1 Pedro 2:23 - Biblia Guarani Tumpa Iñee

²³ Yepe tëi ïru vae reta jei ikavimbae vae ikotɨ, ërei jae mbaetɨ omboyevɨ ñee ikavimbae vae ikotɨ reta. Oiporara oï yave, mbaetɨ jei oiporaraukata ko chupe reta vae. Jaeño oñono Tumpa oporojäa jupi rupi vae ipo pe.

Nuevo Testamento Guaraní Pe

²³ Yepe tei iru vae reta jei icavi mbae vae icotɨ, erei Cristo mbaeti jei icavi mbae vae icotɨ reta. Oiporara oi yave, mbaeti jei oiporaraucata co oiporarauca chupe vae reta pe. Jaeño oñemee Tumpa pe. Echa oicuaa Tumpa oporojaa jupi vae rupi.

1 Pedro 2:23 ပူးပေါင်းရင်းမြစ်များ

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

SALMOS 10:14

Nde reecha ko; echa remae jembiapo re jare iyuvanga katu re, ¡nde etei remee vaerä chupe jembiapo jekovia! Nderé oyemboya iyangarekoambae oiko vae. Nde ko jae tɨ̈reɨ omborɨ vae.

SALMOS 31:5

Añono cherekove ndepo pe, ¡nde chereepɨ cheYa, Tumpa añete vae!

SALMOS 37:5

Eñeñono yandeYa ipo pe, eyeko jese, jare jae ndemborɨta ko.

SALMOS 7:11

Tumpa ko mburuvicha jupi rupi oporojäa vae, Tumpa iyarasɨ oï iyoa vae kotɨ ara ñavo.

SALMOS 96:13

jókuae yandeYa ou oï vae jenonde! ¡Jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare añete vae rupi tëta reta kuae ɨvɨ pegua!

ISAÍAS 53:7

Oiporara jare ipɨatɨtɨ jae, mbaetɨ etei iñee omoë; vecha kuimbae oyereraja mbaeyukaa pe rami; jare vecha mbaetɨ jäse iñapía reta ipo pe rami, kïrii ngatu, mbaetɨ etei iñee omoë.

San Lucas 23:41

Jupi ko yande ñamano vaerä. Echa yande ñamanota ñaï ikavimbae vae yayapo jeko pegua. Ërei kuae kuimbae mbaetɨ etei oyapo mbae ikavimbae.

San Lucas 23:46

Jayave Jesús täta osapúkai, jei: —CheRu, añono cherekove ndepo pe. Jare kuae jei ma yave, omano.

San Lucas 23:9

Jayave Herodes oparandu Jesús pe jeta mbaembae re, ërei Jesús mbaetɨ etei jei mbae ave chupe.

Hechos 17:31

Echa jae oiparavo ma metei ara ojäauka vaerä jupi rupi ɨvɨ pegua reta, jókuae kuimbae jae oiparavo vae rupi. Jare jókuae oechauka opaete ɨvɨ pegua reta pe, jae omoingove ye yave omanogüe reta ipɨte güi.”

Hechos 4:29

Añave, oreYa, emae oremomburu reve oreokuai vae reta re. Emee nderembiokuai reta pe okɨɨyembae reve imiari vaerä neñee re.

Hechos 7:59

Jare oyapi reta ramboeve, Esteban oyerure jei: “CheYa Jesús, eraja cherekove.”

Hechos 9:1

Jare Saulo omomburu oyuka vaerä yandeYa re güɨrovia vae reta, jáeramo ojo sacerdote tenondegua ete oïa pe.

Romanos 2:5

Ërei ndepɨatäta jare mbaetɨ reeya ikavimbae vae ndepɨa pe oï vae rupi, remboatɨ ndeyeupe aeño Tumpa iyarasɨ, jae iporojäa jupi rupi vae iara oyekuaa yave.

Efesios 6:9

Jare pe mbaravɨkɨ iya reta peyapo jupi vae perembiokuai reta pe, agüɨye “ronupata” pere chupe reta. Echa peikuaa jae reta iYa jare peYa ara pe oï vae, mbaetɨ ko oporomboyoavɨ.

2 Tesalonicenses 1:5

Kuae oechauka kërai Tumpa iporojäa jupi vae ko, jökorai jupi ko pe reta peike vaerä jae iporookuaía pe. Jókuae re ko añave peiporara peï.

2 Timoteo 1:12

Jáeramo aiporara aï. Ërei mbaetɨ chemara, echa aikuaa kia re arovia vae, jare aikuaa vi jae imbaepuere yae ko oñovatu vaerä cheve che amee ipo pe vae, jókuae ara ou oväe regua.

2 Timoteo 4:8

Jare añave oñeovatu ma oï cheve metei äka-regua jupi vae pegua. YandeYa oporojäa vae jupi vae, omeeta cheve metei äka-regua jókuae ara; ërei mbaetɨ cheveño, omeeta vi opaete oaɨu iväea iara vae reta pe.

Hebreos 12:3

Peyemongeta Jesús re, kërai iyoa vae reta ikavimbae vae jei yave ikotɨ, oiporara yae, agüɨye vaerä pepɨtu pegüɨapi regua.

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

1 Pedro 4:19

Jáeramo Tumpa jemimbota rupi oiporara vae reta jekuaeño toñeñono Iyapoa jupi vae ipo pe, jare toyapo ikavi vae.

Apocalipsis 19:11

Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.