1 Pedro 3:19 - Biblia Guarani Tumpa Iñee

¹⁹ Jare espíritu rupi ojo omoërakua omanogüe reta tembipɨɨ rami ñogüɨnoi vae pe.

Nuevo Testamento Guaraní Pe

¹⁹ Jayave Cristo ojo oñemoñee omanogüe vae reta oyepɨsɨ ñogüɨnoia pe.

1 Pedro 3:19 ပူးပေါင်းရင်းမြစ်များ

NEHEMÍAS 9:30

Reropɨa reta ɨma año rupi, jare remboyeandu reta tëi ndeEspíritu rupi, neñeemombeúa reta rupi, ërei mbaetɨ oyeapɨsaka reta; jáeramo, remee tëta ambuae vae reta ipo pe.

ISAÍAS 42:7

Reipea vaerä jesambae reta jesa, renoe vaerä tembipɨɨ reta tembipɨɨrɨru güi, jare tembipɨɨrɨru pɨtumimbi vae pe yogüɨreko vae reta.

ISAÍAS 49:9

Rere vaerä tembipɨɨ reta ñogüɨnoi vae reta pe: ‘Peë’, jare pɨtumimbía pe ñogüɨnoi vae reta pe ere: ‘Peyeechauka.’ Tape rupi peväeta kapii, jare opaete ɨvɨ ipombaea rupi oimeta perɨmba reta jembiurä.

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

1 Pedro 3:20

Echa Noé oiko yave jae reta mbaetɨ güɨrovia Tumpa jei vae, yepe tëi Tumpa ipɨaguasu chupe reta jare oäro Noé jókuae barco guasu oyapo oiko ramboeve. Ërei juriño oasayepe ɨ güi.

1 Pedro 4:6

echa jáeramo oñemoërakua vi ñee ikavi vae omano vae reta pe, ipuere vaerä oikove reta espíritu rupi Tumpa pe, yepe tëi oñejäa reta kuae ɨvɨ pe yogüɨreko ramboeve.

Apocalipsis 19:10

Jayave ayetavatɨka chetindɨasɨ reve araɨgua jóvai amboete vaerä, ërei jae jei cheve: “Agüɨye chemboete. Che Tumpa pe ayeokuai vae vi ko, nde jare nderɨvɨ reta imiari Jesús regua vae reta rami. Emboete Tumpa.” Echa Jesús regua oyemombeu vae, ñeemombeúa reta omoërakua vae ko.

Apocalipsis 20:7

Jare mil año oasa ma yave, Satanás oyeyora yeta tembipɨɨrɨru güi,