1 Pedro 4:14 - Biblia Guarani Tumpa Iñee

¹⁴ Peyerovia, ïru vae reta jei yave ikavimbae vae pekotɨ Cristo re perovia ramo, echa Tumpa iEspíritu oï pe ndive. Jae reta jei ikavimbae vae Cristo kotɨ, ërei pe reta pemboete.

Nuevo Testamento Guaraní Pe

¹⁴ Iru vae reta jei yave icavi mbae vae pecotɨ Cristo re perovia rambue, peyerovia. Echa Tumpa iEspíritu pepɨa pe oico vae pemboeteucata. Jae reta jei icavi mbae vae Cristo cotɨ. Erei pe reta pemboeteuca Cristo.

1 Pedro 4:14 ပူးပေါင်းရင်းမြစ်များ

1 REYES 10:8

¡Oyerovia katu ko aipo ndeɨvɨrigua kuimbae reta, oyekou ko aipo ara ñavo ñogüɨnoi avei nderóvai vae reta, oendu ndearakuaa katu vae reta!

2 REYES 2:15

Jare ñeemombeúa reta Jericó pegua ɨ rovaicho pe ñogüɨnoi vae oecha ramboeve, jei reta: “¡Elías imbaepuere etei opɨta Eliseo re!” Jayave yogüeru oövaiti reta, jare oyetavatɨka itindɨasɨ reta jóvai,

SALMOS 146:5

Oyerovia ko jókuae, Jacob iTumpa iporomborɨ güɨnoi vae, iporoäro güɨnoi yandeYa, Jacob iTumpa re vae,

SALMOS 49:9

oikove oiko vaerä jekuae avei, jare agüɨye vaerä omano!

SALMOS 89:51

CheYa Tumpa, ¡nderovaicho reta mbaetɨ oporomboete! ¡Jökorai mbaetɨ omboete reta nderembiparavo!

ISAÍAS 11:2

Jese oïta yandeYa iEspíritu; espíritu pɨaarakuaa katu pegua jare arakuaa katu, espíritu yemboarakuaa pegua jare mbaepuere pegua, espíritu oikuaa yae mbae vae, jare oipoɨu yandeYa güi vae.

ISAÍAS 25:8

jae ko mano, yandeYa omboaita jekuae avei pegua vae, jare oyoeta opaete vae jesaɨ, jare omboaita ɨvɨ iárambo güi, tëta imbae vae iñemomarai. YandeYa ko jei jökorai.

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

San Mateo 5:11

Peyeroviaño, chereko pegua ïru vae reta jei ikavimbae peve yave, jare oiporarauka peve jare jei oipotagüe ikavimbae iyapu reve pekotɨ yave.

San Mateo 5:16

Jökorai toyekuaa pereko kavi reta ïru vae reta jóvai, oikuaa reta vaerä peyapo ko ikavi vae. Jökorai omboete reta vaerä peRu ara pe oï vae.

San Lucas 6:22

Peyerovia ïru vae reta pemotareɨ yave, pembosɨrɨ iyeugüi yave, jare jei ikavimbae peve ani peägüe pe, che Kuimbaerä ayeapo vae jeko pegua yave.

San Juan 15:21

Ërei opaete kuae mbaembae oyapo retata peve cheré perovia ramo. Echa jae reta mbaetɨ oikuaa chembou vae.

San Juan 8:48

Jayave judío reta jei: —Roe ma, nde ko jae metei Samariaɨgua, jare aña oya nderé vae ko. Añetete yepe roe.

San Juan 9:28

Jayave judío reta oñeengata jókuae kuimbae pe, jei reve: —Nde ko jae jemimboe. Ore ko Moisés jemimboe reta.

San Juan 9:34

Jayave judío reta jei chupe: —Nde rea mbaeyoa pe voi vae, ¿oremboeta ra? Jayave omombo reta joko güi.

Hechos 13:45

Ërei judío reta oecha yave jeta vae yatɨ, oñemoägüɨro, jare jei añeteä ko Pablo jei vae, jare jei ikavimbae vae Pablo kotɨ.

Hechos 18:6

Ërei jókuae judío reta oyovaicho jare jei reta ikavimbae vae ikotɨ. Jáeramo Pablo omotumo jemimonde, jare jei chupe reta: —Pe reta aeño penoita teko peyeupe pekañɨtei re. Che mbaetɨa chereko. Añave güive ajata judiombae vae reta kotɨ.

Hechos 28:22

Ërei roipota roikuaa ndegüi etei mbae ra reyemongeta vae. Echa roikuaa opaete rupi jërakua ikaviä ko kuae mboromboe.

Hechos 5:41

Jayave temimondo reta ñogüɨnoe mburuvicha judío reta ñogüɨnoi vae güi oyerovia yae reve, Tumpa omee oiporara reta vaerä Jesús jee re ramo.

2 Corintios 12:10

Jáeramo, ayerovia chepɨ̈ratambae re, yekura rupi, mbae oata vae rupi, tembiporara rupi, mbɨatɨtɨ rupi; echa ayandu mbaetɨ chepɨ̈rata yave ko, chemomɨ̈rata yae.

2 Corintios 4:10

Opaete kerupi rojoa rupi rogüɨraja orerete re Jesús imano, oyekuaa vaerä vi oreré Jesús jekove.

2 Corintios 4:16

Jáeramo mbaetɨ orepɨtu, yepe tëi orerete opa ojo oiko, ërei oreɨvɨte pe oyembopɨau avei.

Gálatas 1:24

Jáeramo omboete reta Tumpa cheré.

Hebreos 11:26

chupeguarä ikavi yae ko oiporara vaerä Cristo oiporara rami, Egiptoɨgua reta imbaeyekou güi; echa omae avei Tumpa omeeta chupe mbota vae re.

Santiago 1:12

Oyerovia ko jókuae kuimbae omoamɨri mbaemboavai ou chupe yave vae. Echa ipɨ̈rata reve omoamɨri vae pe oñemeeta tekove opambae vae, yandeYa güɨrökuavee omee vaerä opaete güɨnoi mboroaɨu ikotɨ vae reta pe.

Santiago 5:11

Añete ko, yandeve oyerovia ko jókuae oiporara vae reta. Peikuaa kërai Job ipɨaguasu yae vae regua, jare yandeYa kërai iporerekua jese taɨkue rupi vae. Echa yandeYa iporoaɨu jare iporoparareko yae.

1 Pedro 2:12

Peechauka kavi pereko oporogüɨroviambae vae reta ipɨte pe. Iñeenguru pekotɨ ikavimbae peyapo vaeecha vae reta, oecha perembiapo ikavi vae yave, omboete retata Tumpa, iporojäa iara pe.

1 Pedro 3:14

Ërei peiporara yave jupigüe peyapo vae re, peyerovia. Jáeramo agüɨye pekɨɨye chugüi reta ani peyembojopa.

1 Pedro 3:16

peyemongeta ikavi rupi, iñeenguru pekotɨ ikavimbae peyapo vaeecha vae reta, imara vaerä peangao perembiapo kavi Cristo re vae reta.

1 Pedro 4:16

Ërei peiporara yave Cristo re perovia jeko pegua, agüɨye pemara, jaeño pemboete Tumpa jókuae re.

2 Pedro 2:2

Jare jeta vae omomoeta jae reta iporomboe kavimbae, jae jeko pegua ïru vae reta jeita ñee ikavimbae mboromboe añete vae kotɨ.