1 REYES 1:50 - Biblia Guarani Tumpa Iñee

⁵⁰ Jare Adonías okɨɨye güi opüa ojo oyepɨɨ oï guakarätiecha oï mɨmba oyeyuka oyeapɨ jese vae re vae.

1 REYES 1:50 ပူးပေါင်းရင်းမြစ်များ

1 REYES 1:49

Jayave Adonías oparea chupe vae reta, omboɨpɨ okɨɨye yae reta jare opüa opa yogüɨraja jëta jëta ae kotɨ.

1 REYES 1:51

Javoi omombeu reta Salomón pe: —Adonías okɨɨye ndegüi, jáeramo ojo oñepɨ̈ro mɨmba oyeyuka oyeapɨ jese vae re, jei reve: “Mburuvicha guasu tei añetete Tumpa jee re mbaetɨta cheyuka vae.”

1 REYES 2:28

Joab oikuaa yave Adonías regua, otekuarai jare ojo oñepɨ̈ro tupao guakapi pegua kotɨ, jare oyepɨɨ mɨmba oyeyuka oyeapɨ jese vae regua guakarätiecha vae re, echa jae oñemoïru Adonías ndive, mbaetɨ omoïru Absalón.

SALMOS 118:27

YandeYa ko Tumpa, ¡jae ko omee yandeve tekove! Peñapɨti tembiarä vae tɨmasa pe mbota renda re guakarätiecha oï vae re.

ÉXODO 21:14

Ërei kia nunga vae iyarasɨ japicha kotɨ jare oyuka yave jekombae reve, mɨmba oyeyuka oyeapɨ jese vae chembae re oñepɨ̈ro tëi reve penoe joko güi, omano vaerä.

ÉXODO 27:2

Jare irundɨ iekina ñavo re, toyapo reta chupe guakarätiecha vae, metei güiño toyeapo mɨmba oyeyuka oyeapɨ jese vae ndive jókuae guakarätiecha vae reta, jókuae mɨmba oyeyuka oyeapɨ jese vae toñova reta jiero iyu vae pe.

ÉXODO 30:10

Jare guakarätiecha vae reta re Aarón toñono mɨmba oyeyukagüe mbaeyoa oyemboai vaerä vae jugüɨgüe, año pe metei vese oyeyuka vae; metei vese año pe peñemuña reta tomee avei jese mbaeyoa oyemboai vaerä. Kuae mɨmba oyeyuka oyeapɨ jese vae, oñeñono tee kavi yae vae ko che peYa peguarä.”

ÉXODO 38:2

Jare irundɨ ekina ñavo re oyapo chupe guakarätiecha vae, kuae reta metei güiño oyeapo mɨmba oyeyuka oyeapɨ jese vae ndive, jare oñova jiero iyu vae pe.

EZEQUIEL 43:15

Mɨmba oyeyuka oyeapɨ jese vae güɨnoi mókoi metro ɨvategüe. Iárambo ekina ñavo güɨnoi irundɨ guakarätiecha vae.