1 REYES 1:3 - Biblia Guarani Tumpa Iñee

³ Oeka reta kuñatai maepöra vae opaete ɨvɨ Israel rupi, jare oväe reta tëta Sunem pe kuñatai Abisag jee vae, jare güɨraja reta mburuvicha guasu pe.

1 REYES 1:3 ပူးပေါင်းရင်းမြစ်များ

1 REYES 1:2

Jayave imborɨa reta jei: “Toyeeka yanderuvicha guasu pe metei kuñatai ndeiño etei oasa kuimbae ndive vae; toyeokuai jare toyangareko jese, toke jae ndive omboaku katu vaerä.”

1 REYES 1:4

Jókuae kuñatai maepöra yae; jae oyangareko mburuvicha guasu re jare oyeokuai chupe, ërei mburuvicha guasu mbaetɨi opoko jese.

2 REYES 4:25

Jayave jókuae kuña ojo; ojo oväe ɨvɨtɨ Carmelo pe, Tumpa iñeemombeúa oïa pe. Jare Tumpa iñeemombeúa oecha yave mombɨrɨ güi, jei jembiokuai Giezi pe: —Mase, ko ou kuña Sunem pegua.

2 REYES 4:8

Metei ara Eliseo oasa yave Sunem rupi, joko pe oiko metei kuña imboetea yae vae, jae opareañoi Eliseo pe okaru vaerä. Jokoropi oasa ñavo opɨta okaru joko pe.

ESTER 2:2

Jayave iyɨvɨrigua imborɨa reta jei chupe: —Mburuvicha guasu, toyeeka ndeve kuñatai reta maepöra yae vae, ndeiño etei oasa kuimbae ndive vae.

ESTER 2:4

Jare kuñatai re reipota remae vae, toiko nderembirekorä Vasti ipoepɨka pe. Kuae yemongeta ipöra mburuvicha guasu pe, jare oyapo jökorai.

JOSUÉ 19:18

Jókuae ɨvɨ pegua tëta guasu reta jae: Jezreel, Quesulot, Sunem,

1 SAMUEL 28:4

Filisteo reta oyemboatɨ jare yogüeru oyembojeyupa Sunem pe; jare Saúl omboatɨ opaete Israel iñemuña reta, jare jae reta oyembojeyupa Gilboa pe.