1 REYES 11:27 - Biblia Guarani Tumpa Iñee

²⁷ Jeroboam oñemopüa mburuvicha guasu Salomón re. Echa Salomón oyapo oï Milo yave, opa oyokenda tape tu David Jëta guasu ikësea oasavi oï vae.

1 REYES 11:27 ပူးပေါင်းရင်းမြစ်များ

2 SAMUEL 20:21

Mbaetɨ ko jökorai. Oime metei kuimbae Efraín iñemuña reta güi oñemopüa mburuvicha guasu David kotɨ vae, jee Seba, jae ko Bicri taɨ. Emee jókuae kuimbae cheve, jare ajata kuae tëta güi. Jayave jókuae kuña jei Joab pe: —Romombota iñäkagüe ndeve, kuae tëta ikësea güi.

2 SAMUEL 5:7

Ërei David opɨ̈ro jókuae tëta guasu jëguambae Sión regua; jae ko añave rupi jee David Jëta guasu.

1 REYES 9:15

Kuae jeko pegua mburuvicha guasu Salomón omee mborookuai oyeapo vaerä yandeYa itupao, mburuvicha guasu jo, Milo, Jerusalén ikësea, jökoraiño vi tëta Hazor, Meguido jare Gezer.

1 REYES 9:24

Faraón tayɨ oyakavo David Jëta Guasu güi mburuvicha guasu Salomón oyapo o chupe vae pe. Jayave Salomón oyapo Milo.

2 REYES 12:20

Jare iyɨvɨrigua reta oñemopüa ikotɨ jare oyuka reta Milo pe, jae ojo Sila kotɨ oiko yave.

NEHEMÍAS 4:7

Ërei ngatu oikuaa yave Sanbalat jare Tobías, jare Arabiaɨgua reta, jare Amón iñemuña reta jare Asdod pegua reta, kërai tëta Jerusalén ikësea oñemopüa ye ma, echa oasavigüe reta omboɨpɨ ma oyeokenda yave, iyarasɨ yae reta;

SALMOS 60:2

Ɨvɨ remokana jare oyeka; ¡eñono kavi, echa opa osururu oï!

PROVERBIOS 30:32

Ndearakuaambae reve reipota yave reyembotuicha ani reyemongeta reyapo vaerä ikavimbae yave, ¡eyemongeta kavi mo!

ISAÍAS 22:9

jare peecha David Jëta Guasu ikësea jeta oyeka vae, jare peru ɨ, ɨrɨru ɨvɨkotɨgua güi.

ISAÍAS 26:11

CheYa, ndepo remopüa ma renoi reinupa reta vaerä, ërei jae reta mbaetɨ oipota oikuaa jókuae regua, ërei oecha reta ndeporoaɨu, tëta ndembae vae kotɨ yave, imarata jókuae imotareɨa reta. ¡Mbae mona ndearasɨ opa omboai reta!

EZEQUIEL 13:5

Mbaetɨ etei mbae oyapo reta oepɨ vaerä Israel, mbaetɨ ojo reta oyemboasavi oï vae pe ani omopüa yepe oguambɨ tëta ikësea ñeraro peguarä, yandeYa iporojäa iara pe.

AMÓS 9:11

“Jókuae ara rupi che amopüata David jo oagüe, jare oyeka yekagüe ayapeteta; amopüa yeta osururugüe, ayapo yeta arakae rami,