1 Pedro 5:14 - Biblia Guarani Tumpa Iñee

¹⁴ Peyapo maraetei oyoupe peyovapɨte peyoaɨu reve kavi. Mbɨakatu toï opaete pe reta Jesucristo re peï vae ndive. ¡Amén!

Nuevo Testamento Guaraní Pe

¹⁴ Maraetei peyapo oyoupe yave, peñocuava peyoaɨu reve. Tipɨacatu opaete Cristo Jesús re güɨrovia vae reta. Amén.

1 Pedro 5:14 ပူးပေါင်းရင်းမြစ်များ

San Mateo 5:47

Jaeramiño vi maraetei peyapo peiküava reve perëtaraño yave, jókuae mbaetɨ etei ko jaekavi. Echa judiombae reta oyapo vi jökorai.

San Juan 14:27

Mbɨakatu aeya pe ndive. Mbɨakatu che anoi vae amee peve. Che ameeä peve ɨvɨ pegua reta omee rami. Agüɨye peyembopɨajopa, agüɨye vi pekɨɨye.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

San Juan 20:19

Jare jókuae pɨ̈tu voi tenondegua ara semana iyɨpɨ pe, Jesús jemimboe reta oyemboatɨ jare oyokenda jöke reta, okɨɨye reta judío reta güi jeko pegua. Jayave ou Jesús oyemboɨ ipɨte pe, jare jei chupe reta: —Mbɨakatu toï pe ndive.

San Juan 20:26

Juri ara ma oasa yave, temimboe reta ñogüɨnoi ye jókuae o pe. Tomás joko pe oï vi. Yepe tëi öke reta oyeokenda ñogüɨnoi, ërei Jesús ou oyemboɨ ipɨte pe jare jei chupe reta: —Mbɨakatu toï pe ndive.

Romanos 1:7

Aikuatía kuae tupapire opaete Roma pe peiko vae pe. Tumpa peraɨu jare peñono tee iyeupeguarä vae. YandeRu Tumpa jare yandeYa Jesucristo ipɨakavi jare ipɨakatu toï pe ndive.

Romanos 16:16

Peyapo maraetei oyoupe peyovapɨte jare peyomboete reve kavi. Omondo tamaraeme peve opaete oporogüɨrovia Cristo re vae reta.

Romanos 8:1

Jáeramo, Tumpa ngaraa etei omboeko Cristo Jesús re güɨrovia vae reta. Jókuae Espíritu jei vae rupi oiko, mbaetɨ isoo jemimbota reño oiko vae.

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

1 Corintios 16:20

Opaete yanderɨvɨ reta omondo tamaraeme peve. Peyapo maraetei oyoupe peyovapɨte jare peyomboete reve kavi.

2 Corintios 13:12

Peyapo maraetei oyoupe peyovapɨte jare peyomboete reve kavi.

2 Corintios 5:17

Jáeramo, kia güɨrovia Cristo re vae, oa pɨau ye rami ko. Opaete teko tenondegua oasa ma. Ipɨau ma ko.

Efesios 6:23

Cherɨvɨ reta, yandeRu Tumpa jare yandeYa Jesucristo ipɨakatu, iporoaɨu jare mborogüɨrovia toï pe ndive.

1 Tesalonicenses 5:26

Peyapo maraetei opaete oyoupe peyovapɨte jare peyomboete reve kavi.

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.

3 Juan 1:14

echa aipota roecha jarembaeño, ñanemiari vaerä oyoova pe etei.