1 Pedro 2:11 - Biblia Guarani Tumpa Iñee

¹¹ Cherɨvɨ aaɨu vae reta, pomoñera ketɨgua rami peiko kuae ɨvɨ pe vae, peyeandu pesoo jemimbota reta oïraro perekove vae güi.

Nuevo Testamento Guaraní Pe

¹¹ Cherɨvɨ reta, pe reta mbaeti peico oporogüɨrovia mbae vae reta yogüɨreco rami, jare michi peguaño peicota cuae ɨvɨ pe. Jae rambue agüɨye peico peremimbota reño. Echa peremimbota perecove jovaicho co.

1 Pedro 2:11 ပူးပေါင်းရင်းမြစ်များ

GÉNESIS 21:34

Jare Abraham oiko ɨma filisteo reta iɨvɨ pe.

GÉNESIS 23:4

—Ketɨgua jare oguataiño vae che pepɨte pe, pemee ɨvɨ cheve anoi vaerä pepɨte pe tëogüe renda, cherembireko añotɨ vaerä pɨpe.

GÉNESIS 47:9

Jacob jei chupe: —Anoi ma ciento treinta año oipota rupi aguata vae, mbovɨ yae jare mbaetɨ ikavi ara reta cherekove pe, jare ndeiño aupitɨ cheñemuñagüe reta yogüɨreko rami.

1 CRÓNICAS 29:15

Echa nderóvai ore reta ko ketɨgua oasa ojo oiko vae ramiño, oreñemuñagüe reta rami, jare orerekove ɨvɨ iárambo metei küaraɨa michi peguaño vae rami ko.

SALMOS 119:19

Ketɨgua ko che kuae ɨvɨ pe, agüɨye eñomi chegüi ndeporookuai reta.

SALMOS 119:54

Ndeporookuai reta areko chetairarirä, ɨvɨ ambuae rupi aikoa pe.

SALMOS 39:12

CheYa Tumpa, eendu cheyerure, ¡eyeapɨsaka asapúkai ndeve vae re! ¡Agüɨye emaeiño tayaeo! Echa che, oguataiño vae rami ko ndeve, oguataiño vae cheñemuñagüe reta rami.

LEVÍTICO 15:18

Metei kuimbae oyapakua yave kuña ndive jare opoko jese yave, mókoi reve toyeyoe ɨ pe jare tikɨa topɨta reta Tumpa jóvai pɨ̈tu regua.

LEVÍTICO 25:23

Ɨvɨ agüɨye toñemee jekuae avei pegua, echa chembae ko; pe reta peguataiño peiko vae ko, ketɨgua ko pe reta chevegua jókuae ɨvɨ pe.

San Lucas 21:34

Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

Hechos 15:20

Ërei toyekuatía chupe reta, agüɨye vaerä oyemongɨa tumpa-raanga reta pe mbae oñererökuavee vae rupi, aguasa pe jare mɨmba oyeyuvɨgüe isoo, jare mbaerugüɨ, jare agüɨye vaerä oyapo aguasa.

Hechos 15:29

Agüɨye peu soo tumpa-raanga reta pe oñererökuaveegüe, jare mɨmba oyeyuvɨgüe isoo jare mbaerugüɨ. Agüɨye peyapo aguasa. Kuae roe peve vae peyapo yave, jaekavi ko. Tumpa ndiveño.”

Romanos 12:1

Jáeramo, cherɨvɨ reta, pomoñera Tumpa iporopareko rupi, pemee chupe perete, mɨmba oyeyukagüe Tumpa pe oñemee rami, peñeñono tee chupe, jae omboyerovia vae. Echa jupi ko körai añetete rupi pemboete vaerä Tumpa.

Romanos 7:23

ërei aecha ïru mborookuai cheyé, jókuae oyovaicho ayemongeta tëi ayapo vaerä vae ndive. Jae ko mbaeyoa oï cheré vae, güɨnoi mbaepuere cheré.

Romanos 8:13

Echa peiko pesoo jemimbota reño yave, pemanota ko, ërei Espíritu imbaepuere rupi pemaeñoä oikove pesoo jemimbota yave, peikoveta ko.

2 Corintios 5:20

Jáeramo Cristo yandemondo jae jee re jekovia pe, Tumpa etei imiari oï yande rupi rami. Jáeramo pomoñera Cristo jee re, peñeñono kavi ye Tumpa ndive.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

Gálatas 5:24

Ërei Cristo imbae ma vae reta oikutu ma kurusu re opaete soo jemimbota reve.

Efesios 2:19

Jáeramo pe reta ketɨgua ramiä ma ko ani oguataiño vae ramiä ma ko, oporogüɨrovia vae reta iñeïru ma ko, Tumpa jëtara reta,

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

2 Timoteo 2:22

Etekuarai taɨrusu reta jemimbota güi, ërei emomoe mbaejupi, mborogüɨrovia, mboroaɨu jare mbɨakatu, yandeYa omboete opaete ipɨa reve vae reta ndive.

Hebreos 11:13

Iporogüɨrovia reve opa omano omboresivembae reve Tumpa güɨrökuavee chupe reta vae, ërei oecha reta mombɨrɨ güi iporogüɨrovia rupi jare omomaraetei, jare jae reta omae iyé ketɨguaño ko kuae ɨvɨ pe.

Hebreos 6:9

Ërei, cherɨvɨ aaɨu vae reta, yepe tëi chemiari ma peve körai, ërei aikuaa pe reta mbaetɨ ko pepia yemboasa güi.

Santiago 4:1

¿Ketɨ güi pa oë peñoraro vaerä oyoupii? Oë ko peremimbota ikavimbae vae pemoambeko yae peɨvɨte pe penoi vae güi.

1 Pedro 1:1

Che Pedro, Jesucristo jemimondo. Aikuatía aï kuae tupapire opaete Israel pegua Ponto, Galacia, Capadocia, Asia jare Bitinia rupi mombɨrɨ perëtaguasu güi peñemoai peï vae reta pe;

1 Pedro 1:17

Jare Tumpa pe “cheRu” pere yave, peguata kavi opaete ara peikove peiko kuae ɨvɨ pe ramboeve; jae oporojäata opaete vae oyapo vae rupi.

1 Pedro 4:12

Cherɨvɨ aaɨu vae reta, agüɨye pepɨakañɨ peiporara yae peï vae re, echa jökorai ñotai ko yandeve.

1 Pedro 4:2

agüɨye vaerä ma oikove oiko ramboeve oiko kuimbae reta rami isoo jemimbota rupi, jaeño Tumpa jemimbota rupi.

2 Pedro 3:1

Cherɨvɨ aaɨu vae reta, mokoía ma ko aikuatía peve, mókoi reve pe pomboarakuaa peyemongeta kavi vaerä jese.