1 Pedro 1:4 - Biblia Guarani Tumpa Iñee

⁴ Tumpa oñovatu peve ara pe pembaerä oyemboaimbae vae, ikɨambae jare oikomeguambae. Oñeñovatu oï ara pe peveguarä.

Nuevo Testamento Guaraní Pe

⁴ Tumpa oñovatu ma peve ara pe pembaera. Jocuae icavi yae co. Mbaeti etei ipuere oyepoepɨ jare ngaraa etei opa.

1 Pedro 1:4 ပူးပေါင်းရင်းမြစ်များ

SALMOS 31:19

¡Tuicha yae ko ndepɨakavi, oipoɨu ndegüi vae reta kotɨ! Kuimbae reta jovake remee nderé oyeko vae reta pe.

SALMOS 47:4

Jae ko oiparavo yandeve yandeɨvɨ reta, Jacob ombotuicha vae, jae jembiaɨu.

ISAÍAS 66:22

YandeYa jei vi: “Echa ara ipɨau vae, jare ɨvɨ ipɨau vae che ayapota vae, ñogüɨnoi aveita cheresa róvai rami, jökoraita ko oime avei peñemuña reta jare peree.

EZEQUIEL 47:12

Ɨ̈aka jembeɨ jovaicho icho rupi okuakuaata oipotagüe ɨvɨra oime ia vae, mbaetɨta osururu joo reta jare ia aveita. Jarembae mbae iata, echa tupao güi ɨ oë vae omoäkɨta. Iagüe ikavita oyeu vaerä jare joogüe moarä.

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Marcos 10:17

Jare Jesús jaema ojo yave, metei osɨi ou ikotɨ, jare oyetavatɨka Jesús jóvai jei reve: —Oporomboe vae, jupi vae, ¿mbae pa chepuere ayapo anoi vaerä tekove opambae vae?

Hechos 20:32

Añave cherɨvɨ reta, poeya Tumpa jare iñee ipɨakavi pegua pe. Echa kuae ñee güɨnoi mbaepuere pemomɨ̈rata jare omee peve pembaerä opaete jókuae oñeñono tee Tumpa peguarä vae reta ndive.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

Romanos 8:17

Jare yande Tumpa taɨ reta ramo, ñanoita vi yandembaerä jae omeeta yandeve vae. Ñanoita ko yandembaerä Cristo ndive, yaiporara yave jae oiporara rami; jare Tumpa yandemboeteukata Cristo ndive.

1 Corintios 9:25

Opaete oipota oporomoamɨri vae reta oyekuaku ko opaete mbaembae güi. Jae reta omongana imbaerä oikomegua vae. Ërei yande ñanoita mbae oikomeguambae.

Gálatas 3:18

Echa Tumpa güɨrökuavee vae oñemee yave mona mborookuai rupi, morogüɨrökuaveeä ma ko; ërei Tumpa omee ko Abraham pe morogüɨrökuavee rupi.

Efesios 1:11

Iyɨpɨ güive voi yandeparavo ñanoi vaerä jae omeeta yandembaerä vae, jae oyapo opaete mbaembae ipɨa jemimbota rupi vae.

Efesios 1:14

Jae ko oikuaauka Tumpa omeeta yandeve vae iyarä ko yande vae, yandereraja ete regua, oyemboeteuka vaerä.

Efesios 1:18

Tumpa toesape pearakuaa, peikuaa kavi vaerä mbaerä ra pereenɨi vae jare kërai penoi vi ko mborerekua tuichagüe oporogüɨrovia vae reta ndive vae,

Colosenses 1:12

Peyerovia reve pemee yasoropai yandeRu pe, echa jae omee ma peve penoi vaerä pembaerä opaete ïru oporogüɨrovia vae reta tembipe pegua pe oñemeeta vae.

Colosenses 1:5

peäro peï reve Tumpa oñovatu ma peve ara pe vae ramo. Pe reta peikuaa kuae regua, ñee ikavi vae añete vae peendu yave.

Colosenses 3:24

Echa peikuaa ko yandeYa omboekoviata peve jókuae omeeta pembaerä vae. Echa peyeokuai ko peï yandeYa Cristo pe.

2 Timoteo 4:8

Jare añave oñeovatu ma oï cheve metei äka-regua jupi vae pegua. YandeYa oporojäa vae jupi vae, omeeta cheve metei äka-regua jókuae ara; ërei mbaetɨ cheveño, omeeta vi opaete oaɨu iväea iara vae reta pe.

Hebreos 10:34

Echa peiparareko tembipɨɨrɨru pe ñogüɨnoi vae reta. Jare ïru vae reta pembaembae opɨ̈ro pegüi yave, peiporara peyerovia katu reve. Echa peikuaa penoi ko ara pe mbaembae ikavigüe opambae.

Hebreos 9:15

Jare jókuae jeko pegua jae oï ñanemoñoövaiti vaerä Tumpa ndive morogüɨrökuavee päve ipɨau vae rupi vae. Echa Cristo omano omboepɨ vaerä tenondegua morogüɨrökuavee päve pe mbaeyoa oyapo vae reta re. Jáeramo Tumpa oenɨi vae reta güɨnoita imbaerä güɨrökuavee chupe reta vae.

Santiago 1:11

Kuaraɨ oë jare jakuvo yae yave, ñana ipiru, ipotɨ opa osururu jare ipöra okañɨtei. Jökorai ko oikokatu vae okañɨtei imbaembae ipɨte pe.

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

1 Pedro 5:4

Jare Cristo oporogüɨrovia vae reta iyangarekoa reta Juvicha ou ye yave, omeeta peve äka-regua mbaemboete oikomeguambae vae.

Apocalipsis 21:27

Ërei ngaraa etei oike jókuae tëta guasu pe oipotagüe ikɨa vae jare oipotagüe pɨ̈chɨi vae oyapo vae jare iyapu vae. Jaeño Vecha kuimbae taɨrusu vae jembikuatía tekove pegua pe jee oyekuatía oï vae reta.