1 Pedro 4:13 - Biblia Guarani Tumpa Iñee

¹³ Ërei peiporara peï yave peyerovia, echa peikuaa peiporara ko peï Cristo oiporara rami, peyerovia yae vaerä jae iyemboetea oyekuaa yave.

Nuevo Testamento Guaraní Pe

¹³ Erei peiporara pei yave, peyerovia. Echa peicuaa peiporara pei Cristo oiporara rami. Jare cuae jeco pegua, opaete vae oicuaa yave quirai Cristo oñemboeteuca co, pe reta peyerovia yaeta.

1 Pedro 4:13 ပူးပေါင်းရင်းမြစ်များ

ISAÍAS 25:9

Jókuae ara jei retata: “Kuae ko jae ñaneTumpa ñaäro yaiko vae, jese yarovia jare jae yandemborɨta. Yayerovia jare yavɨa, echa jae ko yandemborɨta.”

ISAÍAS 35:10

yandeYa oyoragüe reta oyerovata, jae reta oiketa Sión pe tairari yerovia pegua ndive, yogüɨreko aveita yerovia katu rupi, güɨnoi retata yerovia katu, opata okañɨ mbɨatɨtɨ jare yaeo.

ISAÍAS 51:11

Añetete, yandeYa oyoragüe reta oyerova yeta, otairari reve oyerova reta yeta Sión kotɨ; jova, oyerovia katu avei retata; ovɨa jare oyerovia katu retata, mbaeporara jare yaeo opata okañɨ.

San Mateo 16:27

Echa che Kuimbaerä ayeapo vae ayu yeta cheRu iyemboetea reve jare iaraɨgua reta ndive. Jayave amboekoviata metei ñavo vae pe jembiapo oï rupi.

San Mateo 25:21

Jayave iya jei chupe: ‘Cherembiokuai ikavi vae, ikavi yae ko reyapogüe. Reyeokuai kavi cheve kuae mbovɨ vae re. Jáeramo ameeta jeta ndepo pe reyangareko vaerä jese, eyu eyerovia che ndive.’

San Mateo 25:23

Jayave iya jei chupe: ‘Cherembiokuai ikavi vae, ikavi yae ko reyapogüe. Reyeokuai kavi cheve kuae mbovɨ vae re. Jáeramo ameeta jeta ndepo pe reyangareko vaerä jese, eyu eyerovia che ndive.’

San Mateo 25:31

Che Kuimbaerä ayeapo vae ayu ye yave cheyemboetea reve opaete araɨgua oñeñono tee Tumpa peguarä vae reta ndive. Jayave aguapɨta cheyemboetea, mborookuaía pegua pe.

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Mateo 5:12

Peyerovia yae, echa Tumpa güɨnoi ara pe mbae ikavigüe yae pembaerä. Echa jökorai ko oiporarauka ñeemombeúa reta tenonde rupi ma yogüɨreko pegüi vae pe.

San Marcos 8:38

Echa añave rupigua iyoa vae reta jare ikavimbae iyapoa reta güi imara cheré jare cheñee re vae, che Kuimbaerä ayeapo vae aromarata vi, ayu ye yave cheRu iyemboetea reve araɨgua oñeñono tee Tumpa peguarä vae reta ndive.

San Lucas 17:30

Jökoraita vi oasa che Kuimbaerä ayeapo vae ayekuaa yave.

Hechos 16:25

Ërei pɨare mbɨte rupi Pablo jare Silas oyerure jare otairari ñogüɨnoi Tumpa pe. Jare ïru tembipɨɨ reta oyeapɨsaka ñogüɨnoi jese reta.

Hechos 5:41

Jayave temimondo reta ñogüɨnoe mburuvicha judío reta ñogüɨnoi vae güi oyerovia yae reve, Tumpa omee oiporara reta vaerä Jesús jee re ramo.

Romanos 5:3

Jare mbaetɨ kuaeño, yayerovia vi yaiporara yave. Echa yaikuaa kërai yaiporara vae rupi, ñanoi mbɨaguasu;

Romanos 8:17

Jare yande Tumpa taɨ reta ramo, ñanoita vi yandembaerä jae omeeta yandeve vae. Ñanoita ko yandembaerä Cristo ndive, yaiporara yave jae oiporara rami; jare Tumpa yandemboeteukata Cristo ndive.

Romanos 8:18

Arovia añave yaiporara mbaembae ñaï vae mbaeä ko, jókuae yemboetea Tumpa omeeta yandeve vae güi.

2 Corintios 1:5

Echa yaiporara yae yave Cristo re yarovia jeko pegua, yandepɨakatu yaeta vi Cristo rupi.

2 Corintios 1:7

Jare jekuaeño pogüɨrovia katu yae. Echa roikuaa kërai pe reta vi peiporara ore roiporara rami. Jaeramiño vi roikuaa kërai Tumpa pembopɨakatu orembopɨakatu rami.

2 Corintios 4:10

Opaete kerupi rojoa rupi rogüɨraja orerete re Jesús imano, oyekuaa vaerä vi oreré Jesús jekove.

2 Corintios 4:17

Echa kuae roiporara michi peguaño vae, güeru oreve yemboetea ikavi yae vae jare opambae vae.

Filipenses 3:10

Aipota ko aikuaa kavi Cristo. Aipota anoi jókuae mbaepuere Cristo oikove ye vae pegua. Aiporara yave, aipota aikuaa aiporara ko Cristo jeko pegua, chekɨ̈reɨ amano Cristo omano rami.

Colosenses 1:24

Añave ayerovia aiporara aï peré vae re. Echa aiporara aï cherete pe jókuae oataño Cristo jete re oiporara vaerä vae, jae ko oporogüɨrovia vae reta.

2 Timoteo 2:12

Yaiporara yave, jae ndive yaporookuaita vi. Yaikuaku yave, jae vi yandekuakuta.

1 Pedro 1:13

Jáeramo, peïndaivi jare peyemongeta kavi, jare peäro pepɨakatu reve Tumpa ipɨakavi rupi omeeta peve Jesucristo oyekuaa ye yave vae.

1 Pedro 2:21

Echa kuaerä Tumpa peparavo. Echa Cristo oiporara yanderé; oeya yandeve yayapo vaerä jae oyapo rami;

1 Pedro 5:1

Amoñera oporogüɨrovia vae reta itenondegua reta pepɨte pe ñogüɨnoi vae. Che vi akuakuaa ma jae reta rami, jare amoërakua vi Cristo oiporara yanderé vae re. Jare Cristo oyekuaa yave, che vi ayeroviata jae ndive.

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.

Judas 1:24

Jókuae imbaepuere yae ñaneovatu vaerä yagüɨapimbae reve vae, jare ñaneñono vaerä ikɨambae jare yayerovia yae reve jae jóvai iyemboetea pe,

Apocalipsis 1:7

¡Mase, ko jae ou amapɨtu re! Opaete vae oechata, oikutuuka vae reta ave oechata; Jare opaete jókuae ɨvɨ pegua reta ipɨatɨtɨ yaeta jese. Körai toyeapo. ¡Amén!

Apocalipsis 1:9

Che perɨkeɨ Juan, pe reta ndive oiporara vae, Tumpa iporookuaía pe oï pe reta ndive vae, jare ipɨaguasu pe reta ndive vae. Che aï Ɨguasu-päu Patmos jee vae pe Tumpa iñee jare Jesucristo re chemiari jeko pegua.