1 Pedro 2:2 - Biblia Guarani Tumpa Iñee

² Peyúe neche oyeambae vae ara pegua, michia oa ramo vae ikambúe rami, jókuae rupi pekuakuaa vaerä jare penoi vaerä yemboasa,

Nuevo Testamento Guaraní Pe

² Michia oa ramo vae reta jou neche jare jocorai ipɨrata. Jae ramiño vi pequɨreɨ reve peñemboe Tumpa iñee re pepɨrata vaera peporogüɨrovia re.

1 Pedro 2:2 ပူးပေါင်းရင်းမြစ်များ

2 SAMUEL 23:5

Jáeramo, cheñemuña reta täta ko ñogüɨnoi Tumpa re, echa jae oyapo ko che ndive morogüɨrökuavee päve jekuae avei pegua. Jupi rupi oyeapo jare oyembopo vaerä mbaembae. Jae ko omee aporomoamɨri, jare ombopo cheve opaete chepɨa jemimbota.

JOB 17:9

Jupi vae reta ojota tenonde, ikavi oyapo vae oñemoïruta ipɨ̈rata.

PROVERBIOS 4:18

Ërei jupi vae reta jape köembipe rami ko: Köe jembipe ojo oiko köe kavi regua rami.

OSEAS 14:5

Aïta Israel pe ɨsápɨi rami, jae reta ipotɨta tüpa-ɨpɨ rami. Japo reta mombɨrɨ ojota ɨvɨtɨ Líbano rami;

OSEAS 14:7

Israel yogüɨreko yeta cheporoangareko rupi; jayave okuakuaata trigo rami, ipotɨ retata uva ipotɨ rami, ipiche kavita ɨvɨtɨ Líbano pegua vino rami.

OSEAS 6:3

¡Ñañemoäta ngatu yaeka yaikuaa vaerä yandeYa! Köembipe ou ñotai vae rami outa yandekotɨ, jare ama ou ñotai vae rami outa yandekotɨ, ama taɨkue ete ani tenonde ete okɨ ɨvɨ re vae rami.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

San Mateo 18:3

Jare jei: —Añete che jae peve, mbaetɨ yave peyeapo jare peiko michia reta rami, ngaraa peike araɨgua mborookuaía pe.

San Mateo 19:14

Ërei Jesús jei: —Pemaeño michia reta re yogüeru vaerä chekotɨ. Agüɨye peyopia. Echa, kuae rami vae reta ko yogüɨreko araɨgua mborookuaía pe.

San Marcos 10:15

Añete che jae peve, mbaetɨ yave pemboresive Tumpa iporookuaía metei michia rami, ngaraa peike Tumpa iporookuaía pe.

San Lucas 18:17

Añete che jae peve, mbaetɨ yave pemboresive Tumpa iporookuaía metei michia rami, ngaraa peike Tumpa iporookuaía pe.

Romanos 6:4

Echa bautismo rupi, ñañeotɨuka Cristo ndive imano pe, jare Cristo oikove ye omanogüe reta ipɨte güi Tumpa imbaepuere pe rami, jökorai vi yande yaikove tekove ipɨau vae pe.

1 Corintios 14:20

Cherɨvɨ reta, agüɨye peyemongeta michia reta rami. Jaeño peiko michia rami ikavimbae oikuaambae rami. Ërei peyemongeta pe, okuakuaagüe oyemongeta rami.

Efesios 2:21

Jese ko o okuakuaa ojo oiko, oyeapo vaerä metei tupao oñeñono tee vae yandeYa pe.

Efesios 4:15

Ërei jekuaeño yaiko añete vae rupi mboroaɨu reve, yakuakuaa vaerä Cristo oipota rami, jae ko oporogüɨrovia vae reta iñäka.

2 Tesalonicenses 1:3

Cherɨvɨ reta, jupi ko romee avei vaerä yasoropai Tumpa pe peré, echa peporogüɨrovia okuakuaa avei ojo oiko, jare peporoaɨu jeiete okuakuaa vi oyokotɨ.

1 Pedro 1:23

Echa penoi ma tekove ipɨau vae, kuae nunga tekove mbaetɨ ou peru jare pesɨ güi. Penoi ko kuae tekove ipɨau vae Tumpa oikove jare iñee oiko jekuae avei vae rupi.

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!