1 Pedro 2:6 - Biblia Guarani Tumpa Iñee

⁶ Echa Tumpa Iñee jei vi: “Mase, ko añonota Sión pe metei ita, o ekina iguapɨka okúembae, ita oyeparavogüe, ikavi yae vae, jese güɨrovia vae ngaraa oñemomaraiuka.”

Nuevo Testamento Guaraní Pe

⁶ Echa Tumpa iñee pe oyecuatía oi corai: Mase —jei Tumpa—, añono Sion pe ita tenondegua vae. Che aiparavo jare aaɨu. Güɨrovia jese vae ngaraa etei jei: “Agüɨyeta tei arovia jese”. Jocorai oyecuatía oi.

1 Pedro 2:6 ပူးပေါင်းရင်းမြစ်များ

GÉNESIS 49:24

Ërei ngatu igüɨrapa omopɨ̈rata yae, iyɨva omomɨ̈rata yae. ¡Yasoropai Imbaepuere yae ete vae pe, Jacob iTumpa pe! ¡Yasoropai Oporoangareko vae pe, Israel iñepɨ̈roa pe!

SALMOS 40:14

Metei rami toñemomaraiuka reta, cheyuka vaerä chereeka vae reta, totekuarai reta chegüi, toñemomaraiuka reta, ikavimbaeño oipota cheve vae reta.

SALMOS 89:19

Jayave nemiari yepi nderembiokuai reta pe körai: “Aiparavo metei jëia yae vae, chembae vae reta ipɨte pe, ambotuicha yae jare amborɨ.

ISAÍAS 28:16

Jáeramo yandeYa jei: “Mase, ko añonota Sión pe metei ita, ita oyeparavogüe, ikavi yae vae, o ekina iguapɨka, o iguapɨka okúembae, jese güɨrovia vae toiko pɨagüive.

ISAÍAS 41:11

Mase, opaete jókuae nemotareɨ vae reta oñemomaraiukata jare oñemomichiukata opɨta; jókuae oñeraro ndekotɨ vae reta opaeteita okañɨtei.

ISAÍAS 42:1

“Mase, ko oï cherembiokuai, che ayangarekota jese vae; cherembiparavo, chepɨa oyerovia jese vae; jese añono cheEspíritu; jae güeruta jupi vae opaete tëtaguasu reta peguarä.

ISAÍAS 46:13

Che, aruta yereroasayepe; aruta ete ma, köi yae ma ou. Che ameeta yereroasayepe Sión pe, jare cheyemboete tëtaguasu Israel pe.

ISAÍAS 50:7

Echa, cheYa Tumpa ko chemborɨta, jáeramo, ngaraa ko chemara; jáeramo, amotäta cherova, ita rami, echa aikuaa ko ngaraa añemomaraiuka.

ISAÍAS 54:4

Agüɨye ekɨɨye, ngaraa reñemomaraiuka; agüɨye nemara, ngaraa ndekura vae. Neakañɨta ndetaɨrusu yave nemara vae güi, jare nememano yave nemara vae güi.

DANIEL 10:21

Añave amombeu kavita ndeve tembikuatía añetete vae pe oyekuatía oï vae: Jae reta ndive añeraro yave jaeño chemborɨ araɨgua Miguel, mburuvicha tenondegua ete ɨvɨ Israel pegua.

ZACARÍAS 10:4

Chugüi oëta ita o iguapɨka, etaka o guakapi pegua oñeapɨti jese vae jare güɨrapa ñeraro pegua, jare opaete mburuvicha.

San Mateo 12:18

“Mase, ko oï cherembiokuai, cherembiparavo. Cherembiaɨu. Chemboyerovia yae vae. Ameeta chupe cheEspíritu, jare jae omoërakuata jupigüe vae judiombae vae reta pe.

San Marcos 12:10

¿Mbaetɨ pa pemongeta Tumpa Iñee pe oyekuatía oï vae?: ‘O iyapoa reta güɨröɨro ita vae, ou opɨta o ekina iguapɨkarä.

San Lucas 20:17

Jayave Jesús omae ngatu jese reta jare jei: —¿Mbae pa oipota jei Tumpa Iñee pe oyekuatía oï vae: “O iyapoa reta güɨröɨro ita vae, ou opɨta o ekina iguapɨkarä”?

San Lucas 23:35

Jare opaete vae reta omae ñogüɨnoi Jesús re. Jare tëta guasu pegua reta itenondegua reta ave oyóyai Jesús, jei reve: —Jae oepɨ ïru vae reta. Toyeepɨ vi, jae ko Cristo, Tumpa jembiparavo yave.

San Juan 7:38

Cheré güɨrovia vae güi osɨrɨta jeta ɨ tekove pegua. Jökorai Tumpa Iñee pe oyekuatía oï.

Hechos 1:16

“Cherɨvɨ reta, jupi ko oyembopo vaerä Espíritu Santo jei David rupi Tumpa Iñee pe Judas re vae. Kërai Judas güɨraja kuimbae reta Jesús oïa pe oipɨɨuka vaerä.

Romanos 10:11

Echa Tumpa Iñee pe jei körai: “Opaete güɨrovia jese vae, ngaraa oñemomaraiuka.”

Efesios 1:4

jae yandeparavo jese ndei ɨvɨ oyeapo mbove, ñañeñono tee yaiko vaerä ikɨambae jae jóvai;

Efesios 2:20

pe reta ko o oñemopüa vae rami, jókuae temimondo reta jare ñeemombeúa reta ko ita o oñemopüa jese vae rami. Ërei Jesucristo etei ko jae ita o ekina iguapɨka.

2 Timoteo 3:16

Opaete Tumpa Iñee oyekuatía oï vae Tumpa ko omombeu, jare ikavi ko yandeve yaporomboe vaerä, yamboeta vaerä, yaporombosɨmbi vaerä, yaporomboe vaerä jupi vae re,

1 Pedro 2:4

Peyemboya yandeYa re, jae ko jókuae ita oikove vae, ɨvɨ pegua reta güɨröɨro jókuae ita. Ërei Tumpa peguarä ko oyeparavogüe jare ikavigüe.

1 Pedro 2:8

Jae ko metei ita pɨ̈sa-yeyuka pegua, ita oporopɨaka vae. Echa jae reta oyepɨaka reta Tumpa iñee oendúä ramo, jókuae ra oyembojee reta ramo.

2 Pedro 1:20

ërei peikuaa kavi, kërai Tumpa Iñee pe oñemoërakua vae ikuatiaa iyeugüi aeñoä ko oikuatía;

2 Pedro 3:16

Jare opaete jembikuatía pe omombeu jókuae re. Amo pe yavai yaikuaa vaerä, jare amogüe vae oikuaambae vae jare ipɨ̈ratambae iporogüɨrovia pe vae güɨrova, jaeramiño vi güɨrova ïru Tumpa Iñee jae reta aeño oñemokañɨtei vaerä.