1 REYES 1:37 - Biblia Guarani Tumpa Iñee

³⁷ YandeYa Tumpa omborɨ mburuvicha guasu rami, tomborɨ vi Salomón, jare iporookuaía toyembotuicha yeyé mburuvicha guasu David güi.

1 REYES 1:37 ပူးပေါင်းရင်းမြစ်များ

2 SAMUEL 24:3

Ërei Joab jei mburuvicha guasu pe: —NdeYa Tumpa tomoïru cien vese kuae tëta añave oime vae güi, eecha nde cheya, ërei ¿maera pa reipota reyapo kuae yepapa cheya?

1 REYES 1:36

Jayave Benaía, Joiada taɨ jei mburuvicha guasu pe: —¡Amén! ¡Jökorai mborookuai tou yandeYa cheruvicha iTumpa güi!

1 REYES 1:47

jare mburuvicha guasu David imborɨa reta yogüɨraja omboresive jei reve ñee kavi chupe, Tumpa omborɨ vaerä Salomón jare ombotuicha vaerä chupe iporookuaía David güi. Mburuvicha guasu David jupa pe iñäkatindɨ omboete Tumpa.

2 REYES 2:9

Oasa reta ma yave Elías jei Eliseo pe: —Eiporu mbae reipota ayapo ndeve vae, ndei ayererajauka ndegüi mbove. Eliseo jei: —Romoñera che apɨta vaerä nderekovia pe.

1 CRÓNICAS 28:20

Jayave David jei taɨ Salomón pe: “¡Eñemoäta ngatu jare eñemomɨ̈rata, eyapo mbaravɨkɨ! ¡Agüɨye eyembopɨtu jare ekɨɨye, echa yandeYa cheTumpa oïta nde ndive! Jae ngaraa ndereeya ani osɨrɨ ndegüi opa reyapo regua mbaravɨkɨ yandeYa pe: Tupao jare opaete oyeporuta pɨpe vae.

1 CRÓNICAS 29:25

YandeYa ombotuicha yae Salomón opaete Israel jesa róvai, jare omee chupe iporookuaía imboetea yae vaerä, mbaetɨi chugüi jókuae nunga mburuvicha guasu tenonde yave rupi.

2 CRÓNICAS 1:1

Salomón, David taɨ oï kavi ete iporookuaía pe, iYa Tumpa oiko jae ndive, ombotuicha yeyé imbaepuere.

SALMOS 46:11

¡YandeYa imbaepuere yae ete vae oime yande ndive! ¡Jacob iTumpa jae ko ñaneñepɨ̈roa!

SALMOS 46:7

¡YandeYa Imbaepuere yae ete vae oime yande ndive! ¡Jacob iTumpa jae ko ñaneñepɨ̈roa!

SALMOS 72:8

¡Togüɨnoi mbaepuere ɨguasu güive ïru ɨguasu kotɨ, jare ɨ̈aka Éufrates güive ketɨ ɨvɨ iyapɨ kotɨ!

SALMOS 89:27

Jare che amee eteta chupe oï vaerä cheraɨrɨpɨrä, tuicha yae vaerä mburuvicha guasu reta ɨvɨ pegua güi.

ÉXODO 3:12

Jare Tumpa jei: —Ekua, echa che aïta nde ndive; jare kuae toï ikañɨmaa vaerä che etei ko romondo vae: Renoe ma Egipto güi tëta chembae yave, chemboeteta kuae ɨvɨtɨ re.

ISAÍAS 8:10

Peyapo yemongeta, ërei opata oikomegua; peyemongeta oipotagüe mbae, ërei ngaraa oyeapo, echa Tumpa oime oï ore ndive.

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

JOSUÉ 1:17

Opaete mbaembae rupi Moisés romboete rami, jökorai vi toroyapo nde ndive. Jaeño roiporu yandeYa Tumpa tandemborɨ, Moisés ndive oiko rami.

JOSUÉ 1:5

Ngaraa etei kia ipuere nemoamɨri reikove reiko ramboeve; Moisés ndive aiko rami aikota nde ndive; ngaraa roeya, ngaraa roeya ndeangarekoambae.

1 SAMUEL 20:13

Ërei cheru ndemomburu ndeyuka vaerä yave, jare mbaetɨ ambou amombeu ndeve yave, yandeYa täta toiporarauka cheve; romborɨta reasayepe vaerä. ¡YandeYa toï nde ndive, cheru ndive oikose rami!