1 REYES 11:1 - Biblia Guarani Tumpa Iñee

¹ Faraón tayɨ güi, mburuvicha guasu Salomón oaɨu vi jeta ïru kuña reta ketɨ ketɨgua: moabita reta, Amón-ɨgua reta, Edom-ɨgua reta, Sidón pegua reta jare Het iñemuña reta;

1 REYES 11:1 ပူးပေါင်းရင်းမြစ်များ

1 REYES 11:8

Jökorai vi oyapo opaete jembireko ketɨgua reta peguarä, jae reta omee ikäti kavi vae incienso jare omee reta mɨmba oyeyukagüe itumpa reta peguarä.

1 REYES 14:21

Roboam, Salomón taɨ oiko mburuvicha guasurä Judá pe. Cuarenta y un año güɨnoi yave omboɨpɨ oï, jare diecisiete año oiko mburuvicha guasurä Jerusalén pe, tëta yandeYa oiparavo opaete Israel iñemuña reta güi vae, joko pe oñono vaerä jee. Ichɨ jee Naama, Amón iñemuña pegua.

1 REYES 14:31

Jare Roboam omano jare oñotɨ reta iñemuñagüe reta jɨvɨa oïa pe, David Jëta guasu pe. Ichɨ jee Naama, Amón iñemuña pegua. Jare taɨ Abiam oguapɨ jekovia pe mburuvicha guasurä.

1 REYES 16:31

echa omomoe Jeroboam, Nabat taɨ jeko oipoɨumbae reve. Jare Acab omenda Jezabel ndive, mburuvicha guasu Et-baal, Sidón pegua tayɨ ndive, jare omboɨpɨ omboete Baal.

1 REYES 3:1

Salomón oñemoëtara Faraón mburuvicha guasu Egipto pegua ndive, echa omenda tayɨ ndive, jare güɨraja David Jëta guasu pe opa oyeapo ramboeve mburuvicha jo, tupao jare Jerusalén ikësea.

ESDRAS 10:44

Opaete kuae reta güɨreko kuña ketɨgua reta, jare amogüe jókuae kuña reta imembɨ chupe reta. Ërei opa ye omombo reta imembɨ reve reve.

ESDRAS 9:1

Opa oyeapo kuaekuae reta yave, mburuvicha reta yogüeru chekotɨ jei reve: “Israel iñemuña reta, sacerdote reta, jare levita reta mbaetɨ oyembosɨrɨ kuae ɨvɨ pegua tëta reta güi, jae ko cananeo reta, heteo reta, ferezeo reta, jebuseo reta, amonita reta, moabita reta, Egiptoɨgua reta jare amorreo reta güi, oyapo reta teko pɨ̈chɨi jae reta rami.

ESDRAS 9:2

Echa jae reta jare taɨ reta güɨreko jókuae ɨvɨ pegua reta tayɨ, jökorai Tumpa jembiparavo reta oyea ïru tëta pegua reta ndive. Mburuvicha reta etei tenonde oyapo kuae mbaeyoa.”

ÉXODO 34:16

ani tayɨ reta omomenda yave peraɨ reta ndive, jókuae kuña reta omboete yave itumpa reta, omboeteukata vi ko peraɨ reta pe jae reta itumpa reta.

PROVERBIOS 2:16

Ndereepɨta vi kuña iyaguasa pota vae güi, jókuae kuña iñee mbokere vae güi.

PROVERBIOS 22:14

Ɨvɨkua kɨ̈pe yae vae rami ko, kuña iyaguasa pota vae iñee reta, joko pe oata, yandeYa iyarasɨ ikotɨ vae.

PROVERBIOS 23:33

Reechata opaño mbaembae, jare rereta opaño mbae ndepɨa pe renoi vae;

PROVERBIOS 31:3

Agüɨye eyuvanga ndeyé kuña reta rupi, echa jókuae rupi mburuvicha guasu reta oñererokomegua.

PROVERBIOS 6:24

Ndeangarekota kuña jeko kavimbae güi, jare iyaguasa pota vae iñee mbokere güi.

PROVERBIOS 7:5

Ndeangareko vaerä kuña iyaguasa pota vae güi, kuña reta iñee mbokere vae güi.

LEVÍTICO 18:18

Agüɨye kia nunga vae oime jembireko reve topoko jembireko tɨke re ani ipɨkɨɨ re, echa omoñomotareɨukata ko oikove yogüɨreko ramboeve.

DEUTERONOMIO 17:17

Agüɨye vi jeta yae tijembireko, agüɨye vaerä ipɨa jopa, agüɨye vi tomboatɨ iyeupe jeta korepoti ani oro.