1 REYES 11:11 - Biblia Guarani Tumpa Iñee

¹¹ Jáeramo yandeYa jei Salomón pe: “Kuae oyekuaa nderé ramo, jare mbaetɨ reyapo cheporogüɨrökuavee päve jare cheporookuai reta, che royókuai vae ramo, apɨ̈rota ndegüi ndeporookuaía, jare ameeta ndegüi ndeɨvɨrigua pe.

1 REYES 11:11 ပူးပေါင်းရင်းမြစ်များ

1 REYES 11:12

Ërei ngatu mbaetɨta kuae ayapo reikove reiko ramboeve, nderu David aaɨu vae jeko pegua; nderaɨ ipo güi apɨ̈rota.

1 REYES 11:26

Jare vi Jeroboam, Nabat taɨ, Efraín iñemuña, tëta Sereda pegua, Salomón iyɨvɨrigua oyemboyovaicho mburuvicha guasu kotɨ, ichɨ jee Zerúa, jae ko imemano vae.

1 REYES 11:29

Jókuae ara rupi Jeroboam oë ramboeve Jerusalén güi ojo oiko, ñeemombeúa Ahías Silo pegua oövaiti tape rupi, jare jókuae Tumpa iñeemombeúa oñeapeva oiko metei temimonde iarambogua ipɨau vae pe; jae retaño ñogüɨnoi jókuae kaa pe.

1 REYES 11:31

Jare jei Jeroboam pe: “Eipɨɨ ndeyeupe kuae güi payandepo yemboyao; echa körai jei ndeve yandeYa Israel iTumpa: ‘Mase, ko apɨ̈ro Salomón ipo güi iporookuaía, jare ameeta ndeve payandepo ñemuña;

1 REYES 12:20

Jare opaete Israel iñemuña reta oikuaa Jeroboam ou ye ma yave, omondo reta oenɨiuka ipɨte pe, jare oñono mburuvicha guasurä opaete Israel iñemuña reta re, opɨtambae reve metei ave ñemuña David iñemuña reta ndive, jaeño Judá iñemuña reta.

2 REYES 17:15

güɨröɨro reta iporookuai jare morogüɨrökuavee päve oyapo iñemuñagüe reta ndive vae, mborookuai reta omee chupe reta vae, jare omboete reta tumpa-raanga reta, tëtaguasu reta iyɨ́vɨri ñogüɨnoi vae rami, yandeYa oyókuai tëi agüɨye vaerä oyapo jókuae tëtaguasu reta jeko vae.

2 REYES 17:21

Güɨnoe Israel pegua reta David iporookuaía güi yave, Israel pegua reta omboguapɨ juvicha guasurä Jeroboam, Nabat taɨ; kuae mburuvicha guasu omombiauka iYa güi jare oyapouka chupe reta mbaeyoa ikavimbae yae vae.

SALMOS 78:10

mbaetɨ omboete reta Tumpa iporogüɨrökuavee päve, mbaetɨ vi oipota reta oyapo jae iporookuai,

NÚMEROS 14:23

mbaetɨta oecha reta jókuae ɨvɨ tu reta pe arökuavee cheree re vae; chemboarasɨuka vae reta, ngaraa metei ave oecha.

NÚMEROS 14:35

Che ko peYa, cheñee amoë vae: Jökoraita ayapo opaete kuae jeta vae reta, ipɨapochɨ vae reta, oñemopüa chekotɨ vae reta; kuae ñuu pe opata okañɨtei, joko pe opata omano reta.