1 Pedro 2:12 - Biblia Guarani Tumpa Iñee

¹² Peechauka kavi pereko oporogüɨroviambae vae reta ipɨte pe. Iñeenguru pekotɨ ikavimbae peyapo vaeecha vae reta, oecha perembiapo ikavi vae yave, omboete retata Tumpa, iporojäa iara pe.

Nuevo Testamento Guaraní Pe

¹² Peyapo icavi vae oporogüɨrovia mbae vae reta ipɨte pe. Echa jocorai peyapo yave, yepe tei jae reta jei icavi mbae vae pecotɨ, erei oechata icavi vae peyapo vae, jare jocuae jeco pegua omboete retata Tumpa, ou ovae yave ara Tumpa ojaa reta vaera.

1 Pedro 2:12 ပူးပေါင်းရင်းမြစ်များ

SALMOS 37:14

Iyoa vae reta güɨnoe ikɨsepuku jɨru güi jare omoata igüɨrapa, oyuka vaerä paravete vae jare mbae oata chupe vae, ¡oyuka vaerä jeko kavi vae reta!

SALMOS 50:23

mbaemboete omee cheve vae, chemboete ko. Jupi rupi kavi oiko vae pe, aechaukata cheporogüɨroasayepe.”

ISAÍAS 10:3

¿Mbae pa peyapota ou yave oväe ara peiporara vaerä opaete kuaekuae re? ¿Kia re pa peyekota pemborɨ vaerä, ou yave matɨ güi oiporarauka vaerä peve vae? ¿Kia pe pa peeyata pembaeyekou reta?

DANIEL 6:4

Jayave ɨvɨ ruvicha reta jare ɨvɨ iyangarekoa reta oeka tëi kërai omboeko vaerä Daniel iparavɨkɨ rupi; ërei ngatu mbaetɨ ipuere reta oväe mbae nunga teko ani mbaeyavɨ jese, echa jae ko jupi yae; mbaetɨ etei mbae imomora ani mbaeyavɨ oñeväe jese.

San Mateo 10:25

Jaekaviño ko oyemboe, imboea ramiño. Jare jaekaviño vi ko tembiokuai, iya ramiño. Metei o pe tenondegua vae pe ‘Beelzebú’ jei vae yave, vɨtei pa taɨ reta pe.

San Mateo 5:11

Peyeroviaño, chereko pegua ïru vae reta jei ikavimbae peve yave, jare oiporarauka peve jare jei oipotagüe ikavimbae iyapu reve pekotɨ yave.

San Mateo 5:16

Jökorai toyekuaa pereko kavi reta ïru vae reta jóvai, oikuaa reta vaerä peyapo ko ikavi vae. Jökorai omboete reta vaerä peRu ara pe oï vae.

San Mateo 9:8

Ërei jeta joko pe ñogüɨnoi vae reta oecha yave ipɨakañɨ, jare omboete reta Tumpa, mbaepuere tuicha vae omee kuimbae reta peguarä Jesús rupi.

San Lucas 1:68

“Toyemboeteuka yandeYa Israel iTumpa, echa jae ou omborɨ jare oepɨ tëta imbae.

San Lucas 19:44

Jare jae reta opata ndembosururu jare oyukata opaete ndepɨpe yogüɨreko vae reta. Ngaraa oeya reta metei ita ïru ita iárambo, mbaetɨ ramo reikuaa Tumpa ou tëi ndemborɨ vae.”

San Lucas 6:22

Peyerovia ïru vae reta pemotareɨ yave, pembosɨrɨ iyeugüi yave, jare jei ikavimbae peve ani peägüe pe, che Kuimbaerä ayeapo vae jeko pegua yave.

San Juan 13:31

Jare Judas oë ma yave, Jesús jei: —Che Kuimbaerä ayeapo vae, añave ɨvɨ pegua reta chemboeteta, jare omboeteta vi Tumpa cherupi.

Hechos 15:14

Simón omombeu ma yandeve kërai Tumpa jaeramo etei ou judiombae vae reta pɨri, oiparavo vaerä chugüi reta amogüe tëta jae imbaerä.

Hechos 24:13

Ërei mbaetɨ ipuere oechauka reta añete vae ndeve cheregua chemboeko vaerä.

Hechos 25:7

Jare Pablo ou ma yave, judío Jerusalén güi yogüeru vae reta oyemboya Pablo re jare omboeko jeta mbae ikavimbae yae vae re. Ërei mbaetɨ ipuere oechauka reta teko añete vae jesegua.

Hechos 28:22

Ërei roipota roikuaa ndegüi etei mbae ra reyemongeta vae. Echa roikuaa opaete rupi jërakua ikaviä ko kuae mboromboe.

Romanos 12:17

Ikavimbae vae oyapo peve vae pe, agüɨye pemboekovia ikavimbae vae pe. Peeka peyapo ikavi vaeño opaete vae jovake.

Romanos 13:13

Yaiko kavi, tembipe pe yogüɨreko vae reta rami. Agüɨye yandearete avei jare yasavaɨpo. Agüɨye ñamomora soo jemimbota ani ñanekuña pota ani kuña imbɨa pota yae. Agüɨye yanderovaicho pota jare yandeakatúä ïru vae re.

Romanos 14:18

Echa körai oyeokuai Cristo pe vae, omboyerovia ko Tumpa, jare kuimbae reta güɨrovia katu.

Romanos 15:9

judiombae vae reta omboete vaerä vi Tumpa, jae iporoparareko re, Tumpaa Iñee oyekuatía oï rami: “Jáeramo, che toromboete judiombae vae reta ipɨte pe. Tatairari ndeve.”

1 Corintios 14:25

jökorai oyekuaata chupe opaete ipɨa pe oï vae, jare oyetavatɨkata omboete reve Tumpa, jare jeita kërai añetete Tumpa oiko pepɨte pe.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

2 Corintios 13:7

Jare royerure Tumpa pe agüɨye vaerä peyapo mbae ikavimbae vae. Mbaetɨ roipota ïru vae reta oyemongeta kavi oreré vaeräño, jaeño roipota pe reta peyapo vaerä ikavi vae, yepe tëi güɨramoi ïru vae reta oyemongeta ore añeteteä vae.

2 Corintios 8:21

orekɨ̈reɨ royapo jupi rupi yandeYa jóvai, mbaetɨ ïru vae reta jovaiño.

Efesios 2:3

Tenonde yave opaete yande vi yaiko yandesoo jemimbota reño jae reta rami. Yayapo yepi yandesoo jemimbota reta jare yandeyemongeta retaño. Jáeramo Tumpa iyarasɨ igüɨ pe yaiko, opaete ïru reta rami.

Efesios 4:22

Jáeramo, agüɨye mo peiko peikose rami. Peeya peyeugüi pereko indechigüe oñemona ikavimbae pe vae, pepɨa jemimbota yembotavɨ pegua.

Filipenses 1:27

Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae,

Filipenses 4:8

Jare añave cherɨvɨ reta, peyemongeta opaete mbae añetete vae re, opaete mbae jaekavi vae re, opaete mbae jupi vae re, opaete mbae ikɨambae vae re, opaete mbae ikavi vae re, jare opaete mbae yandepuere ñanemiari kavi jese vae re. Peyemongeta opaete ikavi vae jare mbaemboete pegua re.

1 Tesalonicenses 4:12

Jökorai yave, peyemboeteukata ko oporogüɨroviambae vae reta pe, jare ngaraa mbae oata peve.

1 Timoteo 2:2

mburuvicha guasu reta re, jare opaete mbaepuere güɨnoi vae reta re, yaiko pɨagüive vaerä, yamboete reve Tumpa jare oyoupi.

1 Timoteo 4:12

Agüɨye kia tanereröɨro ndetaɨrusu ramo, ërei eechauka oporogüɨrovia vae reta pe neñee rupi, reiko vae rupi, mboroaɨu rupi, espíritu rupi, mborogüɨrovia rupi jare teko kavi rupi.

1 Timoteo 5:10

jare jërakua kavi jembiapo reta rupi vae, oyangareko kavi imembɨ reta re, omboresive kavi mboupa, oyoe oporogüɨrovia vae reta ipɨ, omborɨ oiporara vae reta jare oyapo opaete mbae ikavi vae yave.

Hebreos 13:18

Peyerure Tumpa pe oreré. Echa roikuaa jekuaeño royapo ikavi vae pekotɨ. Jekuaeño roipota royapo jupi vae.

Hebreos 13:5

Agüɨye peipotarai korepoti. Peyerovia mbaembae penoi vae re, echa Tumpa jei: “Ngaraa poeya peangarekoambae.”

Santiago 3:13

Oime yave kia pepɨte pe iyarakuaa vae, toiko kavi. Toechauka jembiapo reta rupi jeko kavi oñemomichi reve kavi.

1 Pedro 2:15

Echa Tumpa jemimbota jae ko ikavi vae peyapo vae rupi pemokïrii iyarakuaambae vae reta.

1 Pedro 3:16

peyemongeta ikavi rupi, iñeenguru pekotɨ ikavimbae peyapo vaeecha vae reta, imara vaerä peangao perembiapo kavi Cristo re vae reta.

1 Pedro 4:11

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!

2 Pedro 3:11

Jare peikuaa ma opaete mbaembae añave yaecha vae opata oyemboai, jáeramo ¡ikavi ko peiko vaerä peyoambae reve, Tumpa pemboete reve!

RUT 3:14

Jare oke güire itɨma rupi köe regua, Booz opüa ndei köe kavi mbove; echa jei: “Agüɨye toikuaa metei ave, kuae kuña ou ko kuae kó pe vae.”