1 Pedro 4:2 - Biblia Guarani Tumpa Iñee

² agüɨye vaerä ma oikove oiko ramboeve oiko kuimbae reta rami isoo jemimbota rupi, jaeño Tumpa jemimbota rupi.

Nuevo Testamento Guaraní Pe

² Jocorai yave, ngaraa yaico ñaneremimbota reño cuae ɨvɨ pe yaico rambueve. Yaipotata yayapo Tumpa jemimbota.

1 Pedro 4:2 ပူးပေါင်းရင်းမြစ်များ

SALMOS 143:10

Chemboe tayapo nderemimbota, echa nde ko jae cheTumpa, ¡ndeespíritu tachereraja sɨmbi rupi kavi!

OSEAS 6:7

Ërei jae reta Adán ramiño, morogüɨrökuavee päve oyapoä, oikuaa reve mbaetɨ oyapo jupi vae.

San Mateo 12:50

Echa opaete cheRu ara pe oï vae jeigüe oyapo vae reta ko jae cherɨvɨ, chereindɨ jare chesɨ.

San Mateo 20:4

Jayave ko iya jei chupe reta: Pe reta pekua vi peparavɨkɨ cheuvarupa pe. Jare amboepɨ kavita peve. Jayave jae reta yogüɨraja.

San Mateo 21:31

¿Kia nunga pa kuae mókoi vae güi oyapo tu jei vae? Jayave jae reta jei chupe: —Jókuae tenonde tu oyókuai vae. Jayave Jesús jei chupe reta: —Añete che jae peve, mburuvicha peguarä okovara vae reta jare kuña iyaguasa pota vae reta jae reta räri oiketa pegüi Tumpa iporookuaía pe.

San Mateo 7:21

Ngaraa opaete: ‘CheYa, cheYa’ jei cheve vae oike araɨgua mborookuaía pe. Jaeño oiketa cheRu ara pe oï vae jemimbota oyapo vae.

San Marcos 3:35

Opaete Tumpa jemimbota oyapo vae reta ko jae cherɨvɨ, chereindɨ jare chesɨ.

San Marcos 7:21

Echa pepɨa güi oë opaete peyemongeta ikavimbae, peyuvanga menda re vae, aguasa reta, peporoyuka vae,

San Juan 1:13

Tumpa etei kuae oyapo, mbaetɨ ou reta ichɨ ani tu rupi, jaeño ou Tumpa jemimbota rupi.

San Juan 7:17

Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae.

Romanos 12:2

Agüɨye mo peiko añave ipɨa jemimbota reño yogüɨreko vae rami. Peipoepɨ peyemongeta, oyepoepɨ vaerä vi peikogüe vae jare peikuaa vaerä Tumpa jemimbota re; jae ko ikavi yae vae, omboyerovia vae, jaekavi yae vae.

Romanos 14:7

Mbaetɨ metei ave yaiko yandeyeupeguaräño. Jaeramiño vi mbaetɨ metei ave ñamano yandeyeupeguaräño.

Romanos 6:11

Jaeramiño vi pe reta, perovia vi pemano ma ko mbaeyoa güi, ërei peikove ko Tumpa peguarä yandeYa Cristo Jesús rupi.

Romanos 6:2

¡Mbaetɨ ko! Echa yande ñamano ma mbaeyoa güi vae, ¿këraita pa jekuaeño yaiko mbaeyoa pe?,

Romanos 7:4

Jaeramiño vi, pe cherɨvɨ reta, pemano ko mborookuai güi Cristo imano rupi, peiko vaerä Cristo oikove ye omanogüe reta ipɨte güi vae re, peyapo vaerä ikavi vae Tumpa peguarä.

2 Corintios 5:15

Omano opaete vae re, oikoveño vae reta agüɨye vaerä ma yogüɨreko iyeupeguarä aeño, jaeño yogüɨreko vaerä jókuae omano jare oikove ye jese reta vae peguarä.

Efesios 2:3

Tenonde yave opaete yande vi yaiko yandesoo jemimbota reño jae reta rami. Yayapo yepi yandesoo jemimbota reta jare yandeyemongeta retaño. Jáeramo Tumpa iyarasɨ igüɨ pe yaiko, opaete ïru reta rami.

Efesios 4:17

Kuae jae peve pomoñera reve yandeYa jee re: Agüɨye mo peiko oporogüɨroviambae reta rami, iyemongeta ikavimbae rupi yogüɨreko vae reta rami,

Efesios 5:17

Jáeramo, agüɨye peiko pearakuaambae, ërei peikuaa kavi yandeYa jemimbota.

Efesios 6:6

Agüɨye peyeokuai kavi peya reta pe jae omae oï yaveño, jare pemboyerovia vaeräño. Peyeokuai chupe, Cristo pe peyeokuai rami, pepɨakatu reve peyapo Tumpa jemimbota.

Colosenses 1:9

Jáeramo ore vi kuae roendu güive, royerure avei peré Tumpa pe, jae oikuaauka kavi vaerä peve jemimbota opaete Espíritu pegua rupi.

Colosenses 3:3

Echa pemano ma ko, jare perekove oime ma oï Cristo ndive Tumpa re.

Colosenses 4:12

Epafras vi omondo tamaraeme peve, jae ko perëtaɨgua, Cristo jembiokuai. Jae jekuaeño oyerure avei peré, peñemomɨ̈rata vaerä, jare peikuaa kavi vaerä opaete Tumpa jemimbota re.

1 Tesalonicenses 5:18

Pemee avei yasoropai Tumpa pe oipotagüe mbae re, echa kuae ko jae jemimbota perovia Cristo Jesús re vae reta pe.

Hebreos 13:21

tapembojupi opaete mbae pe, peyapo vaerä jemimbota; Tumpa toyapo yanderé oipota vae Jesucristo rupi; ¡toyemboete Cristo jekuae avei rupi! ¡Amén!

Santiago 1:18

Jae oipota ramo, yandeapo taɨ retarä iñee añete vae rupi, yaiko vaerä mbaagüɨyerɨpɨ rami chupeguarä opaete jembiapo güi.

1 Pedro 1:14

Tumpa taɨ reta iñeereendu katu vae ramo, agüɨye mo peiko peremimbota rupi tenonde yave peikuaambae reve peikose pɨpe vae rupi;

1 Pedro 2:1

Jáeramo, peeya opaete ikavimbae vae, opaete mborombotavɨ, opaete tova mókoi, akatúä reta jare opaete ñeeasɨ katu.

1 Juan 2:17

Ërei kuae ɨvɨ opata ko, jare opaete mbaembae yaipota vae pɨpegua, ërei Tumpa jemimbota oyapo vae oikota jekuae avei rupi.