1 Pedro 1:7 - Biblia Guarani Tumpa Iñee

⁷ Echa peporogüɨrovia oñejäa güire, ikavi yaeta oro güi, echa oro yepe tëi opata, ërei oyetɨo tata rupi; jökorai peporogüɨrovia oñejäa güire imboetea yae vaerä Jesucristo oyekuaa ye yave.

Nuevo Testamento Guaraní Pe

⁷ Echa cuae mbaembae yavai peve vae oicuaucata peve ipɨrata ra peporogüɨrovia. Oro ñambochɨrɨrɨ tata pe, ñandepuere vaera ñamombo chugüi iquɨagüe, ipora yae oi vaera oro, yepe tei oro opata. Jae ramiño vi Tumpa oipota ipɨrata yae vaera peporogüɨrovia. Echa peporogüɨrovia icavi yae Tumpa pe oro güi. Jare peporogüɨrovia ipɨrata yave, peñemboeteuca yaeta co Jesucristo oyecuaa ye yave.

1 Pedro 1:7 ပူးပေါင်းရင်းမြစ်များ

JOB 23:10

Ërei jae chekuaa katu, chejäa yave aëta oro oyeambae rami.

JOB 28:1

Añete, korepoti oime jenda ɨvɨgüɨ pe, oro oime kia pe oyembokavi vaerä.

SALMOS 17:3

Nde reikuaa cheyemongeta, pɨ̈tu yave nde remae cheré, cheñono morojäa pe ërei mbaetɨ reväe teko cheré, echa añono chepɨa pe agüɨye vaerä ayavɨ mbae jae.

PROVERBIOS 16:16

Arakuaa ko ikavi yae, oro ñanoi vae güi; jare arakuaa katu, korepoti güi.

PROVERBIOS 17:3

Oro jare korepoti, oyetɨ o kavi tata pe; ërei yemongeta reta, ojäa yandeYa.

PROVERBIOS 8:19

Che amee vae ko ikavi yae ete oro oyembokavigüe güi; che amee vae ko ikavi yae ete korepoti oyeambae güi.

ECLESIASTÉS 5:14

echa mbaetɨ yave oyeporu kavi, ipuere opaetei okañɨ, jare imichia reta peguarä mbaetɨ eteita mbae opɨta.

ISAÍAS 48:10

Rotɨo, ërei mbaetɨ rotɨo korepoti oyetɨo rami, roparavo ko mbɨatɨtɨ rupi horno jaku yae vae rupi rami.

JEREMÍAS 48:36

Jáeramo chepɨatɨtɨ Moab re, jare opaete Kir-hares pegua reta re, mimbɨñee mano pegua rami, echa imbaeyekou reta opa okañɨtei.

JEREMÍAS 9:7

Jáeramo che, peYa Imbaepuere yae ete vae, jae: Mbaetɨ ye mbae ayapo vaerä tëta chembae vae ndive, jaeño tata pe añonota ambokavi vaerä.

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

MALAQUÍAS 3:3

Jare oguapɨta ombokavi jare oitɨo korepoti, jökoraita oitɨo Leví iñemuña reta; ombokavita oro jare korepoti rami; jare güeru retata mbota yandeYa pe jupi rupi.

NÚMEROS 5:28

Ërei jókuae kuña mbaetɨ ko oyemongɨa yave, ngaraa mbae oasa, jare imembɨ katuta.

San Mateo 19:28

Jayave Jesús jei jemimboe reta pe: —Añete che jae peve, che Kuimbaerä ayeapo vae aguapɨ yave cheyemboetea, mborookuaía pegua pe, pe reta peyu cherupíe vae peguapɨta vi doce guapɨa pe, pejäa vaerä doce ñemuña Israel pegua reta.

San Mateo 25:21

Jayave iya jei chupe: ‘Cherembiokuai ikavi vae, ikavi yae ko reyapogüe. Reyeokuai kavi cheve kuae mbovɨ vae re. Jáeramo ameeta jeta ndepo pe reyangareko vaerä jese, eyu eyerovia che ndive.’

San Mateo 25:23

Jayave iya jei chupe: ‘Cherembiokuai ikavi vae, ikavi yae ko reyapogüe. Reyeokuai kavi cheve kuae mbovɨ vae re. Jáeramo ameeta jeta ndepo pe reyangareko vaerä jese, eyu eyerovia che ndive.’

San Lucas 12:33

Pemee pembaembae, jare jepɨgüe pemee paravete vae reta pe. Körai peyapo yave, penoita mbaeyekou opambae vae ara pe, imonda vae reta oikembaea pe jare kupii güɨrokomeguambaea pe.

San Lucas 17:30

Jökoraita vi oasa che Kuimbaerä ayeapo vae ayekuaa yave.

San Juan 12:26

Oyeokuai cheve vae tojo cherupíe. Cherembiokuai oïta che aïtaa pe. Jare cheRu ombotuichaukata oyeokuai cheve vae.

San Juan 5:44

Pepuereä etei peporogüɨrovia. Echa peipota jekuaeño ïru vae reta pembotuicha vaerä, ërei mbaetɨ peeka yembotuicha Tumpa jae vaeño vae oipota tëi penoi vaerä vae.

Hechos 8:20

Ërei Pedro jei chupe: —Nde rekañɨteita ko ndekorepoti ndive. Echa reyemongeta regua vaerä korepoti re mbota Tumpa omee vae.

Romanos 2:10

Ërei imboeteata jare ipɨakatuta, opaete ikavi vae oyapo vae reta, tenonde ete judío reta, jaɨkue rupi judiombae vae reta vi.

Romanos 2:29

Ërei judío añetete vae, ipɨa pe etei oï vae jeko pegua ko. Jaeramiño vi metei oyembocircuncidauka vae, ipɨa pe etei ko oyembocircuncida, Espíritu rupi, mbaetɨ oyekuatía oï vae jeko peguaño. Kuae nunga, Tumpa omboeteuka, yepe tëi ïru vae reta mbaetɨ omboete.

Romanos 2:7

Omeeta tekove opambae vae, jókuae ipɨaguasu reve oyapo ikavi vae, jare oeka mbaemboete jare manombae vae pe;

Romanos 8:19

Echa opaete Tumpa jembiapo oäro ñogüɨnoi ikɨ̈reɨ yae reve Tumpa oechauka vaerä taɨ reta.

1 Corintios 3:13

metei ñavo vae iparavɨkɨ oyekuaata ko tata rupi morojäa iara pe, echa tata oechaukata mbae nunga mbaravɨkɨ oyapo metei ñavo vae.

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

Santiago 1:12

Oyerovia ko jókuae kuimbae omoamɨri mbaemboavai ou chupe yave vae. Echa ipɨ̈rata reve omoamɨri vae pe oñemeeta tekove opambae vae, yandeYa güɨrökuavee omee vaerä opaete güɨnoi mboroaɨu ikotɨ vae reta pe.

1 Pedro 1:13

Jáeramo, peïndaivi jare peyemongeta kavi, jare peäro pepɨakatu reve Tumpa ipɨakavi rupi omeeta peve Jesucristo oyekuaa ye yave vae.

1 Pedro 1:5

Imbaepuere pe Tumpa oyangareko oï peré perovia jese ramo, peyemboasauka vaerä jókuae oyekuaata ara taɨkuegua reta pe vae pe.

1 Pedro 2:4

Peyemboya yandeYa re, jae ko jókuae ita oikove vae, ɨvɨ pegua reta güɨröɨro jókuae ita. Ërei Tumpa peguarä ko oyeparavogüe jare ikavigüe.

1 Pedro 2:7

Pe perovia jese vae reta peguarä ko jae ita ikavigüe; ërei mbaetɨ güɨrovia jese vae reta pe ko: “O iyapoa reta güɨröɨro ita vae, ou opɨta o ekina iguapɨkarä.”

1 Pedro 4:12

Cherɨvɨ aaɨu vae reta, agüɨye pepɨakañɨ peiporara yae peï vae re, echa jökorai ñotai ko yandeve.

1 Pedro 4:13

Ërei peiporara peï yave peyerovia, echa peikuaa peiporara ko peï Cristo oiporara rami, peyerovia yae vaerä jae iyemboetea oyekuaa yave.

1 Pedro 5:1

Amoñera oporogüɨrovia vae reta itenondegua reta pepɨte pe ñogüɨnoi vae. Che vi akuakuaa ma jae reta rami, jare amoërakua vi Cristo oiporara yanderé vae re. Jare Cristo oyekuaa yave, che vi ayeroviata jae ndive.

2 Pedro 1:1

Che Simón Pedro, Jesucristo jembiokuai jare jemimondo, aikuatía peve pe peupitɨ mborogüɨrovia ikavigüe vae ñaneTumpa jare yandeYa Jesucristo jupi vae rupi, ore rami.

2 Pedro 1:4

Jókuae mbaembae rupi Tumpa oyapo yandeve morogüɨrökuavee ikavigüe yae jare tuichagüe, jókuae rupi ñanoi ma jae omee yandeve vae, peeya ramo opaete ikavimbae ɨvɨ pegua soo jemimbota rupi oime vae.

2 Pedro 3:14

Jáeramo, cherɨvɨ aaɨu vae reta, peäro ramboeve peï kuae mbaembae reta, peyeandu agüɨye vaerä peñeväeuka pekɨa reve ani teko pe, jaeño mbɨakatu pe.

Judas 1:24

Jókuae imbaepuere yae ñaneovatu vaerä yagüɨapimbae reve vae, jare ñaneñono vaerä ikɨambae jare yayerovia yae reve jae jóvai iyemboetea pe,

Apocalipsis 1:7

¡Mase, ko jae ou amapɨtu re! Opaete vae oechata, oikutuuka vae reta ave oechata; Jare opaete jókuae ɨvɨ pegua reta ipɨatɨtɨ yaeta jese. Körai toyeapo. ¡Amén!

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.

Apocalipsis 3:10

Reyapo che jae ndeve reyapo vaerä vae ndepɨaguasu reve ramo, che roepɨta opaete ɨvɨ pe yogüɨreko vae reta oiporarata oñejäa yave vae güi.

Apocalipsis 3:18

Jáeramo, romboarakuaa regua vaerä chegüi oro ikɨambae tata pe oyetɨo vae, reikokatu vaerä, jare temimonde tïi vae remonde vaerä, agüɨye vaerä nenandi oyekuaa. Romboarakuaa vi reñono vaerä moa peresa pe, reecha vaerä.

1 SAMUEL 2:30

Jáeramo, Israel iTumpa jei tëi tenonde yave neñemuñagüe reta pe, ndeve jare neñemuña reta oyeokuai vaerä chupe jekuae avei, ërei añave jei: ‘Ngaraa ma ayapo jökorai, amboeteukata chemboete vae reta, ërei chereröɨro vae reta aröɨrota vi.