1 Pedro 5:12 - Biblia Guarani Tumpa Iñee

¹² Kuae mbovɨ aikuatía peve pomboarakuaa vaerä, jare arajaukata Silvano ndive peve, jae ko yanderɨvɨ jupi vae; amombeu peve kuae Tumpa ipɨakavi añetete vae ko, pe reta peï pɨpe vae.

Nuevo Testamento Guaraní Pe

¹² Cuae mbovɨño aicuatía ma peve pomboaracuaa vaera, jare arajaucata Silvano ndive peve. Aicuaa Silvano co jae ñanderɨvɨ oyeócuai cavi peve vae. Amombeu ma peve Tumpa ipɨacavi añetete vae. Peñemomɨrata pei jocuae mbɨacavi re.

1 Pedro 5:12 ပူးပေါင်းရင်းမြစ်များ

San Juan 21:21

Jare Pedro oecha jókuae temimboe yave, oparandu Jesús pe: —CheYa, ¿kuae maratuta pa?

Hechos 11:23

Jare jae ojo oväe yave, oecha jókuae oyeapo Tumpa ipɨakavi rupi vae, jare oyerovia. Jayave jae omboarakuaa opaete vae reta oguata kavi vaerä opaete ipɨa reve yandeYa ndive.

Hechos 15:22

Jayave temimondo reta jare opaete oporogüɨrovia vae reta jare itenondegua reta ndive jei ikavi ko oyeparavo vaerä amogüe kuimbae reta jae reta ipɨte güi, omondo vaerä Antioquía pe Pablo jare Bernabé ndive. Jayave oiparavo reta Judas oyeero Barsabás pe vae jare Silas. Jae reta ko oporogüɨrovia vae reta itenondegua reta.

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

Romanos 5:2

jare yandeporogüɨrovia rupi, yaike ma Tumpa ipɨakavi pe Jesucristo rupi; pɨpe ñanepɨ̈rata ma ñaï jare yayerovia reve ñaäro Tumpa iyemboetea.

1 Corintios 15:1

Añave, cherɨvɨ reta, aipota pomomaendúa ñee ikavi vae amombeu peve vae re, jókuae perovia jese vae jare pepɨ̈rata jese vae;

2 Corintios 1:19

Echa Tumpa Taɨ Jesucristo che jare Silvano jare Timoteo romoërakua peve vae, oipoepɨ katu iyemongeta vaeä ko.

2 Corintios 1:24

Mbaetɨ ko rogüɨnoi mbaepuere peporogüɨrovia re. Echa pepɨ̈rata ma peporogüɨrovia re. Jaeño roipota pomborɨ, pe reta peyerovia vaerä.

Efesios 3:3

Echa Tumpa oechauka cheve vae rupi oikuaauka yaikuaa rapembae vae, tenonde ma aikuatía peve rami.

Efesios 6:21

Tíquico omombeuta peve opaete mbaembae, peikuaa vaerä cheregua jare ayapo aï vae regua. Tíquico ko jae yanderɨvɨ aaɨu vae. Jae oyeokuai kavi yandeYa pe.

Colosenses 1:7

Kuae re pemboe Epafras oreïru roaɨu vae, jae ko oyeokuai Cristo pe ore ndive, jae ko metei Cristo jembiokuai añete vae.

Colosenses 4:7

Opaete cheregua, Tíquico omombeuta peve. Jae ko cherɨvɨ aaɨu vae, yandeYa jembiokuai jupi vae, chemborɨ vae.

Colosenses 4:9

Amondo vi jae ndive Onésimo. Jae vi ko cherɨvɨ aaɨu vae jupi vae, jae ko perëtaɨgua. Jae reta oikuaaukata peve opaete mbae kuae pe oyeapo vae.

1 Tesalonicenses 1:1

Che Pablo, Silvano jare Timoteo, roikuatía kuae tupapire opaete peporogüɨrovia vae Tesalonicaɨgua reta pe. Pe reta peï yandeRu Tumpa jare yandeYa Jesucristo re vae. YandeRu Tumpa jare yandeYa Jesucristo ipɨakavi jare ipɨakatu toï pe ndive.

2 Tesalonicenses 1:1

Che Pablo. Silvano jare Timoteo, roikuatía kuae tupapire opaete peporogüɨrovia vae Tesalonicaɨgua reta, peï yandeRu Tumpa jare yandeYa Jesucristo re vae pe.

Hebreos 13:22

Cherɨvɨ reta, pomoñera peropɨa vaerä kuae mbovɨ yemboarakuaa aikuatía peve vae.

1 Pedro 1:13

Jáeramo, peïndaivi jare peyemongeta kavi, jare peäro pepɨakatu reve Tumpa ipɨakavi rupi omeeta peve Jesucristo oyekuaa ye yave vae.

1 Pedro 4:10

Tumpa omee metei ñavo pe mbaepuere peyeokuai vaerä oyoupe. Peyeokuai tembiokuai ikavigüe rami, Tumpa jeta omee ipɨakavi rupi vae re.

2 Pedro 1:12

Jáeramo che jekuaeño pomomaenduata kuaekuae re, yepe tëi peikuaa ma ko jare pepɨ̈rata ma ko añete vae peyemboe jese vae re.

2 Pedro 2:15

Echa oeya reta tape isɨmbi vae, jare opa jopa reta, omomoe reta Balaam, Beor taɨ jeko, echa Balaam oaɨu yae korepoti jupimbae vae oyapo vae rupi omongana vae;

3 Juan 1:12

Opaete vae imiari kavi Demetrio re. Echa jae oiko añete vae rupi. Ore vi romombeu peve jae jekuaeño oyapo ikavi vae. Jare peikuaa ore romombeu peve vae añete ko.

Judas 1:3

Cherɨvɨ aaɨu vae reta, chekɨ̈reɨ yae aikuatía peve yandeyemboasa regua. Ërei ikavi cheve aikuatía vaerä peve pomboarakuaa vaerä peñemoäta ngatu mborogüɨrovia oñemee oñeñono tee vae reta pe vae re.