1 REYES 10:10 - Biblia Guarani Tumpa Iñee

¹⁰ Javoi jae omee mburuvicha guasu pe tres mil noveciento sesenta kilo oro, jare jeta yeyé mbae ikäti kavi vae jare ita ipöra yae vae reta. Mbaetɨi Israel pe jeta ou mbae ikäti kavi vae mburuvicha kuña Sabá pegua ombopota mburuvicha guasu Salomón pe vae rami.

1 REYES 10:10 ပူးပေါင်းရင်းမြစ်များ

GÉNESIS 43:11

Jayave tu Israel jei taɨ reta pe: —Körai ko añete, jayave peyapo jökorai: Peñoña pevoɨtarɨru pe opaete mbaembae ikavigüe kuae yandeɨvɨ pe oñemuña vae, peraja jókuae kuimbae pe mbota; peraja mbovɨ ɨvɨra iyaɨsɨgüe Bálsamo jee vae, ei jare mbae ikäti kavi vae, mirra jare nuez jäɨ jare almendra jäɨgüe.

1 REYES 10:2

Jare ou Jerusalén pe, jeta jupiegua reta ndive, camello reta ombovoɨta mbae ikäti kavi vae pe, jeta yeyé oro jare ita ipöra yae vae reta; ou Salomón pɨri yave oparandu chupe opaete ipɨa pe güɨnoi vae re.

1 REYES 9:14

Hiram ombou Salomón pe oro vae ko oupitɨ tres mil noveciento sesenta kilo.

SALMOS 68:29

Ndetupao Jerusalén pe oï vae pe, mburuvicha guasu reta mbota güeru ndevea pe.

SALMOS 72:10

¡Mburuvicha guasu reta Tarsis pegua jare ɨguasu jembeɨ rupigua togüeru chupe mbota reta, jare mburuvicha guasu reta Sabá jare Seba pegua togüeru vi chupe mbota reta!

SALMOS 72:15

¡Toikove katu mburuvicha guasu! ¡Toñemee chupe Sabá pegua oro! ¡Toyerure avei jese vae! ¡Tiñee kavi avei ikotɨ vae!

ÉXODO 30:34

YandeYa jei ye Moisés pe: “Eipɨɨ mbaembae ikäti kavi vae, mirra ikavi yae vae, poäpe ikäti kavi vae, ɨvɨra yaɨsɨ ikäti kavi vae gálbano jee vae jare ikäti kavi vae incienso oyeambae; opaete metei rami päve tipoɨ;

PROVERBIOS 20:15

Oime oro jare jeta ita ipöra vae, ërei yarakuaa reve kavi imiari vae ko ikavi yae ete.

ECLESIASTÉS 2:8

Amboatɨ vi cheyeupe korepoti jare oro; jeta mbaembae jepɨ vae, ïru mburuvicha guasu reta imbaegüe jare ïru tëta reta güi. Anoi kuimbae jare kuña otairari vae reta, jare oipotagüe tembiporu tairari pegua; ayapo chepɨa jemimbota, kuña reta ndive.

San Mateo 2:11

Oike reta o pe yave, oecha reta michia ichɨ María ndive. Jayave jae reta oyetavatɨka omboete reta michia. Jayave oipea reta imbaerɨru jare omee reta michia pe oro, mbae ikäti kavi vae incienso jare mirra.

Apocalipsis 21:11

Güɨnoi reve Tumpa iyemboetea. Jembipe metei ita ipöra yae vae rami, ita ipöra yae vae jaspe jësaka vae rami.