1 Pedro 4:18 - Biblia Guarani Tumpa Iñee

¹⁸ Echa Tumpa Iñee jei: “Jupi vae yavai yae rupi oyemboasauka yave, vɨtei pa jupimbae jare iyoa vae.”

Nuevo Testamento Guaraní Pe

¹⁸ Tumpa iñee pe oyecuatía oi corai: Tumpa ombojupi ma vae reta jaimei oñemboasaucata. Jae rambue ngaraa etei oñemboasauca Tumpa jeigüe mbaeti oyapo vae reta. Echa mbaeti oñemboai imbaeyoa reta. Jocorai oyecuatía oi.

1 Pedro 4:18 ပူးပေါင်းရင်းမြစ်များ

GÉNESIS 13:13

Ërei jókuae Sodoma pegua kuimbae reta jeko kaviä yae ete jare iyoa yae reta yandeYa kotɨ.

PROVERBIOS 11:31

Jupi vae omboresiveta mbota kuae ɨvɨ pe, ¡vɨtei pa iyoa vae reta, oiporarata jeko oï rupi!

JEREMÍAS 25:29

Echa amboɨpɨta amondo cheporonupa tëta guasu chembaerä oñeñono tee vae re, ¿perovia pa pe reta mbaetɨta peñenupa? Ngaraa pepɨta jökoraiño, echa ambouta ñeraro opaete ɨvɨ pegua reta re. Che peYa Imbaepuere yae ete vae ko jae.’

EZEQUIEL 18:24

Ërei jupi vae opia yave jupi oyapo oiko vae güi, jare jae oyapo ikavimbae yae vae iyoa vae reta oyapo vae güi yave, ¿perovia pa oikoveñota? Che ngaraa ma chemaendúa opaete ikavi vae oyapogüe re. Oyapo jupimbae jare iyoa jeko pegua omanota.

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

San Lucas 15:1

Jayave oyemboatɨ Jesús oïa pe opaete mburuvicha peguarä okovara vae reta jare jeko ikavimbae vae reta.

San Lucas 23:31

Ɨvɨra jokɨgüe pe oyapo reta opaete kuae mbaembae yave, ¿mbae ra oyapota ɨvɨra yɨpigüe pe?

Hechos 14:22

Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

Hechos 27:24

Araɨgua jei cheve: “Pablo, agüɨye ekɨɨye, echa reo ñotai ko reyemboɨ César jóvai. Jare Tumpa ipɨakavi nde ndive ramo, oepɨta vi opaete kuae nderupíe yogüɨraja vae reta.”

Hechos 27:31

Ërei Pablo jei cien sundaro vae juvicha jare sundaro reta pe: —Kuae reta mbaetɨ opɨta barco pe yave, pe reta ngaraa pepuere peyereroasayepe.

Romanos 1:18

Tumpa iyarasɨ oyekuaa ara güi opaete jupimbae vae reta kotɨ jare ikavimbae vae oyapo vae reta kotɨ. Echa jae reta omboavai añete vae, ikavimbae vae oyapo reta vae rupi.

Romanos 5:6

Echa yande yandepuereä etei yayemboasa vaerä iara pe etei, Cristo omano iyoa vae reta re.

Romanos 5:8

Ërei Tumpa oechauka ma iporoaɨu yandekotɨ vae, yepe tëi yande ko jae iyoa vae reta, ërei Cristo omano yanderé.

1 Corintios 10:12

Jáeramo oyemongeta ipɨ̈rata ko iporogüɨrovia pe vae, toyeandu agüɨye vaerä ogüɨapi.

1 Timoteo 1:9

Echa yaikuaa mborookuai oyeapoä ko mbaepuere güɨnoi vaerä jupi vae reta re, jaeño oyeapo mborookuai oyavɨ vae reta re, jare iñeereendumbae reta peguarä, jupimbae reta jare iyoa vae reta peguarä, Tumpa omboetembae reta peguarä, tu oyuka jare ichɨ oyuka vae reta peguarä jare oporoyuka vae reta peguarä,

Hebreos 4:1

Jáeramo yaipoɨu, echa güɨramoi amogüe pe reta ngaraa peupitɨ penoi vaerä jókuae mbutuu Tumpa omee vae pe.

Santiago 5:6

Pe reta pemboeko jare peyuka jókuae jupi vae. Jare jae mbaetɨ oyeepɨ pegüi.

1 Pedro 5:8

Peyeandu katu jare peïndaivi, echa perovaicho aña guasu yaguapope oñee rami oeka kia omokañɨtei vaerä.

2 Pedro 3:7

Ërei ara jare ɨvɨ oime añave vae oñeñovatu ko oï Tumpa iñee rupi tata peguarä iporojäa iara peguarä jare iyoa vae reta okañɨtei yave peguarä.

Judas 1:15

ojäata vaerä opaete vae, oiporarauka vaerä opaete iyoa vae jupimbae oyapo vae reta pe, jare opaete ñee ikavimbae vae iyoa vae reta jei ikotɨ vae pe.”

1 SAMUEL 15:18

Jare yandeYa ndeokuai ndemondo, jare jei: “Ekua, emboai opaete Amalec iñemuña reta, eñeraro jae reta ndive opa remboai regua, iyoa reta jeko pegua.”