1 REYES 11:31 - Biblia Guarani Tumpa Iñee

³¹ Jare jei Jeroboam pe: “Eipɨɨ ndeyeupe kuae güi payandepo yemboyao; echa körai jei ndeve yandeYa Israel iTumpa: ‘Mase, ko apɨ̈ro Salomón ipo güi iporookuaía, jare ameeta ndeve payandepo ñemuña;

1 REYES 11:31 ပူးပေါင်းရင်းမြစ်များ

2 SAMUEL 19:43

Jayave Israel pegua reta jei Judá pegua reta pe: —Ore oime rogüɨnoi pegüi mburuvicha guasu David re payandepo ye yekou, jare oreñemuñagüe reta ko tenondegua peñemuñagüe reta güi, ¿maera pa mbaetɨ oremboete? ¿Ore räriä pa royemongeta tëi rogüeru ye vaerä oreruvicha guasu? Ërei Judá pegua reta iñee oasa jasɨ katu yae Israel pegua reta güi.

1 REYES 12:15

Jare mburuvicha guasu mbaetɨ oyeapɨsaka opaete vae re; echa yandeYa jei jökoraita ko vae, iñee oyembopo vaerä Ahías Silo pegua rupi jei Jeroboam, Nabat taɨ pe vae.

1 REYES 14:2

Jare Jeroboam jei jembireko pe: —Añave epüa jare eyemonde ambuaeyee, agüɨye vaerä ndekuaa reta cherembireko ko nde vae, jare ekua Silo pe; echa joko pe oime oï ñeemombeúa Ahías, kuae tëta pe mburuvicha guasurä aïta vae omombeu cheve vae.

1 REYES 14:8

Apɨ̈ro mborookuaía David iñemuña güi, jare amee ndeve; jare nde mbaetɨ cherembiokuai David rami, cheporookuai oñovatu vae jare oguata cheróvai opaete ipɨa reve kavi, oyapo reve sɨmbi vae cheresa róvai.

2 REYES 17:21

Güɨnoe Israel pegua reta David iporookuaía güi yave, Israel pegua reta omboguapɨ juvicha guasurä Jeroboam, Nabat taɨ; kuae mburuvicha guasu omombiauka iYa güi jare oyapouka chupe reta mbaeyoa ikavimbae yae vae.

2 CRÓNICAS 10:15

Jare mburuvicha guasu mbaetɨ oyeapɨsaka jeta vae reta re, echa Tumpa omaeño jökorai oasa yandeYa iñee oyembopo vaerä Ahías Silo pegua rupi Jeroboam, Nabat taɨ kotɨ vae.

1 SAMUEL 15:27

Jare Samuel oyerova ma ojo vaerä yave, jae oipɨɨ jemimonde jembeɨ pe, jare osoro chupe.

1 SAMUEL 15:28

Jayave Samuel jei chupe: —Körai yandeYa omondoro añave ndeporookuaía Israel iñemuña reta güi, jare omee metei nerëtaɨgua pe, jeko kavi yae ndegüi vae pe.