1 Pedro 5:9 - Biblia Guarani Tumpa Iñee

⁹ Ërei peñemomɨ̈rata chupe peporogüɨrovia pe, peikuaa ko kërai opaete ɨvɨ rupi ïru oporogüɨrovia vae reta oiporara vi ñogüɨnoi pe rami.

Nuevo Testamento Guaraní Pe

⁹ Erei peñemomɨrata peporogüɨrovia re agüɨye vaera aña guasu pemoamɨri. Peicuaa co quirai opaete iru oporogüɨrovia vae ɨvɨ pe yogüɨreco vae reta oiporara ñogüɨnoi pe reta peiporara rami.

1 Pedro 5:9 ပူးပေါင်းရင်းမြစ်များ

San Lucas 22:32

Ërei che ayerure ma nderé, agüɨye vaerä oata ndeporogüɨrovia. Jare reyerova ye yave, emborɨ nderɨvɨ reta ipɨ̈rata vaerä iporogüɨrovia pe.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

Hechos 14:22

Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

1 Corintios 10:13

Echa mbaetɨ ko ou morojäa peve mbaetɨta peropɨa vae, ërei Tumpa jupi ko, ngaraa omaeño peñejäauka pepuere potambae peropɨa vae. Echa omeeta vi peve ñejäa ndive peropɨa vaerä.

Efesios 4:27

Agüɨye peñemaeño aña guasu pe.

Efesios 6:16

Jare opaete kuaekuae güi, peipɨɨ yeopiaka jae ko mborogüɨrovia, agüɨye vaerä aña imii raɨ jendɨ vae oa peré.

Colosenses 2:5

Echa yepe tëi che mbaetɨ aï pépɨri, ërei chepɨa pe aï pe ndive, ayerovia jare aikuaa kërai peiko kavi oyoupi, jare peñemomɨ̈rata peporogüɨrovia pe Cristo re.

1 Tesalonicenses 3:3

agüɨye vaerä metei ave ipɨatɨtɨ kuae tembiporara jeko pegua. Echa pe reta etei peikuaa ko jaerä etei ko ñaï.

1 Timoteo 6:12

Eñeraro kavi ndeporogüɨrovia re, egüɨ̈rakua tekove opambae vae re, echa kuaerä Tumpa ndeparavo. Jáeramo remombeu ndeporogüɨrovia jeta vae jóvai.

2 Timoteo 3:12

Jare opaete Cristo Jesús re oipota oiko jupi rupi vae oiporara yaeta ko;

2 Timoteo 4:7

Opa amboapɨ ñoraro, amboapɨ ñoñókuai, mbaetɨ aeya cheporogüɨrovia.

Hebreos 11:33

iporogüɨrovia rupi opɨ̈ro reta mborookuaía reta, oyapo reta jupi vae, omboresive reta oñererökuavee chupe reta vae, jare oiyuruokua yaguapope reta,

Hebreos 12:8

Echa mbaetɨ yave pembosɨmbi, opaete taɨ reta oyapo rami, mbaragüe ko pe, taɨä ko jayave.

Santiago 4:7

Peñeñono Tumpa ipo igüɨ pe. Peñemomɨ̈rata añaguasu pe, jare jae otekuaraita pegüi.

1 Pedro 1:6

Jáeramo peyerovia yae kuae re, yepe tëi añave rupi michi pegua pepɨatɨtɨ tai ko oipotagüe mbaemboavai reta jeko pegua.

1 Pedro 2:21

Echa kuaerä Tumpa peparavo. Echa Cristo oiporara yanderé; oeya yandeve yayapo vaerä jae oyapo rami;

1 Pedro 3:14

Ërei peiporara yave jupigüe peyapo vae re, peyerovia. Jáeramo agüɨye pekɨɨye chugüi reta ani peyembojopa.

1 Pedro 4:13

Ërei peiporara peï yave peyerovia, echa peikuaa peiporara ko peï Cristo oiporara rami, peyerovia yae vaerä jae iyemboetea oyekuaa yave.

Apocalipsis 1:9

Che perɨkeɨ Juan, pe reta ndive oiporara vae, Tumpa iporookuaía pe oï pe reta ndive vae, jare ipɨaguasu pe reta ndive vae. Che aï Ɨguasu-päu Patmos jee vae pe Tumpa iñee jare Jesucristo re chemiari jeko pegua.

Apocalipsis 6:11

Jare temimonde tïi vae oñemee metei ñavo pe, jare oñemee chupe reta oputuu reta vaerä michi pegua, echa oyeyukaukata vi räri Tumpa pe oyeokuai jae reta rami vae, oupitɨ regua tembipapa.

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.