1 Pedro 2:15 - Biblia Guarani Tumpa Iñee

¹⁵ Echa Tumpa jemimbota jae ko ikavi vae peyapo vae rupi pemokïrii iyarakuaambae vae reta.

Nuevo Testamento Guaraní Pe

¹⁵ Mbaeti iyaracuaa vae reta jei icavi mbae vae pecotɨ, mbaeti pecuaa rambue. Jae rambue peyapo icavi vae agüɨye vaera ipuere reta jei jocorai. Echa cuae co jae Tumpa jemimbota.

1 Pedro 2:15 ပူးပေါင်းရင်းမြစ်များ

JOB 2:10

Jayave jae jei chupe: —Oipotagüe kuña iyarakuaambae reta rami neñee. ¿Kërai pa? ¿Ikavi vaeño pa ñanoita Tumpa güi jare mbaesusere mbaetɨta pa? Opaete kuaekuae rupi, Job mbaetɨ iyoa iñee rupi ave.

JOB 5:16

Jeseño paravete vae reta oyeko, ¡jae oyokenda jeko pɨ̈chɨi vae reta iyuru!

SALMOS 107:42

Kuae oecha kuimbae jupi vae reta jare oyerovia, ërei opaete jeko kavimbae reta kïrii opɨta.

SALMOS 5:5

Ipɨayemboete vae reta ngaraa yogüɨreko nderesa róvai; reröɨro opaete mbaeyoa oyapo vae reta.

PROVERBIOS 9:6

Peeya mo ïkotɨa pearakuaambae, jare peikoveta; peiko mo arakuaa katu rupi.”

JEREMÍAS 4:22

YandeYa jei: “Tëta chembae vae yarakuaambae ko, mbaetɨ chekuaa. Jae ko cheraɨ reta oyemongetambae, mbaetɨ omae reta iyeupe vae; ikavimbae oyapo vaerä yarakuaa katu yae, ërei ikavi vae oyapo vaerä, mbaetɨ.”

San Mateo 25:2

Jare pandepo jókuae kuñatai reta güi iyarakuaa, jare ïru pandepo vae reta mbaetɨ iyarakuaa.

San Mateo 7:26

Ërei oime kia oyeapɨsaka cheré vae mbaetɨ oyapo che jae chupe oyapo vaerä vae yave, tambojaanga metei kuimbae iyarakuaambae vae omopüa jorä ɨvɨkuitï re vae re.

Romanos 1:21

Oikuaa reta tëi Tumpa, ërei jeseve mbaetɨ omboete. Omeeä vi yasoropai chupe. Ërei ipɨa pe oyemongeta reta iyarakuaambae rami, jare iyemongeta reta opa oyembopɨtumimbi.

Gálatas 3:1

Galaciaɨgua reta, iyarakuaambae reta. ¿Kia pa pembotavɨ kavi yae, agüɨye vaerä perovia añete vae? Echa roechauka kavi yae ma peve, kërai Jesucristo oyekutu kurusu re vae.

DEUTERONOMIO 32:6

¿Jökorai pa pemboekovia yandeYa pe? Tëta imbokere jare mbaetɨ arakuaa güɨnoi vae. ¿Jaeä pa peRu peapoa? ¡Jae ko peapo jare omee peiko vaerä!

1 Tesalonicenses 4:3

Echa Tumpa jemimbota ko peñeñono tee vaerä chupeguarä. Peyembosɨrɨ vaerä aguasa güi;

1 Tesalonicenses 5:18

Pemee avei yasoropai Tumpa pe oipotagüe mbae re, echa kuae ko jae jemimbota perovia Cristo Jesús re vae reta pe.

1 Timoteo 1:13

yepe tëi tenonde yave che jae mbae ikavimbae vae yandeYa kotɨ, ayapo ikavimbae vae yandeYa re güɨrovia vae reta pe, jare chereko pochɨ ikotɨ. Ërei yandeYa cheparareko, echa ayapo mbaetɨ aikuaa ramo jare mbaetɨ aporogüɨrovia ramo.

Tito 2:8

eiporu ñee reta ikavi vae, agüɨye vaerä kia ndemboeko rere vae re, oyovaicho ndekotɨ vae imara vaerä, agüɨye vaerä jei mbae ikavimbae vae ndekotɨ.

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

1 Pedro 2:12

Peechauka kavi pereko oporogüɨroviambae vae reta ipɨte pe. Iñeenguru pekotɨ ikavimbae peyapo vaeecha vae reta, oecha perembiapo ikavi vae yave, omboete retata Tumpa, iporojäa iara pe.

1 Pedro 3:16

peyemongeta ikavi rupi, iñeenguru pekotɨ ikavimbae peyapo vaeecha vae reta, imara vaerä peangao perembiapo kavi Cristo re vae reta.

1 Pedro 3:17

Echa ikavi ko peiporara ikavi vae peyapo reve, Tumpa oipota yave, ikavimbae peyapo vae re peiporara vae güi.

1 Pedro 4:2

agüɨye vaerä ma oikove oiko ramboeve oiko kuimbae reta rami isoo jemimbota rupi, jaeño Tumpa jemimbota rupi.

2 Pedro 2:12

Ërei jókuae jupimbae vae oyapo vae reta jei ikavimbae vae oikuaambae vae kotɨ. Jae reta ko mɨmba reta iyarakuaambae reta rami jókuae oyepɨɨ jare oyeyuka vaerä rami. Jökorai okañɨtei retata.

Judas 1:10

Ërei mboromboe añetembae re oporomboe vae reta jei ñee ikavimbae vae oikuaambae vae kotɨ. Jae reta mɨmba reta oikuaa ramiño ko oikuaa. Echa yogüɨreko jei vae reño.