1 Pedro 5:2 - Biblia Guarani Tumpa Iñee

² Peyangareko Tumpa imbae reta pepɨte pe ñogüɨnoi vae reta re kia peokuaimbae reve jare pekɨ̈reɨ ngatu reve; agüɨye pemongana jupimbae vaeräño, jaeño pekɨ̈reɨ ngatu reve,

Nuevo Testamento Guaraní Pe

² Pemoatangatu Tumpa imbae pepɨte pe ñogüɨnoi vae reta. Peñangareco jese reta pequɨreɨ reve. Agüɨye peyapo peparavɨquɨ peateɨ reve. Peyapo peparavɨquɨ peipota yae peyeócuai Tumpa pe rambue. Agüɨye peyapo pemongana corepoti vaeraño.

1 Pedro 5:2 ပူးပေါင်းရင်းမြစ်များ

2 REYES 12:6

Ërei veintitré añoa re ma Joás oiko mburuvicha guasurä yave, sacerdote reta mbaetɨño oñono kavi tupao jovapetea oyeka yekagüe.

CANTARES 1:8

Nde mbaetɨ reikuaa yave, nde, maepöra yae kuñatai reta ipɨte pe vae, emomoe mɨmba reta jaɨkuere; emongaru ndekavara raɨ reta, omaangareko vae reta jeyupa iyɨ́vɨri rupi.

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

ISAÍAS 56:11

Yaɨmba jɨ̈vɨatambae rami ko, maangarekoa mbae oikuaambae vae; opaete yogüɨreko ipɨa jemimbota reño, iyeupeguaräño mbae oeka reta.

ISAÍAS 6:8

Jaɨkue rupi aendu yandeYa iñee, jei körai: “¿Kia ra amondota? ¿Kia ra güɨrajata oreñee?” Jayave che jae: “Ko aï, che chemondo.”

ISAÍAS 63:11

Ërei jókuae Israel iñemuña reta imaendúa arakae vae re, Moisés re jare opaete vae reta re, jare jei reta körai: “¿Ketɨ pa oime oï jókuae Tumpa güɨnoe imbae vae reta ɨguasu güi vae, ivecha reta iyangarekoa Moisés ndive vae? ¿Jókuae oñono Moisés iyɨvɨte pe iespíritu vae,

JEREMÍAS 13:17

Ërei mbaetɨ yave peendu kuae, ayaeo vɨarita pepɨapochɨ jeko pegua; cheresaɨ osɨrɨta, echa cheYa imbae vae reta opa oyererajauka tembipɨɨrä.

JEREMÍAS 13:20

Pemopüa peäka jare pemae kërai yogüeru tovaicho ɨvɨtuguasu kotɨ güi. ¿Ketɨ pa oime oñemee ndeve reyangareko vaerä jese vae, nderembiangareko tëta ikavi yae vae?

JEREMÍAS 6:13

Opaete vae, michia güive okuakuaa vae pe, iyeupeguaräño imbaepotarai yae reta, ñeemombeúa reta jare sacerdote reta ave, opaetei oporombotavɨ vae reta ko.

JEREMÍAS 8:10

Jáeramo, jae reta jembireko ameeta ïru kuimbae reta pe, jare iko reta ameeta imoamɨría reta ipo pe. Echa michia güive okuakuaa vae pe, iyeupeguaräño imbaepotarai yae reta; ñeemombeúa reta jare sacerdote reta ave, opaete oporombotavɨ vae reta ko.

EZEQUIEL 34:23

Jare ambouta metei vecha iyangarekoa, jae oyangarekota jese reta; jae ko cherembiokuai David, jae oyangarekota jese reta; jae oikota iyangarekoarä.

EZEQUIEL 34:31

Pe reta ko jae chevecha reta rami, vecha reta cherɨmba rókai pegua. Che peYa ko jae kuae.”

EZEQUIEL 46:24

Jayave jei cheve: “Kuae ko jae mbaemboyɨa, tupao pegua ombaemboyɨ vae reta omboyɨ vaerä opaete vae mbota reta oñemeegüe.”

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

MIQUEAS 5:4

Jae oïta jare oyangarekota yandeYa imbaepuere rupi, yandeYa Tumpa jee tuicha yae vae rupi; jare yogüɨreko kavita, echa yandeYa oyembotuichaukata opaetei ɨvɨ iyapɨ rupi.

MIQUEAS 7:14

¡Eyangareko ndembae vae reta re ndepopoka pe; ndevecha reta yogüɨreko ndeɨvɨ pe vae re, ñana rupiño, ɨvɨ kavía rupi yogüɨreko vae re! Eeka kapii Basán pe jare Galaad pe; ïru ara oasagüe rupi reyapo rami.

ZACARÍAS 11:17

¡Paravete maangarekoa iyakɨ vae, oeya mɨmba vae! ¡Kɨsepuku toekɨ iyɨva jare jesa iyakatu kotɨgua! ¡Totini iyɨva jare topɨta jesambae!”

MALAQUÍAS 1:10

¡Mbae mona pegüi reta oime kia oyokenda tupao guasu ikësea jöke, agüɨye vaerä oyemoendɨiño tata mɨmba oyeyuka oyeapɨ jese vae pegua! Echa pe mbaetɨ chembopɨakatu jare ngaraa aipɨɨ mbota peru vae.

NÚMEROS 18:7

ërei nde jare nderaɨ retaño pepuere peyapo sacerdote iparavɨkɨ mɨmba oyeyuka oyeapɨ jese vae pe ani tupao japɨpe pe. Echa che ko amee peve kuae mbaravɨkɨ sacerdote pegua; jare oipotagüe oyapo yave, tomano.”

San Lucas 12:32

Agüɨye pekɨɨye, pe mbovɨ yae vae reta. Echa Tumpa ipɨa kavi rupi omee peve iporookuaía.

Hechos 20:29

Che aikuaa katu ko aja ma yave, oiketa pepɨte pe aguarayaɨmba rami vae reta, jae reta ikɨ̈reɨta opa omokañɨtei oporogüɨrovia vae reta.

Hechos 21:13

Ërei Pablo jei: —¿Maera pa peyaeo jare chembopɨatɨtɨ? Echa mbaetɨ ko añeñono ayepokua vaeräño Jerusalén pe. Aï ko amano vaerä etei yandeYa Jesús jee re.

Romanos 1:15

Jáeramo che aipota yae amombeu ñee ikavi vae pe Roma pe peiko vae reta pe.

1 Corintios 9:7

¿Ojo pa sundaro oñeraroa pe, oyemboepɨmbae reve chupe? ¿Oime pa kia uva oñotɨ vae mbaetɨ jou iagüe?, ani ¿oime pa kia vecha re oyangareko vae mbaetɨ jou ineche?

1 Timoteo 3:3

agüɨye tikause, agüɨye tiñerarose, agüɨye tomonganaiño jupimbae reve. Ërei tipɨakavi, toiko pɨagüive, agüɨye toipota yae korepoti iyeupeguarä.

1 Timoteo 3:8

Jaeramiño vi oporogüɨrovia vae reta imborɨa reta toiko reta jupi rupi kavi, agüɨye toipoepɨ katu iyemongeta, agüɨye tikause, agüɨye tomonganaiño jupimbae reve;

Tito 1:11

Ikavi ko jókuae reta ñamokïrii vaerä. Echa jae reta oporomboe omonganaiño jupimbae reve jese vae re; jókuae iporomboe rupi ombojopa opaetei o pegua reta.

Tito 1:7

Oporogüɨrovia vae reta itenondegua ikavi ko mbaetɨ oñeväe teko jese, Tumpa iparavɨkɨ oyapo vae; agüɨye tipɨapochɨ, agüɨye tiyarasɨ katu, agüɨye tikause, agüɨye tiñerarose, agüɨye tomonganaiño jupimbae reve,

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Tito 3:1

Emomaendúa oyeapɨsaka nderé vae reta yogüɨreko vaerä mburuvicha reta jare mbaepuere güɨnoi vae reta jeia re, jare tikɨ̈reɨ ngatu avei reta oyapo vaerä mbae ikavi vae.

Filemón 1:14

Ërei mbaetɨ ayapo jökorai mbaetɨ aikuaa ndeyemongeta ramo; aipota reyapo vaerä ikavi vae cheve nekɨ̈reɨ ngatu reve, mbaetɨ royókuai güiño.

Hebreos 12:15

Jare pemae kavi agüɨye vaerä kia pe ave oata Tumpa ipɨakavi; agüɨye pemboɨpɨ peñomotareɨ peyomboavai vaerä, jare jeta vae re ova jókuae;

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.