1 Pedro 3:15 - Biblia Guarani Tumpa Iñee

¹⁵ Pemboete yandeYa Tumpa pepɨa pe. Peïndaivi avei peï peñemomichi reve, peñemoe vaerä oparandu peve maera ra peäro peï peyerovia reve vae reta pe,

Nuevo Testamento Guaraní Pe

¹⁵ Pemboete Cristo pepɨa pe. Echa jae co ñandeYa. Jare oime yave quia oparandu peve maera ra pearo pei peyerovia reve vae, jecuaeño peñemocatɨro pemombeu vaera chupe peñemomichi jare pemboete reve.

1 Pedro 3:15 ပူးပေါင်းရင်းမြစ်များ

SALMOS 119:46

Tachemiari ndeporookuai reta re mburuvicha guasu reta jóvai, jare ngaraa chemara.

PROVERBIOS 15:28

Jupi vae, ipɨa pe oyemongeta kavi omboyevɨ vaerä ñee; ërei iyoa vae, jei ñee ikavimbae.

PROVERBIOS 22:21

ndemboe vaerä reikuaa kavi añetete vae, reraja ye vaerä ñee reta añetete vae jókuae nemondo vae reta pe.

ISAÍAS 1:18

YandeYa jei: “Peyu yayoaka. Yepe tëi peyoa reta pɨ̈taasɨ yae, ërei amotïasɨta iroɨ rami; ani temimonderä vae pɨ̈taasɨ vae rami yave, vecharaa tïi vae rami amotïasɨta;

ISAÍAS 29:23

echa taɨ reta oecha yave cherembiapo jae reta ipɨte pe, chemboete retata che Iyoambae ko, Jacob iñemuña reta ipɨte pe, jare oipoɨu retata chegüi, che jae ko Israel iTumpa.

ISAÍAS 41:21

YandeYa, Jacob iñemuña reta juvicha guasu jei: “Tumpa-raanga reta, peyu peyeepɨ, peyu peñemoë peyé.

ISAÍAS 5:16

YandeYa Imbaepuere yae ete vae oyembotuichaukata iporojäa rupi; Tumpa Iyoambae oechaukata iyoambae ko vae, jupi vae oyapogüe rupi.

ISAÍAS 8:12

“Agüɨye peenɨi ñemopüa, opaete kuae tëta guasu reta ombojee ñemopüa vae. Agüɨye pekɨɨye jae reta okɨɨye chugüi vae güi.

NÚMEROS 20:12

Jare yandeYa jei Moisés jare Aarón pe: —Mbaetɨ ramo perovia cheré, mbaetɨ chemboete Israel iñemuña reta jóvai, jáeramo, mbaetɨta pe reta peroike kuae tëta ɨvɨ che amee chupe retaa pe.

NÚMEROS 27:14

peyembopɨapochɨ cheporookuai kotɨ ñuu Zin pe jeko pegua, opaete vae reta oyemboarasɨ chekotɨ yave, pe reta mbaetɨ chemboete jae reta ɨ oeka yave. (Kuae ko jae ɨ yemboarasɨ pegua, Cades pe, ñuu Zin pe.)

Hechos 21:39

Jayave Pablo jei chupe: —Che ko jae metei judío tëta guasu Tarso ɨvɨ Cilicia pegua. Jae ko tëta guasu jërakua yae vae. Romoñera remaeño vaerä chemiari tëta guasu pegua reta pe.

Hechos 24:25

Ërei Pablo jei chupe kërai ikavi yayapo vaerä jupi vae, jare yayopia vaerä yanderete oipota vae güi, jare kërai Tumpa ojäata ɨvɨ pegua reta. Félix kuae oendu yave okɨɨye jare jei Pablo pe: —Ekuaño räri. Chepuere yave, toroenɨi ye kuri.

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.

Colosenses 1:27

Echa Tumpa ikɨ̈reɨ oikuaauka chupe reta kërai kuae yaikuaambae vae iyemboetea tuicha yae judiombae vae reta peguarä vae; jae ko Cristo oiko pepɨa pe vae, jese peäro mbaemboetea vae.

Colosenses 1:5

peäro peï reve Tumpa oñovatu ma peve ara pe vae ramo. Pe reta peikuaa kuae regua, ñee ikavi vae añete vae peendu yave.

Colosenses 4:6

Pemiari kavi ñee oporomboyerovia vae. Peikuaa kavi mbae pere vaerä oparandu vae pe.

Tito 1:2

jare oäro vaerä oyerovia reve tekove opambae vae. Echa Tumpa iyapumbae vae jókuae güɨrökuavee yandeve ndei ɨvɨ oyeapo mbove.

Hebreos 3:6

Ërei Cristo ko jae Tumpa Taɨ, jare jae ko opaete Tumpa jo iYa. Jare jökoraita ñaneräta ngatu jare yayerovia yave ñaäro ñaï vae re.

Hebreos 6:1

Jáeramo, yaeya mo yamboɨpɨ ramo yave yayemboe Cristo regua vae, yaja tenonde kotɨ yaikuaa kavi vaerä; agüɨye yamboɨpɨ pɨau ye tenonde yave yayemboe ma jese vae, jae ko peyepoepɨ pereko reta mano pegua güi vae re jare mborogüɨrovia ye Tumpa re vae,

1 Pedro 1:17

Jare Tumpa pe “cheRu” pere yave, peguata kavi opaete ara peikove peiko kuae ɨvɨ pe ramboeve; jae oporojäata opaete vae oyapo vae rupi.

1 Pedro 3:2

Oecha yave pereko reta jupi, jare peporomboete.

1 Pedro 3:4

jaeño tipöra peɨvɨte, pepɨa pe, oikomeguambae vae pe. Ñemomichi pe jare mbɨakatu pe, kuae ko ikavi yae Tumpa pe.

1 SAMUEL 12:7

Añave peyeapo katu, ayoakata pe reta ndive yandeYa jóvai, jae iporoparareko pekotɨ vae re jare peñemuñagüe reta kotɨ vae re.