1 Pedro 4:10 - Biblia Guarani Tumpa Iñee

¹⁰ Tumpa omee metei ñavo pe mbaepuere peyeokuai vaerä oyoupe. Peyeokuai tembiokuai ikavigüe rami, Tumpa jeta omee ipɨakavi rupi vae re.

Nuevo Testamento Guaraní Pe

¹⁰ Tumpa omee metei ñavo pe mbota reta peyeócuai vaera chupe. Jae rambue peyeócuai oyoupe mbota reta penoi vae pe. Jocorai peyeócuai cavita co Tumpa pe Tumpa ipɨacavi tuicha vae rupi.

1 Pedro 4:10 ပူးပေါင်းရင်းမြစ်များ

San Mateo 20:28

Echa che Kuimbaerä ayeapo vae ayu ayeokuai vaerä ïru vae reta pe. Mbaetɨ ayu ïru vae reta oyeokuai cheve vaerä. Ayu amano vaerä, jeta vae aepɨ vaerä.

San Mateo 24:14

Jare kuae ñee ikavi vae Tumpa iporookuaía pegua oñemoërakuata opaete ɨvɨ rupi, opaete ɨvɨ pegua reta oendu vaerä. Jayave outa kañɨtei.

San Mateo 24:21

Echa jókuae ara reta pe oimeta tembiporara guasu yavaetegüe ɨvɨ pegua reta pe. Mbaetɨi jókuae nunga iyɨpɨ güive añave regua vae, jare ngaraai oime ye jókuae nunga.

San Mateo 24:45

Metei oyeokuai vae jeko kavi jare oyeandu katu reve vae pe iya oeya ipo pe omee vaerä ïru tembiokuai reta pe jembiurä iora pe kavi.

San Mateo 25:17

Jökoraiño vi mókoi talento omboresive vae omboɨpɨ omombaravɨkɨ, jare jökorai omoïru ye mókoi.

San Mateo 25:44

Jayave jae reta vi jeita cheve: ‘OreYa, ¿kërai yave pa roecha ndeyɨmbɨaɨ, ndeɨuve, reguata reiko, nenandi, ndembaerasɨ, ani tembipɨɨrɨru pe reï yave, mbaetɨ romborɨ?’

San Marcos 10:45

Echa che Kuimbaerä ayeapo vae ayu ko ayeokuai vaerä ïru vae reta pe. Mbaetɨ ayu ïru vae reta oyeokuai vaerä cheve. Ayu amano vaerä, jeta vae reta aepɨ vaerä.

San Lucas 12:42

Jayave yandeYa jei: “Metei tembiokuai omaangareko vae jeko kavi vae jare oyeandu katu reve vae pe iya oeya ipo pe, omee vaerä ïru tembiokuai reta pe jembiurä iora pe kavi.

San Lucas 19:13

Ërei ndei ojo mbove, oenɨi payandepo jembiokuai reta jare omee metei ñavo pe metei reare oro pegua jepɨ yae vae, jei reve chupe reta: Pemombaravɨkɨ kuae korepoti ayu ye regua.

San Lucas 8:3

Juana, Chuza jembireko. Chuza ko jae mburuvicha guasu Herodes jembiokuai; Susana jare jeta ïru kuña reta.

Romanos 15:25

Ërei ajata räri Jerusalén pe, araja vaerä yemborɨ oporogüɨrovia vae reta pe.

Romanos 15:27

Oecha reta ikavi kuae oyapo vaerä, echa ipía ko judío reta pe. Echa judío reta rupi ou judiombae vae reta pe Tumpa iñee. Jáeramo judiombae vae reta ikavi ko omborɨ vaerä judío reta mbaembae güɨnoigüe pe.

1 Corintios 15:10

Ërei Tumpa ipɨakavi rupi ko aï. Mbaetɨ ipɨakaviiño chekotɨ, echa aparavɨkɨ täta yae opaete ïru reta temimondo reta güi. Ërei mbaetɨ ko cheiño, Tumpa ipɨakavi omee cheve vae ko oparavɨkɨ.

1 Corintios 3:10

Che ko jae ipoki o oyapo vae rami. Tumpa ipɨakavi rupi omee cheve añono vaerä o iguapɨkarä. Jare ïru vae ko jae omopüa oï o iguapɨka iárambo vae rami. Ërei metei ñavo tomae kavi kërai omopüa vaerä o iguapɨka iárambo.

1 Corintios 4:7

Echa ¿kia pa ndembotuicha yae ïru güi? ¿Mbae pa renoi Tumpa omeeä ndeve reve? Tumpa ko omee ndeve opaete renoi vae. Jáeramo ¿maera pa reyemboete, ndeyeugüi aeño renoi rami?

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

2 Corintios 9:1

Korepoti pemboatɨgüe oporogüɨrovia vae reta peguarä vae re, jupiä ma aikuatía jese peve vaerä,

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

Efesios 4:11

Jare Cristo etei oñono amogüe temimondorä, ñeemombeuarä, ñee ikavi vae omoërakua vaerä, oporogüɨrovia vae reta iyangarekoarä, oporomboe vaerä.

2 Timoteo 1:18

YandeYa tomee chupe iporoparareko jókuae ara, echa nde etei reikuaa katu kërai jeta yandemborɨ Efeso pe.

Tito 1:7

Oporogüɨrovia vae reta itenondegua ikavi ko mbaetɨ oñeväe teko jese, Tumpa iparavɨkɨ oyapo vae; agüɨye tipɨapochɨ, agüɨye tiyarasɨ katu, agüɨye tikause, agüɨye tiñerarose, agüɨye tomonganaiño jupimbae reve,

Hebreos 6:10

Echa Tumpa jupi vae ko, ngaraa iñakañɨ peyapo vae güi, jare peporoaɨu peechauka ikotɨ vae güi, echa peyeokuai oporogüɨrovia vae reta pe añave regua.

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.

1 Pedro 5:12

Kuae mbovɨ aikuatía peve pomboarakuaa vaerä, jare arajaukata Silvano ndive peve, jae ko yanderɨvɨ jupi vae; amombeu peve kuae Tumpa ipɨakavi añetete vae ko, pe reta peï pɨpe vae.