1 REYES 1:42 - Biblia Guarani Tumpa Iñee

⁴² Imiari oï ramboeve, Jonatán sacerdote Abiatar taɨ ou oväe. Jare Adonías jei chupe: —Ekua, eike eyeapɨsaka, echa nde kuimbae imboetea vae ko, jare eyu emombeu mbae ikavigüe oasa oï vae.

1 REYES 1:42 ပူးပေါင်းရင်းမြစ်များ

2 SAMUEL 15:27

Jare mburuvicha guasu jei ye sacerdote Sadoc pe: —¡Nde ko jae mbae re oecha voi vae! Pekua kavi ye tëta guasu pe, nde jare nderaɨ Ahimaas ndive, jare Abiatar, taɨ Jonatán ndive.

2 SAMUEL 15:36

Oime ñogüɨnoi joko pe jae reta ndive taɨ reta; Ahimaas jae ko Sadoc taɨ jare Jonatán jae ko Abiatar taɨ, jae reta ndive embou emombeu cheve opaete mbaembae reendu vae.

2 SAMUEL 17:17

Jonatán jare Ahimaas ñogüɨnoi ɨesaɨ Rogel jee vae pe, metei kuñatai tembiokuai ojo omombeu chupe reta, echa jae reta mbaetɨ oipota oyeechauka yogüeru ramboeve tëta guasu pe; jayave jae reta yogüɨraja omombeu mburuvicha guasu David pe.

2 SAMUEL 18:27

Jare jókuae sundaro ɨvate güi omae vae jei ye: —Jókuae tenonde ou vae, Ahimaas, Sadoc taɨ osɨi vae rami etei. Jare mburuvicha guasu jei: —Jókuae kuimbae jeko kavi vae ko, ñee kavi ko aipo güeru.

1 REYES 1:41

Adonías jare opaete ïru oparea chupe vae reta opa ramo okaru yave, oendu reta jäsémbai vae. Joab oendu yave mimbɨguasu iñee, jei: —¿Maera pa jäsémbai mbatee tëta guasu pe vae?

1 REYES 1:43

Jonatán jei Adonías pe: —Mbaetɨ ko jökorai, mburuvicha guasu David ko omboguapɨ Salomón,

1 REYES 22:18

Mburuvicha guasu Israel pegua jei Josafat pe: —¿Jaeä pa ndeve, kuae kuimbae mbaetɨi omombeu cheve ñee ikavigüe, jaeño ikavimbae?

2 REYES 9:22

Joram oecha yave Jehú, jei chupe: —¿Peyu pa mbɨakatu ndive? Jehú jei chupe: —¿Mbae nunga mbɨakatu pa oimeta, ndesɨ Jezabel itumpa-raanga jare mbaekuaa rupi oiko reve?

ISAÍAS 57:21

Iyoa vae reta peguarä mbaetɨ mbɨakatu.” Jei cheTumpa.