1 Pedro 4:7 - Biblia Guarani Tumpa Iñee

⁷ Ërei oyearo ma opaete mbaembae reta iyapɨ vaerä. Jáeramo peyeandu katu jare peyerure avei pekueraimbae reve.

Nuevo Testamento Guaraní Pe

⁷ Erei oyearo ma opaete mbae opa vaera. Jae rambue peñeandu jare jecuaeño peyerure Tumpa pe.

1 Pedro 4:7 ပူးပေါင်းရင်းမြစ်များ

GÉNESIS 19:35

Jókuae pɨ̈tu omee reta tu jou vino, jare tayɨ taɨkuegua oke jae ndive; ërei Lot mbaetɨ yeño oyandu kërai yave oyapakua jare opüa ye vae.

GÉNESIS 6:13

Jayave Tumpa jei Noé pe: “Ayemongeta opa amokañɨtei vaerä kuimbae reta, echa jae reta jeko pegua opa teko kavi oikomegua. Jáeramo añave opata amokañɨtei kuae ɨvɨ kuimbae reta ndive.

ECLESIASTÉS 7:2

Manoa pe yaja vae ikavi yae ko, aretea pe yaja vae güi; echa mano jae ko opaete vae reta iyapɨ, jare oikoveño oï vae ipuere oyemongeta avei jese.

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

San Mateo 24:42

Jáeramo peäro avei. Echa mbaetɨ peikuaa mbae ora pe che peYa ayu yeta vae.

San Mateo 25:13

Jáeramo peäro avei. Echa mbaetɨ peikuaa mbae ara ani mbae ora pe, che Kuimbaerä ayeapo vae ayu yeta vae.

San Lucas 21:34

Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

San Lucas 21:36

Jáeramo peyeandu, jare peyerure avei ara ñavo Tumpa iporoaɨu rupi peasayepe vaerä opaete kuae mbaembae outa vae güi, peyemboɨ vaerä che Kuimbaerä oyeapo vae jóvai.”

San Lucas 22:46

Jayave Jesús jei chupe reta: —¿Maera pa peke peï? Pepüa peyerure Tumpa pe, agüɨye vaerä peyoa.

Romanos 12:12

Peäro yandeYa peyerovia katu reve. Pepɨaguasu peiporara yave. Peyerure avei Tumpa pe.

1 Corintios 15:24

Javoi outa opaete mbaembae iyapɨ, omee ma yave iporookuaía yandeRu Tumpa pe, Cristo opa ma opɨ̈ro yave opaete mbaepuere opaete mburuvicha reta ara pegua jare ɨvɨ pegua jare oipotagüe mbaepuere güɨnoi vae güi.

1 Corintios 7:29

Ërei che jae peve kuae, cherɨvɨ reta: Mbaetɨta ma ɨma yaiko vaerä. Jáeramo jembireko vae reta toiko mbaetɨ jembireko vaeecha.

Efesios 6:18

Peyerure avei, pemoñera Tumpa Espíritu rupi. Peyerure avei agüɨye vaerä pekuérai. Jekuaeño peyerure Tumpa pe opaete oporogüɨrovia vae reta re;

Filipenses 4:5

Pepɨakavi toikuaa opaete vae. YandeYa ou yeta ete ma ko.

Colosenses 4:2

Jekuaeño peyerure avei. Peyerure avei pemee reve yasoropai Tumpa pe.

2 Timoteo 4:5

Ërei nde agüɨye etei ere ereiño, eropɨa tembiporara reta, eyapo ñee ikavi vae imoërakuaa iparavɨkɨ. Eyapo ndeparavɨkɨ.

Tito 2:12

Tumpa ipɨakavi yandemboe yaeya vaerä mbaeyoa reta jare soo jemimbota ɨvɨ pegua, jare yaiko yaikuaa kavi reve, jupi rupi, yamboete reve Tumpa,

Hebreos 10:25

Agüɨye yaata yemboatɨa pe, amogüe vae reta oyepokuaa rami, jaeño yayomboarakuaa; jeiete ñañemoäta ngatu, yaikuaa jókuae ara köi yae ramo.

Hebreos 9:26

echa jökorai yave mona, omanota tëi ko jeta vese ɨvɨ oyeapo güive. Ërei añave ara reta taɨkuegua pe oñemee omano vaerä metei veseño jekuae avei pegua, omboai vaerä mbaeyoa reta.

1 Pedro 1:13

Jáeramo, peïndaivi jare peyemongeta kavi, jare peäro pepɨakatu reve Tumpa ipɨakavi rupi omeeta peve Jesucristo oyekuaa ye yave vae.

1 Pedro 3:7

Jaeramiño vi pe kuimbae reta, peiko perembireko ndive pearakuaa reve kavi, pemboete reve vaso tätambae rami, jae reta vi ko güɨnoi tekove pe reta rami, peyerure reta agüɨye vaerä güɨnoi yemboavai.

1 Pedro 5:8

Peyeandu katu jare peïndaivi, echa perovaicho aña guasu yaguapope oñee rami oeka kia omokañɨtei vaerä.

Apocalipsis 16:15

YandeYa jei: “Mase, ko ayu imonda vae rami, oyerovia ko jókuae oñemokätɨro vae, jare jemimonde omongɨambae vae, agüɨye vaerä inandi reta jare güɨromara inandi.”