1 REYES 11:14 - Biblia Guarani Tumpa Iñee

¹⁴ Jare yandeYa omee oime vaerä tovaicho Salomón pe: Hadad, Edom iñemuña pegua, jae ko mburuvicha Edom pegua.

1 REYES 11:14 ပူးပေါင်းရင်းမြစ်များ

2 SAMUEL 24:1

YandeYa iyarasɨ ye Israel iñemuña reta kotɨ, jare omokɨ̈reɨ David ipɨa pe ikotɨ reta, oipapa vaerä Israel pegua reta jare Judá pegua reta.

2 SAMUEL 7:14

Che aïta turä jare jae oïta cheraɨrä. Jare ombaeyavɨ yave, che ainupata, metei kuimbae taɨ oinupa rami,

1 REYES 11:13

Ërei ngaraa apɨ̈ro opaete mborookuaía, ameeta metei ñemuña nderaɨ pe, aaɨu ramo nderu David, jare Jerusalén, che aiparavo vae.”

1 REYES 11:15

Echa David omoamɨri yave Edom. Joab sundaro reta itenondegua ete, ojo oñotɨ ñeraro pe omanogüe reta, jare oyuka opaete kuimbae Edom pegua;

1 REYES 11:23

Jaeramiño vi, Tumpa omee Rezón pe oñemopüa vaerä Salomón kotɨ. Rezón jae ko Eliada taɨ, jae ko otekuarai iya Hadad-ezer güi vae. Hadad-ezer ko mburuvicha guasu Soba pegua.

1 REYES 12:15

Jare mburuvicha guasu mbaetɨ oyeapɨsaka opaete vae re; echa yandeYa jei jökoraita ko vae, iñee oyembopo vaerä Ahías Silo pegua rupi jei Jeroboam, Nabat taɨ pe vae.

1 CRÓNICAS 5:26

Jókuae jeko pegua, Israel iTumpa ombopɨa-kɨ̈reɨ Pul, mburuvicha guasu Asiria pegua, jae ko Tiglat-pileser, jae opa güɨnoe Rubén iñemuña reta jare Gad iñemuña reta jare Manasés iñemuña reta oyemboyaogüe iɨvɨ güi; jare opa güɨraja reta Halah pe, Habor, Hara jare ɨ̈aka Gozán pe, añave yogüɨrekoa pe.

ISAÍAS 10:26

Che peYa Imbaepuere yae ete vae ainupata Madián pegua reta ayuka ɨvɨtɨ Oreb pe rami; chembaepuere amboyekuaata Asiria re, Egipto re amboyekuaa rami.

ISAÍAS 10:5

Echa Tumpa jei: “¡Tëtaguasu Asiria! Jae ko popoka ɨvɨra pegua aporonupa pɨpe chearasɨ yave vae, ipo pe añono chearasɨ.

ISAÍAS 13:17

Ambouta ikotɨ reta tëtaguasu Media pegua reta, mbaetɨ oipotarai oro ani korepoti vae reta.

NÚMEROS 24:18

Opɨ̈ro retata Edom, opɨ̈rota vi jovaicho Seir, Israel ikuimbae yaeta.

1 SAMUEL 26:19

Cheruvicha guasu, romoñera reyeapɨsaka vaerä cheré, yandeYa ndemboyovaicho cheré yave, jae toipɨɨ chegüi mbota, ërei kuimbae retaño yave, toiporara reta yandeYa jóvai, echa añave cherenoe chemombo reta kuae ɨvɨ güi, jei reve cheve: “Ekua eyeokuai ïru tumpa ambuae reta pe.”