်းရင်းမြစ်များ

1 REYES 11:12

Ërei ngatu mbaetɨta kuae ayapo reikove reiko ramboeve, nderu David aaɨu vae jeko pegua; nderaɨ ipo güi apɨ̈rota.

1 REYES 11:13

Ërei ngaraa apɨ̈ro opaete mborookuaía, ameeta metei ñemuña nderaɨ pe, aaɨu ramo nderu David, jare Jerusalén, che aiparavo vae.”

1 REYES 14:21

Roboam, Salomón taɨ oiko mburuvicha guasurä Judá pe. Cuarenta y un año güɨnoi yave omboɨpɨ oï, jare diecisiete año oiko mburuvicha guasurä Jerusalén pe, tëta yandeYa oiparavo opaete Israel iñemuña reta güi vae, joko pe oñono vaerä jee. Ichɨ jee Naama, Amón iñemuña pegua.

1 REYES 15:4

Ërei David re ipɨakatu ramo iYa Tumpa, omee chupe oime avei vaerä iñemuña güi mburuvicha Jerusalén pe, oiko vaerä tembipe rami opaete ara rupi, oguapɨ ramboeve taɨ jekovia pe, omomɨ̈rata vaerä Jerusalén.

2 REYES 17:18

Jáeramo yandeYa iyarasɨ yae ete Israel pegua reta kotɨ, jare opa omombo iyeugüi; jare mbaetɨ etei opɨta vae, jaeño opɨta Judá pegua reta.