1 REYES 11:12 - Biblia Guarani Tumpa Iñee

¹² Ërei ngatu mbaetɨta kuae ayapo reikove reiko ramboeve, nderu David aaɨu vae jeko pegua; nderaɨ ipo güi apɨ̈rota.

1 REYES 11:12 ပူးပေါင်းရင်းမြစ်များ

GÉNESIS 12:2

Ndegüi ayapota tëtaguasu tuicha yae vae, jare cheporerekuata nderé, jare ambotuicha yaeta nderee opaete ɨvɨ rupi, jare cheporerekuata jeta vae reta re ndereko pegua.

GÉNESIS 19:29

Jökorai Tumpa opa omboai opaete tëta reta ñuu rupigua, Lot oikose pɨpe vae; ërei Tumpa imaendúa Abraham re jeko pegua güɨroasayepe Lot kañɨtei güi.

1 REYES 11:11

Jáeramo yandeYa jei Salomón pe: “Kuae oyekuaa nderé ramo, jare mbaetɨ reyapo cheporogüɨrökuavee päve jare cheporookuai reta, che royókuai vae ramo, apɨ̈rota ndegüi ndeporookuaía, jare ameeta ndegüi ndeɨvɨrigua pe.

1 REYES 11:13

Ërei ngaraa apɨ̈ro opaete mborookuaía, ameeta metei ñemuña nderaɨ pe, aaɨu ramo nderu David, jare Jerusalén, che aiparavo vae.”

1 REYES 11:31

Jare jei Jeroboam pe: “Eipɨɨ ndeyeupe kuae güi payandepo yemboyao; echa körai jei ndeve yandeYa Israel iTumpa: ‘Mase, ko apɨ̈ro Salomón ipo güi iporookuaía, jare ameeta ndeve payandepo ñemuña;

1 REYES 11:32

jare jae güɨnoita metei ñemuña, aaɨu ramo cherembiokuai David, jare Jerusalén, echa kuae tëta guasu che aiparavo opaete ñemuña Israel pegua ipɨte güi;

1 REYES 11:34

Ërei mbaetɨ eteita mbae apɨ̈ro voi chugüi iporookuaía güi, amaeñota oiko mburuvicha guasurä opaete ara oikove oiko ramboeve, cherembiokuai David aaɨu jeko pegua, jae che aiparavo vae, jae oñovatu cheporookuai reta.

1 REYES 11:35

Ërei apɨ̈rota mborookuaía Salomón taɨ ipo güi, jare ameeta ndeve payandepo ñemuña reta.

1 REYES 21:29

“¿Reecha pa Acab kërai oñemomichi cheróvai? Oñemomichi vae jeko pegua mbaetɨta ambou jese ikavimbae oikove oiko ramboeve, iñemuña reta re ambouta kuri ikavimbae.”

2 REYES 19:34

Echa che ayangarekota kuae tëta guasu re, aepɨ vaerä, che ayeaɨu jeko pegua, jare cherembiokuai David aɨu jeko pegua.’ ”

2 REYES 20:17

“Oväeta ara opaete mbaembae ndero pegua reta jare opaete neñemuñagüe reta omboatɨgüe opa vaerä oyereraja Babilonia pe, mbaetɨ eteita mbae opɨta kuae pe, jei yandeYa.

2 REYES 20:19

Jayave Ezequías jei Isaías pe: “YandeYa iñee remombeu vae jaekavi ko.” Echa jei yepe iyeupe: “Aikove aiko ramboeve oimeñota mbɨakatu jare mbae jupi vae.”

2 REYES 8:19

Kuaekuae reta reve yandeYa mbaetɨ oipota omboai ɨvɨ Judá, jembiokuai David oaɨu jeko pegua, echa chupe jare iñemuña reta pe güɨrökuavee yogüɨreko avei vaerä tembipe rami.

ÉXODO 20:5

Agüɨye peyetavatɨka yepe jóvai, agüɨye vi pemboete, echa che ko jae peYa Tumpa, imbaepuere yae vae, jägüɨro vae, aiporarauka peñemuñagüe reta imbaeyoa re vae: Taɨ reta pe, jɨmɨmino reta pe jare vi jɨmɨmino reta jɨmɨmino pe, chemotareɨ vae reta,