1 Pedro 2:21 - Biblia Guarani Tumpa Iñee

²¹ Echa kuaerä Tumpa peparavo. Echa Cristo oiporara yanderé; oeya yandeve yayapo vaerä jae oyapo rami;

Nuevo Testamento Guaraní Pe

²¹ Echa cuaera Tumpa peparavo. Echa Cristo oiporara peré, pe reta peyapo vaera jae oyapo rami.

1 Pedro 2:21 ပူးပေါင်းရင်းမြစ်များ

SALMOS 85:13

Mbaejupi ojota jae jenonde, jare oyapo kavita yanderaperä.

San Mateo 10:38

jare kia nunga vae mbaetɨ ovoɨ ikurusu ojo vaerä cherupíe vae, ngaraa ipuere oiko cheremimboerä.

San Mateo 11:29

Peiko cheré, jare peyemboe che añemomichi ko vae re. Jare peväeta perekove oputuu vaerä.

San Mateo 16:24

Jayave Jesús jei jemimboe reta pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tou cherupíe.

San Lucas 24:26

¿Mbaetɨ yera peikuaa Cristo oiporara tai ko opaete kuae mbaembae ndei oyemboeteuka mbove?

San Juan 13:15

Echa che kuae aechauka peve, pe reta vi peyapo vaerä che ayapo peve rami.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

Hechos 14:22

Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

Hechos 17:3

oechauka jare oikuaauka kavi reve Tumpa Iñee rupi, kërai Cristo oiporara ñotai ko jare oikove ye ñotai ko omanogüe reta ipɨte güi vae. Jei: —Kuae Jesús, che amoërakua peve vae ko jae Cristo.

Hechos 9:16

Che aikuaaukata chupe kërai oiporara yaeta chereko pegua.”

Romanos 8:29

iyɨpɨ güive oikuaa vae reta. Jókuae reta oiparavo vi yogüɨreko reta vaerä Taɨ rami; Jae oiko vaerä opaete Tumpa taɨ reta ipɨte pe tenondegua eterä.

1 Corintios 11:1

Peiko che aiko rami. Che Cristo oyapo vae ayapo rami.

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

Filipenses 2:5

Peyemongeta oyokotɨ, Cristo Jesús oyemongeta rami.

1 Tesalonicenses 3:3

agüɨye vaerä metei ave ipɨatɨtɨ kuae tembiporara jeko pegua. Echa pe reta etei peikuaa ko jaerä etei ko ñaï.

1 Tesalonicenses 4:2

Echa pe reta peikuaa mborookuai reta romombeu peve yandeYa Jesús oreokuai vae.

2 Timoteo 3:12

Jare opaete Cristo Jesús re oipota oiko jupi rupi vae oiporara yaeta ko;

Hebreos 2:10

Tumpa opaete mbaembae iyapoa, jese oï opaete mbaembae vae pe ikavi jeta ɨvɨ pegua reta oyeapo vaerä taɨ retarä, jáeramo, omee oiporara vaerä Jesús jare oupitɨ oporomboasa vaerä.

1 Pedro 1:20

Tumpa ombojee ñomai ndei ɨvɨ oyeapo mbove Cristo kuae ra, ërei kuae ara taɨkuegua reta pe ramo oyekuaa peraɨu jeko pegua.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

1 Pedro 4:1

Echa Cristo oiporara kuae ɨvɨ pe yanderé. Jáeramo pe reta peïndaivi vi peiporara vaerä. Echa oiporara vae, oyembosɨrɨ ko mbaeyoa güi,

1 Pedro 4:13

Ërei peiporara peï yave peyerovia, echa peikuaa peiporara ko peï Cristo oiporara rami, peyerovia yae vaerä jae iyemboetea oyekuaa yave.

1 Juan 2:6

Oime yave kia “che ko jae Cristo imbae”, jei vae, toiko kavi jae oiko rami.

1 Juan 3:16

Kuae re yaikuaa kërai ko mboroaɨu vae, echa Jesucristo omano yanderé. Jaeramiño vi ikavi ko yande ñamee yanderekove ïru oporogüɨrovia vae reta re.

Apocalipsis 12:11

Jare yanderɨvɨ reta omoamɨri Satanás Vecha kuimbae taɨrusu vae jugüɨ rupi jare Tumpa iñee omoërakua reta vae rupi, ërei jae reta mbaetɨ güɨrokɨɨye jekove, mbaetɨ etei okɨɨye reta omano regua.