1 Pedro 4:17 - Biblia Guarani Tumpa Iñee

¹⁷ Echa oväe ma ara Tumpa ojäa vaerä imbae vae reta; omboɨpɨ yave ojäa jo pegua reta, ¿këraitita ndipo ojäa iñee kavi kotɨ iñeereendumbae reta?

Nuevo Testamento Guaraní Pe

¹⁷ Tumpa ojaata co opaete ɨvɨ pegua reta, jare ojaata rani jae imbae reta. Yepe tei ñande co jae imbae reta, erei ñaneraata co. Jae rambue oiporara yaeta co jocuae Tumpa iñee icavi vae mbaeti güɨrovia vae reta. Echa Tumpa jei chupe reta güɨrovia vaera.

1 Pedro 4:17 ပူးပေါင်းရင်းမြစ်များ

ISAÍAS 10:12

Ërei yandeYa opa ma oyapo ɨvɨtɨ Sión pe jare Jerusalén pe oyapota vae yave, oinupata mburuvicha guasu Asiria pegua, ipɨapochɨ jare ipɨayemboete rupi oyapo jeko pegua.

JEREMÍAS 25:29

Echa amboɨpɨta amondo cheporonupa tëta guasu chembaerä oñeñono tee vae re, ¿perovia pa pe reta mbaetɨta peñenupa? Ngaraa pepɨta jökoraiño, echa ambouta ñeraro opaete ɨvɨ pegua reta re. Che peYa Imbaepuere yae ete vae ko jae.’

JEREMÍAS 49:12

YandeYa jei körai: “Jókuae jupi vae oiporara yave, nde mbaetɨ ko jupi köraiño repɨta vaerä, reiporara tai ko.

AMÓS 3:2

“Pe retaño poparavo opaete ɨvɨ pegua reta ipɨte güi, jáeramo, aiporaraukata peve opaete peyoa reta re.”

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Lucas 23:31

Ɨvɨra jokɨgüe pe oyapo reta opaete kuae mbaembae yave, ¿mbae ra oyapota ɨvɨra yɨpigüe pe?

Romanos 1:1

Che Pablo, Jesucristo jembiokuai. Jae cheparavo jemimondorä, jare cheñono tee amoërakua vaerä Tumpa iñee ikavi vae,

Romanos 2:9

oiporarata ko jare ipɨatɨtɨta ko opaete ikavimbae oyapo vae reta, tenonde ete judío reta, jaɨkue rupi judiombae vae reta vi.

Gálatas 3:1

Galaciaɨgua reta, iyarakuaambae reta. ¿Kia pa pembotavɨ kavi yae, agüɨye vaerä perovia añete vae? Echa roechauka kavi yae ma peve, kërai Jesucristo oyekutu kurusu re vae.

Gálatas 5:7

Ikavi yae peguata tëi. ¿Kia pa oeyauka peve añete vae?

Gálatas 6:10

Jáeramo yandepuere yave, yayapo ikavi vae opaete vae pe, ërei yambotenonde oporogüɨrovia vae reta.

2 Tesalonicenses 1:8

Yogüeruta tata jendɨ vae re, oiporarauka vaerä mbaetɨ Tumpa oikuaa vae reta pe, ani ñäteɨ oendu ñee ikavi vae yandeYa Jesucristo regua vae reta pe.

1 Timoteo 3:15

echa güɨramoi aja raiviä yave, aipota reikuaa këraita reiko Tumpa taɨ reta ipɨte pe, jae ko Tumpa oikove vae re güɨrovia vae reta, jae reta oyoko añete vae.

Hebreos 11:8

Iporogüɨrovia rupi Abraham, Tumpa oenɨi yave ojo, Tumpa güɨrökuavee omeeta ɨvɨ imbaerä vae kotɨ; oë ojo oikuaambae reve ketɨ ko ojo vae kotɨ.

Hebreos 2:2

Echa Tumpa jei Israel pegua reta pe araɨgua reta rupi vae mbaetɨ oyepoepɨ, jare opaete jókuae iñeereendumbae jare oyapombae oiporara,

Hebreos 2:4

Tumpa etei omoañete jae reta omombeu yandeve vae, mɨakañɨ reta, jare Espíritu Santo rupi mbaepuere reta oñemee vae rupi.

Hebreos 3:6

Ërei Cristo ko jae Tumpa Taɨ, jare jae ko opaete Tumpa jo iYa. Jare jökoraita ñaneräta ngatu jare yayerovia yave ñaäro ñaï vae re.

Hebreos 5:9

Jare opaete Tumpa jei vae oupitɨ ma yave, ou opɨta yemboasa opambae vae, opaete jae jei vae oyapo vae reta peguarä;

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.

1 Pedro 2:8

Jae ko metei ita pɨ̈sa-yeyuka pegua, ita oporopɨaka vae. Echa jae reta oyepɨaka reta Tumpa iñee oendúä ramo, jókuae ra oyembojee reta ramo.