1 Pedro 2:24 - Biblia Guarani Tumpa Iñee

²⁴ Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

Nuevo Testamento Guaraní Pe

²⁴ Cristo etei güɨraja ñanembaeyoa reta jete ae re jocuae curusu re, ñande ñamano vaera mbaeyoa reta güi jare yaico vaera jupi vae re. Jae omano rambue, ñande ñanoi tecove opa mbae vae.

1 Pedro 2:24 ပူးပေါင်းရင်းမြစ်များ

GÉNESIS 22:6

Javoi Abraham oupi yepea mɨmba oyeyukagüe opaetei oyeapɨ vae oapɨ pɨpe vaerä vae jare oñono taɨ Isaac iyatiɨ re, jare jae güɨraja ipo pe tata jare kɨse; jare opa yogüɨraja reta.

SALMOS 147:3

Jae ombopɨakatu ipɨatɨtɨ vae reta, jare oipoano ipere reta.

SALMOS 38:4

Echa jupimbae ayapogüe reta aiporara; ipoɨ yae vae rami, mbaetɨ chepuere aropɨa.

ÉXODO 28:38

Jare toï Aarón jesɨva re, jare Israel iñemuña reta oyapo yave mbaepɨ̈chɨi ani omee reta yave mbota, jae togüɨraja opaete mbaembae oñeñono teea pe, jare togüɨnoi jesɨva re jekuae avei pegua, chepɨakatu vaerä amae jese oike yave che peYa aïa pe.

PROVERBIOS 20:30

Ñenupa moa ko, jeko kavimbae reta peguarä; ñenupa rupi oyepoepɨ jeko kavimbae.

ISAÍAS 53:11

Oechata oiporaragüe jekovia, jare ipɨakatuta opɨta; cherembiokuai jupi vae iyarakuaa katu rupi ombojupita jeta vae, güɨrajata jae reta iyoa.

LEVÍTICO 16:22

Jökorai jókuae kavara kuimbae togüɨraja iyé opaete mbae ikavimbae vae jae reta oyapogüe ɨvɨ ipombaea kotɨ.

LEVÍTICO 22:9

Toñovatu reta ipɨa pe cheporookuai, agüɨye tiyoa topɨta kuae reta re, echa omano retata ko omboeteä yave. Che ko peYa poñono tee vae.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

NÚMEROS 18:22

Jare agüɨye ye mo toya Israel iñemuña reta tupao guakapi pegua re, agüɨye vaerä iyoa reta jare omano.

NÚMEROS 7:15

jare metei toro taɨrusu vae, metei vecha kuimbae, metei vecha kuimbae taɨrusu vae metei año vae, mɨmba oyeyuka opaetei oyeapɨ vaerä vae;

San Mateo 27:26

Jayave Pilato oyorauka chupe reta Barrabás. Jare oinupauka güire Jesús chikote pe, omboeterenga oyekutuuka vaerä kurusu re.

San Mateo 5:20

Echa che jae peve, mbaetɨ peyapɨraa peyapo jupi yae vae, mborookuai re oporomboe vae reta jare fariseo reta oyapo vae güi yave, ngaraa etei peike araɨgua mborookuaía pe.

San Mateo 8:17

Oyembopo vaerä ñeemombeúa Isaías jei vae. Echa jei: “Jae etei güɨraja yandembaerasɨ reta.”

San Marcos 15:15

Jayave Pilato oyorauka chupe reta Barrabás, oipota ombopɨakatu reta ramo. Jare Pilato oinupauka güire Jesús chikote pe, omboeterenga oyekutuuka vaerä kurusu re.

San Lucas 4:18

“YandeYa iEspíritu oï cheré, echa cheparavo amombeu vaerä ñee ikavi vae iparavete vae reta pe. Chembou ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare amomae vaerä jesambae reta. Chembou vi ayora vaerä yogüɨrekoasɨ katu vae reta.

San Juan 1:29

Pɨareve pe Juan oecha Jesús ou ikotɨ jare jei: “Mase, kuae ko jae Tumpa iVecha kuimbae taɨrusu vae. Omboai opaete ɨvɨ pegua reta iyoa vae.

San Juan 19:1

Jayave Pilato oinupauka Jesús chikote pe.

Hechos 10:35

Echa oipotagüe tëtaguasu pegua omboete Tumpa vae jare jupigüe oyapo vae ikavi ko chupe.

Hechos 10:39

Jare ore romombeu ïru vae reta pe opaete Jesús oyapo Judea rupi jare Jerusalén pe vae. Jókuae judío reta oikutuuka kurusu re vae.

Hechos 13:29

Jare jae reta opa ma oyapo chupe opaete jese oyekuatía oï vae yave, ombogüeyɨuka reta kurusu güi, jare oñonouka tɨvɨa pe.

Hechos 5:30

Ñaneñemuñagüe reta iTumpa omoingove ye Jesús, pe reta peikutu kurusu re peyuka vae.

Romanos 6:11

Jaeramiño vi pe reta, perovia vi pemano ma ko mbaeyoa güi, ërei peikove ko Tumpa peguarä yandeYa Cristo Jesús rupi.

Romanos 6:13

agüɨye ave vi pemee perete mbaeyoa jembiporurä ikavimbae vae peguarä. Ërei peñemee pe etei Tumpa pe, omanogüe tekove ipɨau vae güɨnoi vae rami, jare pemee perete Tumpa jembiporurä jupi vae peguarä.

Romanos 6:16

¿Mbaetɨ pa peikuaa peñemee yave kia jembiokuairä, jókuae ipo pe ko peï vae? Jökorai ko mbaeyoa ipo peï, mano peguarä ani Tumpa jei vae re peï yave, peyembojupi vaerä.

Romanos 6:2

¡Mbaetɨ ko! Echa yande ñamano ma mbaeyoa güi vae, ¿këraita pa jekuaeño yaiko mbaeyoa pe?,

Romanos 6:22

Ërei añave peyeyora ma mbaeyoa güi jare peyeapouka ma Tumpa jembiokuai retarä ramo, peñeñono teeuka ma jare iyapɨ ete pe penoita tekove opambae vae.

Romanos 6:7

Echa omano ma vae re, mbaeyoa mbaetɨ ma güɨnoi mbaepuere jese.

Romanos 7:6

Ërei añave yayeyora ma mborookuai güi, ñamano ma jókuae yayeokuaise chupe vae güi ramo, yandepuere yayeokuai ipɨau vae Espíritu pegua pe, jare agüɨye mo yayeokuai mborookuai indechi vae jei vae pe.

1 Corintios 15:3

Echa tenonde ete pomboe, che amboresivegüe, jae ko: Cristo omano yandeyoa reta re Tumpa Iñee pe jei rami;

2 Corintios 6:17

Jáeramo jae jei vi peve körai: “Peë jae reta ipɨte güi, pesɨrɨ, jei yandeYa. Agüɨye peyavɨkɨ mbae ikɨa Tumpa jóvai vae. Jare che pomboresiveta.

Gálatas 3:13

Ërei Cristo yandereepɨ ma mborookuai iyepopeyu güi, echa jae oyemboekouka yanderekovia pe. Echa oyekuatía oï körai: “Tijeko ɨvɨra re osagüɨu omano vae.”

Efesios 5:9

Echa Espíritu omee yandeve vae ko mbɨakavi, mbaejupi jare añete vae.

Filipenses 1:11

ayerure jekuaeño peyapo vaerä mbaembae ikavi vae jupi vae pegua Jesucristo rupi, Tumpa oyemboeteuka vaerä.

Colosenses 2:14

Tumpa omboai ma mborookuai oyekuatía oï yandekotɨ vae, oyovaicho yepi yanderé vae, ërei Tumpa oekɨ güɨraja oikutu kurusu re,

Colosenses 2:20

Pe reta pemano ko Cristo ndive mboromboe ɨvɨ pegua reta güi. Jáeramo ¿maera pa jekuaeño peiko jare peyapo ɨvɨ pegua mborookuai reta?

Colosenses 3:3

Echa pemano ma ko, jare perekove oime ma oï Cristo ndive Tumpa re.

Hebreos 10:10

Jökorai Jesucristo omee jete metei veseño jekuae avei pegua. Jókuae jemimbota rupi Tumpa ñaneñono tee iyeupeguarä.

Hebreos 10:5

Jáeramo Cristo ou yave kuae ɨvɨ pe, jei Tumpa pe körai: “Mɨmba oyeyukagüe jare mbota mbaetɨ reipota; reyapo chereterä.

Hebreos 12:13

Peyapo kavi pepɨ japerä, agüɨye vaerä pepia tape güi, jaeño pekuera.

Hebreos 7:26

Echa kuae nunga sacerdote tenondegua ete ko ikavi yandeve; echa jae ko jupi vae, jekombae vae, ikɨambae vae, oyembosɨrɨ iyoa vae reta güi vae tuichagüe yae vae;

Hebreos 9:28

Jökoraiño vi Cristo metei veseño güɨrökuavee jekove mano pe, güɨraja vaerä jeta vae reta iyoa. Jare ou ye yave mbaetɨta ma ou omboasa vaerä iyoa vae reta, outa güɨraja vaerä jese oäro vae reta.

Santiago 5:16

Peyoa yave oyokotɨ, pemombeu oyoupe, javoi peyerure oyoe, Tumpa pembogüera vaerä. Jupi vae iyerure opaete ipɨa reve vae, güɨnoi mbaepuere.

1 Juan 2:29

Peikuaa Tumpa ko jae jupi vae yave, peikuaa vi kërai Tumpa omee ma tekove opambae vae opaete jupi vae oyapo vae reta pe.

1 Juan 3:7

Cheraɨ aaɨu vae reta, agüɨye kia tapembotavɨ. Jupi vae oyapo vae, jupi ko, Jesucristo jupi rami.

Apocalipsis 22:2

Jare tëta guasu ikaye mbɨte pe, ɨ̈aka jovaicho icho pe oï ɨvɨra tekove pegua. Jókuae ɨvɨra ia doce. Yasɨ ñavo ia. Jare ɨvɨra jogüe ikavi tëtaguasu reta oñepoano vaerä.