1 REYES 1:39 - Biblia Guarani Tumpa Iñee

³⁹ Joko pe sacerdote Sadoc, oipɨɨ tupao guakapi pegua güi guakaräti asaite ndive jare opɨyere jese oñono tee Salomón mburuvicha guasurä. Jaɨkue rupi omoñee reta mimbɨguasu, jare opaete vae reta osapúkai jare oyepopete mburuvicha guasu Salomón re.

1 REYES 1:39 ပူးပေါင်းရင်းမြစ်များ

1 REYES 1:25

Echa kuae ara ogüeyɨ oyuka toro jare toro taɨrusu vae jare jeta vecha, jare oparea nderaɨ reta pe, sundaro ruvicha reta pe, jare sacerdote Abiatar pe. Jare joko okaru jare vino jou reta ñogüɨnoi jae ndive, jare osapúkai jare oyepopete reta ñogüɨnoi Adonías re.

1 REYES 1:34

jare joko pe sacerdote Sadoc jare ñeemombeúa Natán opa güire oñono tee Israel iñemuña reta juvicha guasurä, pemoñee mimbɨguasu, pesapúkai jare peyepopete reve mburuvicha guasu Salomón re.

1 REYES 1:40

Javoi opaete vae yogüɨraja jaɨkue, otairari omoñee reve mimbɨ, jare oyerovia yae vae reta isapúkai omokana etei ɨvɨ.

1 REYES 2:15

Adonías jei: —Nde reikuaa ko mborookuaía chembaerä tëi vae, jare opaete Israel iñemuña reta oäro che aguapɨ vaerä mburuvicha guasurä. Ërei oñemee chegüi cherɨvɨ pe, echa yandeYa rupi jae imbae ko.

2 REYES 11:12

Jayave Joiada güɨnoe mburuvicha guasu taɨ, oñono jese äka-regua jare omee chupe tembikuatía mborookuai güɨnoi vae, jare opɨyere asaite jese jökorai oñono mburuvicha guasurä. Javoi opaete vae oyepopete jare osapúkai jese reta.

2 REYES 11:14

Oecha joko pe mburuvicha guasu oyemboɨ oï, okɨta iyɨpɨ pe, oyeapoñoi rami. Iyɨ́vɨri ñogüɨnoi mburuvicha reta jare temimbɨguasu imoñeea reta, jare opaete oyerovia yae, jare omoñee reta temimbɨguasu. Jayave Atalía omondoro jemimonde jare osapúkai. —¡Ikavimbae yae ko kuae! ¡Ikavimbae yae ko kuae!

2 REYES 9:1

Jayave ñeemombeúa Eliseo oenɨi metei ñeemombeúa reta güi, jare jei chupe: —Eyupavo, jare eraja kuae asaite Ramot kotɨ, ɨvɨ Galaad pe.

2 REYES 9:13

Jökorai jei rupive metei ñavo jókuae mburuvicha guasu imborɨa reta oipɨɨ ñeapevaka jare oipɨso reta mburuvicha guasu iguapɨa pe ɨvate, javoi omoñee reta temimbɨ vecha kuimbae-räti pegua, jare osapúkai reta: “¡Jehú jae ko mburuvicha guasu!”

1 CRÓNICAS 29:22

Jókuae ara okaru reta jare jou reta vino oyerovia katu reve yandeYa jóvai. Jaɨkue rupi omboguapɨ ye mokoía ma mburuvicha guasurä Salomón, David taɨ, oñono tee reta reve mburuvicharä asaite rupi yandeYa jóvai, oñono reta vi Sadoc sacerdoterä.

2 CRÓNICAS 23:11

Jayave Joiada güɨnoe mburuvicha guasu taɨ jare oñono jese äka-regua jare omee chupe tembikuatía mborookuai güɨnoi vae, jare omoërakua reta jae ko mburuvicha guasu; jare Joiada taɨ reta ndive opɨyere asaite jese yave, opaete vae reta osapúkai jare oyepopete reta jese.

2 CRÓNICAS 23:13

Jare oecha joko pe mburuvicha guasu oyemboɨ oï öke pe okɨta iyɨpɨ pe, jare iyɨke pe ñogüɨnoi mburuvicha reta jare mimbɨguasu imoñeea reta; otairari vae reta jemimbɨ ndive, otairari mbaemboete pegua. Jayave Atalía omondoro jemimonde jare osapúkai jei: “¡Yembotavɨ ko kuae! ¡Yembotavɨ ko kuae!”

SALMOS 89:20

¡Aväe cherembiokuai David! Aiparavo cheasaite oñeñono tee vae rupi.

ÉXODO 30:35

kuae reta emboyea reyapo vaerä metei ikäti kavi vae incienso, mbae ikäti kavi vae iyapoa jembiapo rami, emboyea kavi eyapo kuae reta oyeambae jare ikɨambae.

1 SAMUEL 10:24

Jare Samuel jei opaete vae pe: —¿Peecha pa yandeYa oiparavogüe, kërai mbaetɨ kia jae rami opaete kuae tëta pe vae? Jayave opaete vae osapúkai oyerovia reve oyepopete reta jese.

1 SAMUEL 16:13

Jare Samuel oipɨɨ vecha kuimbae-räti asaite güɨnoi pɨpe vae, jare opɨyere jese oñono tee vaerä tɨkeɨ reta jóvai; jare jókuae ara güive yandeYa iEspíritu ou David re. Javoi Samuel opüa jare oyerova ye ojo Ramá kotɨ.