1 Pedro 5:13 - Biblia Guarani Tumpa Iñee

¹³ Opaete oporogüɨrovia vae Babilonia pe ñogüɨnoi vae omondo peve tamaraeme. Tumpa oiparavo reta jae peparavo rami. Jaeramiño vi cheraɨ Marcos omondo peve tamaraeme.

Nuevo Testamento Guaraní Pe

¹³ Opaete oporogüɨrovia vae Babilonia pe ñogüɨnoi vae reta jei peve Tumpa ndiveño pei. Tumpa oiparavo reta jae peparavo rami. Jae ramiño vi cherɨvɨ Marco jei peve Tumpa ndiveño pei.

1 Pedro 5:13 ပူးပေါင်းရင်းမြစ်များ

SALMOS 87:4

“Chemaendúa Egipto re jare Babilonia re, tëta chekuaa vae reta ipɨte pe, joko vi oï Filistea, Tiro jare Etiopía, opaete kuae reta oë chugüi reta.”

Hechos 12:12

Kuae re ipɨa pe oyemongeta ramboeve, ojo oväe María jo pe. María ko jae Juan, Marcos pe oyeero vae ichɨ. Joko pe jeta vae yatɨ oyerure ñogüɨnoi.

Hechos 12:25

Jare Bernabé jare Saulo yogüeru ye Jerusalén güi, iparavɨkɨ joko pe opa oyapo güire. Jare güeru reta jupíe Juan, Marcos pe oyeero vae.

Hechos 15:37

Jare Bernabé oipota tëi güɨraja jae reta jupíe Juan, Marcos pe oyeero vae.

Hechos 15:39

Oyoaka reta tätagüe oyoupii kuae re. Jáeramo oyemboyao reta oyougüi. Bernabé güɨraja jupíe Marcos jare ojo reta barco pe Chipre kotɨ.

Colosenses 4:10

Aristarco, cheïru tembipɨɨrɨru pe vae, omondo tamaraeme peve, jare Marcos, Bernabé jiɨ. Jókuae che poyókuai ma pemboresive kavi vaerä, ojo pépɨri yave vae.

Filemón 1:24

Jare chemborɨ vae reta Marcos, Aristarco, Demas jare Lucas omondo ndeve tamaraeme.

2 Juan 1:1

Che oporogüɨrovia vae reta itenondegua aikuatía kuae tupapire pe Tumpa peparavo vae, joko pe peyemboatɨ vae reta pe, che poaɨu añete vae re. Mbaetɨ cheño poaɨu, opaete añete vae oikuaa vae reta vi.

2 Juan 1:13

Ïru oporogüɨrovia vae Tumpa oiparavo vae reta omondo vi tamaraeme peve. ¡Amén!

Apocalipsis 17:5

jare jesɨva re oyekuatía metei tee yaikuaambae, jei körai: “BABILONIA GUASU. JAE KO IYAGUASA POTA VAE RETA ICHƗ JARE MBAE PƗ̈CHƗI ƗVƗ PEGUA.”

Apocalipsis 18:2

Jare osapúkai reve jei: “Oa ma, oa ma Babilonia guasu. Opɨta aña reta jëtarä, opaete espíritu ikɨa vae oikoarä. Güɨra oyeumbae jare oñereröɨro vae jëtarä.