1 REYES 1:9 - Biblia Guarani Tumpa Iñee

⁹ Jókuae ara rupi, Adonías oyapouka tembíu kavi ɨ̈vavira Zohelet iyɨpɨ pe, köiño oï ɨesaɨ Rogel güi vae pe. Oyuka vecha jare toro ikɨra vae, jare oparea opaete tɨkeɨ reta mburuvicha guasu taɨ reta pe, jare opaete kuimbae, Judá pegua mburuvicha guasu iyɨvɨrigua reta pe;

1 REYES 1:9 ပူးပေါင်းရင်းမြစ်များ

2 SAMUEL 17:17

Jonatán jare Ahimaas ñogüɨnoi ɨesaɨ Rogel jee vae pe, metei kuñatai tembiokuai ojo omombeu chupe reta, echa jae reta mbaetɨ oipota oyeechauka yogüeru ramboeve tëta guasu pe; jayave jae reta yogüɨraja omombeu mburuvicha guasu David pe.

1 REYES 1:19

Oyuka toro jare toro taɨrusu ikɨra vae reta jare jeta vecha, jare oparea nderaɨ reta pe, jare oparea vi sacerdote Abiatar pe jare Joab sundaro reta itenondegua ete pe, ërei chemembɨ Salomón pe mbaetɨ oparea.

1 REYES 1:25

Echa kuae ara ogüeyɨ oyuka toro jare toro taɨrusu vae jare jeta vecha, jare oparea nderaɨ reta pe, sundaro ruvicha reta pe, jare sacerdote Abiatar pe. Jare joko okaru jare vino jou reta ñogüɨnoi jae ndive, jare osapúkai jare oyepopete reta ñogüɨnoi Adonías re.

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

San Mateo 22:4

Jayave mburuvicha guasu oyókuai ye ïru jembiokuai reta; jei vaerä oparea ma chupe vae reta pe: ‘Mase, jaema oï tembíu. Ayuka guaka jare ïru cherɨmba reta amongɨragüe. Jaema oï. Peyu mendaa pe.’

JOSUÉ 15:7

javoi oyeupi ɨvɨtɨ päu Acor güi Debir kotɨ, jare ɨvɨtuguasu kotɨ Gilgal kotɨ, Adumín ikúa jóvai oï vae, ɨ̈aka raɨ güi arayevɨ kotɨ oï vae; joko güi oasa ye ɨesaɨ En-semes rupi, jare oë ɨesaɨ Rogel rupi;

JOSUÉ 18:16

javoi kuae ɨvɨ jembeɨ ogüeyɨ ɨvɨtɨ päu Hinom jóvai ɨvɨtɨ guasu oï vae iyapɨ kotɨ, ɨvɨtɨ päu Refaim güi ɨvɨtuguasu kotɨ. Joko güi ogüeyɨ ɨvɨtɨ päu Hinom kotɨ, jebuseo reta güi arayevɨ kotɨ rupi Jebús ikúa rupi arayevɨ kotɨ jare joko güi ogüeyɨ ɨesaɨ Rogel pe.