1 Pedro 2:7 - Biblia Guarani Tumpa Iñee

⁷ Pe perovia jese vae reta peguarä ko jae ita ikavigüe; ërei mbaetɨ güɨrovia jese vae reta pe ko: “O iyapoa reta güɨröɨro ita vae, ou opɨta o ekina iguapɨkarä.”

Nuevo Testamento Guaraní Pe

⁷ Pe reta peaɨu, perovia jese rambue. Erei mbaeti güɨrovia jese vae reta pe tae cuae Tumpa iñee pe oyecuatía oi vae: Ita o iyapoa reta omombo vae oyeapo ma ita tenondegua vae.

1 Pedro 2:7 ပူးပေါင်းရင်းမြစ်များ

ISAÍAS 28:5

Jókuae ara yandeYa Imbaepuere yae ete vae oïta tëta imbae vae jembɨregüe reta peguarä äka-regua yemboete pegua rami, jare mbae imopöraka ikavi yae vae rami,

HAGEO 2:7

Jare amborɨrɨita opaete tëtaguasu reta, jare yogüeruta opaete tëtaguasu reta kuae kotɨ imbaeyekou reta ndive; amotɨnɨeta mbae ikavigüe pe kuae o, jei yandeYa Imbaepuere yae ete vae.

ZACARÍAS 4:7

¿Mbae pa nde ɨvɨtɨ? Zorobabel jóvai repɨtata ñuu ipe kavi vae rami; jae oekɨta tenondegua ita jeta vae isapúkai reve: ¡Ikavi yae ko! ¡Ikavi yae ko!’ ”

San Mateo 21:42

Jesús oparandu chupe reta: —¿Mbaetɨi pa pemongeta Tumpa Iñee? “O iyapoa reta güɨröɨro ita vae, ou opɨta o ekina iguapɨkarä. YandeYa ko oyapo kuae, yaecha ma, jare ñanemopɨakañɨ.”

San Lucas 2:32

Jae ko tembipe ramita judiombae vae reta pe. Jare ndembae vae Israel pegua reta iyemboetearä.”

San Lucas 2:34

Jare Simeón jei ñee kavi jese reta. Jayave jei ichɨ María pe: —Mase, kuae nemembɨ oïta jeta Israel pegua reta ogüɨapi vaerä jare opüa vaerä. Jare jeta vae reta güɨröɨrota.

San Lucas 20:17

Jayave Jesús omae ngatu jese reta jare jei: —¿Mbae pa oipota jei Tumpa Iñee pe oyekuatía oï vae: “O iyapoa reta güɨröɨro ita vae, ou opɨta o ekina iguapɨkarä”?

San Juan 4:42

Jayave jei reta kuña pe: —Mbaetɨ roporogüɨrovia nde rere oreve güiño, roporogüɨrovia ko ore etei roendu ramo, jare añave roikuaa kuae ko jae ɨvɨ pegua reta Omboasa vae, Cristo jee vae.

Hechos 26:19

Jáeramo, mburuvicha guasu Agripa, mbaetɨ cheäteɨ ayapo vaerä Tumpa oechauka cheve vae,

Romanos 10:21

Jare Isaías jei vi Israel pegua reta re körai: “Ara ñavo arökuavee tëi chepo tëta ipɨapochɨ jare iñeereendumbae vae pe.”

Romanos 15:31

jae chereepɨ vaerä ipɨapochɨ vae reta Judea pe ñogüɨnoi vae güi, jare Jerusalén pegua oporogüɨrovia vae reta omboresive vaerä oyerovia reve kuae arajata chupe reta vae re;

2 Corintios 2:16

Oporogüɨroviambae vae reta pe kuae mano pegua ko, ërei oporogüɨrovia vae reta pe tekove pegua ko. Jare ¿kia pa ipuere oyapo kuae?

Colosenses 2:10

jare pe reta penoi opaete mbaembae Cristo re, echa jae ko opaete mburuvicha reta ara pegua jare ɨvɨ pegua iñäka.

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

Hebreos 11:31

Iporogüɨrovia rupi kuña iyaguasa pota vae Rahab mbaetɨ okañɨtei oporogüɨroviambae reta ndive, Echa jae omboresive kavi Israel pegua temimondo oporopïaro vae reta.

Hebreos 4:11

Jáeramo, ñañemoäta ngatu yaike vaerä jókuae mbutuu pe, agüɨye vaerä oasa yande ndive jókuae iñeereendumbae vae reta rami.

1 Pedro 1:8

Yepe tëi mbaetɨ peecha Jesucristo, ërei peaɨu. Yepe tëi añave mbaetɨ peecha, ërei perovia jese, jare penoi yerovia tuichagüe yaupitɨ rapembae ñanemiari jese vae,

1 Pedro 2:4

Peyemboya yandeYa re, jae ko jókuae ita oikove vae, ɨvɨ pegua reta güɨröɨro jókuae ita. Ërei Tumpa peguarä ko oyeparavogüe jare ikavigüe.

1 Pedro 2:8

Jae ko metei ita pɨ̈sa-yeyuka pegua, ita oporopɨaka vae. Echa jae reta oyepɨaka reta Tumpa iñee oendúä ramo, jókuae ra oyembojee reta ramo.