1 Pedro 3:9 - Biblia Guarani Tumpa Iñee

⁹ ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

Nuevo Testamento Guaraní Pe

⁹ Iru vae oyapo yave icavi mbae vae peve, agüɨye peyapo icavi mbae vae chupe. Jae ramiño vi iru vae oñeengata yave peve, agüɨye peñeengata chupe. Jocuae jecovia pe peyerure Tumpa pe jese, Tumpa oyapo vaera icavi vae chupe. Echa cuaera Tumpa peparavo, ipuere vaera oyapo icavi vae peve vi.

1 Pedro 3:9 ပူးပေါင်းရင်းမြစ်များ

GÉNESIS 42:25

Jaɨkue rupi José oporookuai omotɨnɨe vaerä chupe reta ivoɨtarɨru reta trigo pe, jare ikorepoti reta oñono ye vaerä ivoɨtarɨru ñavo pe chupe reta, jare omee tembíu tape rupi jou reta vaerä. Jökorai oyapo reta.

PROVERBIOS 17:13

Mbae ikavi vae omboekovia ikavimbae pe vae, jo pe oime aveita ikavimbae.

PROVERBIOS 20:22

Agüɨye ere: “Tayepɨ jese”; eyeko yandeYa reño jae ko ndereepɨ ta.

PROVERBIOS 28:10

Jupi rupi oiko vae pe oyavɨuka vae, jae yeño ko oata pɨpe; ërei jupi vae reta yogüɨreko kavita.

San Mateo 19:29

Jare oime yave kia oeya jo reta, ani tɨkeɨ reta, ani tɨvɨ reta, ani jeindɨ reta, tɨke ani ipɨkɨɨ ani ikɨvɨ, ani tu, ani ichɨ, ani jembireko, ani imichia reta, ani iɨvɨ reta yepe chereko pegua vae, jeta yaeta jekovia chupe, jare güɨnoita imbaerä tekove opa mbae vae.

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Mateo 5:39

Ërei che jae peve, agüɨye pemboasɨ ïru vae oyapo ikavimbae peve yave. Kia okua nderovaɨke re vae pe, erova vi jovaicho chupe.

San Mateo 5:44

Ërei che jae peve, peaɨu perovaicho reta. Peñee kavi oyepopeyu peré vae reta kotɨ. Peyapo ikavi vae pemotareɨ vae reta pe. Peyerure Tumpa pe ikavimbae vae oyapo peve vae reta re.

San Marcos 10:17

Jare Jesús jaema ojo yave, metei osɨi ou ikotɨ, jare oyetavatɨka Jesús jóvai jei reve: —Oporomboe vae, jupi vae, ¿mbae pa chepuere ayapo anoi vaerä tekove opambae vae?

San Lucas 10:25

Metei ara metei mborookuai re oporomboe vae oyemboɨ Jesús jóvai jare jei chupe oyavɨuka vaerä: —Oporomboe vae, ¿mbae pa ayapota anoi vaerä tekove opambae vae?

San Lucas 18:18

Jare metei mburuvicha oparandu Jesús pe, jei: —Oporomboe vae, jupi vae. ¿Mbae pa ayapota anoi vaerä tekove opambae vae?

Romanos 12:14

Peñee kavi, ikavimbae oyapo peve vae reta kotɨ. Peñee kavi, agüɨye peyepopeyu jese reta.

Romanos 12:17

Ikavimbae vae oyapo peve vae pe, agüɨye pemboekovia ikavimbae vae pe. Peeka peyapo ikavi vaeño opaete vae jovake.

Romanos 8:28

Yaikuaa ko Tumpa omborɨ opaete mbaembae rupi, oaɨu Tumpa ramo, jae jemimbota rupi oyeparavo vae reta,

Romanos 8:30

Jökorai iyɨpɨ güive oiparavo vae reta, oenɨi; jare jókuae oenɨi vae reta ombojupi. Jare ombojupi vae reta omboeteuka.

Gálatas 3:14

Abraham pe Tumpa güɨrökuavee vae oupitɨ vaerä Cristo Jesús rupi judiombae reta, jare yande ñanoi vaerä Espíritu mborogüɨrovia rupi.

Efesios 4:32

Ërei pepɨakavi oyoupe, peyoparareko, peɨ̈ro oyoupe, Tumpa iñɨ̈ro peve Cristo rupi rami.

1 Tesalonicenses 5:15

Peyeandu, agüɨye ikavimbae vae oyapo peve vae pe, pemboekovia ikavimbae pe. Ërei peiko kavi avei oyoupi, jare opaete vae ndive.

Hebreos 12:17

Jare peikuaa kërai taɨkue rupi Esaú oipota tëi güɨnoi ñee kavi tu güi, ërei mbaetɨ ma oñemee chupe, yepe tëi oyerure jese oyaeo reve, ërei mbaetɨ ma mbae ipuere oyeapo.

Hebreos 6:14

Jare jei: “Añetete cheporerekua yaeta nderé jare rombojeta yaeta.”

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.

1 SAMUEL 26:11

YandeYa tacheövatu agüɨye vaerä ayuka jae oiparavogüe. Añave eraja imii jare iɨguarɨru, jare yaja.