1 Pedro 2:25 - Biblia Guarani Tumpa Iñee

²⁵ Echa opaete pe reta peropa yepi vecha reta jopa rami, ërei añave peyerova ye ma Oyangareko vae jare Omae peré vecha re rami vae kotɨ.

Nuevo Testamento Guaraní Pe

²⁵ Echa tenonde yave pe reta pepia Tumpa güi, vecha reta tape güi opia rami. Erei añave peyu ye ma oñangareco perecove re vae pe, vecha reta yogüeru ye iñangarecoa pe rami.

1 Pedro 2:25 ပူးပေါင်းရင်းမြစ်များ

SALMOS 119:176

Akañɨ aiko, vecha okañɨgüe rami, ¡eyu chereeka che nderembiokuai, echa mbaetɨ cheakañɨ ndeporookuai reta güi!

SALMOS 80:1

Eyeapɨsaka Israel iñemuña reta iyangarekoa, nde reyangareko José re vecha re oyeangareko rami vae, nde reiko araɨgua querubín reta iä ipäu pe vae,

ISAÍAS 13:14

Kuimbae reta, guasu oñemoñagüe ramita, ani vecha opa oñemoai moai vae mbaetɨ iyangarekoa vae ramita. Metei ñavo oyerova yeta jëtaguasu ae kotɨ, otekuaraita iɨvɨ ae kotɨ.

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

ISAÍAS 53:5

Ërei ngatu jae ipere ko, yandepɨapochɨ reta re, oiporara ko yandeyoa jeko pegua; jae oiporara mbɨakatu ñanoi vaerä, jare ipere rupi ko yakuera.

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

JEREMÍAS 23:2

Jáeramo körai jei yandeYa Israel iTumpa, cherëta re oyangareko vae reta pe: “Pe reta opa pemoai moai jare peiämondo chevecha reta jare mbaetɨ peyangareko jese. Mase, añave aiporaraukata peve perembiapo kavimbae re. Che ndeYa ko jae kuae.

EZEQUIEL 34:6

Opa jopa reta, oguata reta opaete ɨvɨtɨ reta ɨvate vae rupi; chevecha reta opa oñemoai opaete ɨvɨ rupi, jare mbaetɨ kia ojo oeka reta, ani oparandu yepe jese reta.

EZEQUIEL 37:24

Cherembiokuai David rami vae oikota jae reta juvicha guasurä, güɨnoi retata meteiño oyangareko jese reta vaerä; yogüɨreko retata cheporookuai reta rupi, oñovatuta jare oyapo retata.

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

San Mateo 18:12

Mase, metei kuimbae güɨnoi cien vecha, ërei metei vecha okañɨ yave, ¿ngaraa pa kuimbae oeya jókuae noventa y nueve ivecha reta, jare ojo ɨvɨtɨ guasu rupi oeka jókuae ivecha okañɨgüe vae?

San Mateo 9:36

Ërei oecha yave jeta vae, oiparareko omae jese reta. Echa jae reta iyangarekoambae jare opa oñemoai moai, vecha iyangarekoambae rami.

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

Hebreos 13:20

Tumpa mbɨakatu omee vae, yandeYa Jesucristo omoingove ye omanogüe reta ipɨte güi vae, vecha reta iyangarekoa tuichagüe vae, tugüɨ morogüɨrökuavee päve opambae vae pegua rupi vae,

Hebreos 3:1

Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

Hebreos 5:2

Jare ipɨaguasu vaerä oikuaambae reve iyoa vae pe jare ombaeyavɨ vae pe, echa jae etei vi ipɨ̈ratambae vae ko;

1 Pedro 3:20

Echa Noé oiko yave jae reta mbaetɨ güɨrovia Tumpa jei vae, yepe tëi Tumpa ipɨaguasu chupe reta jare oäro Noé jókuae barco guasu oyapo oiko ramboeve. Ërei juriño oasayepe ɨ güi.

1 Pedro 5:4

Jare Cristo oporogüɨrovia vae reta iyangarekoa reta Juvicha ou ye yave, omeeta peve äka-regua mbaemboete oikomeguambae vae.